اسقار مامين مەن دميتريي روگوزين عارىش سالاسىنداعى ىنتىماقتاستىق ماسەلەلەرىن تالقىلادى

723
0
بولىسۋ:

15 قىركۇيەكتە ماسكەۋدە قر پرەمەر-مينيسترىنىڭ بىرىنشى ورىنباسارى اسقار ماميننىڭ «روسكوسموس» عارىش قىزمەتى جونىندەگى مەملەكەتتىك كورپوراتسيياسىنىڭ باس ديرەكتورى دميتريي روگوزينمەن جۇمىس كەزدەسۋى وتتى.  

كەزدەسۋ بارىسىندا ەكىجاقتى ىنتىماقتاستىقتىڭ وزەكتى ماسەلەلەرى مەن «بايقوڭىر» كەشەنىن ودان ارى دامىتۋ پەرسپەكتيۆالارى تۋرالى پىكىر الماستىرىلىپ, «بايتەرەك» بىرلەسكەن قازاقستان–رەسەي جوباسىنىڭ ىسكە اسىرىلۋ بارىسى تالقىلاندى.

«بايقوڭىر» كەشەنى جونىندەگى ۇكىمەتارالىق كوميسسييانىڭ الداعى جۇمىس تارتىبى, سونداي-اق, بايقوڭىر ق. دامىتۋعا قاتىستى ماسەلەلەر تالقىلاندى. قازىرگى تاڭدا ينۆەستيتسييالار تارتۋ ماقساتىندا بايقوڭىر قالاسىندا ارنايى ەكونوميكالىق ايماق قۇرۋ ماسەلەلەرى پىسىقتالىپ جاتىر.

سونىمەن قاتار, كەزدەسۋ بارىسىندا عارىشتىق بايلانىس سپۋتنيكتەرىن بىرلەسىپ قۇرۋ سالاسىنداعى ىنتىماقتاستىق كەلەشەگى تالقىلاندى.

 

primeminister.kz

بولىسۋ:

پىكىر جازۋ


*