ەلباسى ەلوردا دامۋىنا كوڭىل بولدى

636
0
بولىسۋ:

ەلباسى نۇرسۇلتان نازارباەۆ پرەزيدەنت اكىمشىلىگىنىڭ باسشىلىق قۇرامىمەن كەزدەستى. مەملەكەت باسشىسى كەزدەسۋ بارىسىندا ادىلبەك جاقسىبەكوۆكە پرەزيدەنت اكىمشىلىگىنىڭ باسشىسى لاۋازىمىندا جانە باسقا دا مەملەكەتتىك قىزمەتتەردە اتقارعان جۇمىسى ۇشىن العىس ايتىپ, ونىڭ قازاقستان رەسپۋبليكاسى مەملەكەتتىلىگىن قالىپتاستىرۋ جانە دامىتۋ ىسىنە زور ۇلەس قوسقانىن ەرەكشە اتاپ وتتى.

كەزدەسۋ بارىسىندا نۇرسۇلتان نازارباەۆ جيىنعا قاتىسۋشىلارعا پرەزيدەنت اكىمشىلىگىنىڭ جاڭا باس­شىسى اسەت يسەكەشەۆتى تانىستىرىپ, جاڭا جاۋاپتى قىزمەتىنە تابىس تىلەدى.
– اسەت ورەنتايۇلى مەنىڭ كومەكشىم بولدى, مينيستر, پرەمەر-مينيستردىڭ ورىنباسارى قىزمەتتەرىن اتقاردى. باس قالامىزدا جۇمىس ىستەگەن سوڭعى ەكى جارىم جىل ىشىندە ەلوردالىقتاردان جوعارى باعا الدى. ول بەلسەندى ارى كرەاتيۆتى ۇستانىممەن ەرەكشەلەنەدى. قازىر بىزگە دال وسىنداي ادام كەرەك. يسەكەشەۆ ەلورداعا اكىم بولعان ۋاقىتتا بىز ەحرو – 2017 كورمەسىن جانە استا­نانىڭ 20 جىلدىعىن ابىرويمەن وتكىز­دىك. اسەت ورەنتايۇلى بۇل مىندەتتى دە لايىقتى ورىنداي الاتىنىنا سەنىم­دىمىن, – دەدى مەملەكەت باسشىسى.
كەزدەسۋ الدىندا قالالىق ماسليحات­تىڭ سەسسيياسى وتتى. وندا دەپۋتاتتار استانا قالاسىنىڭ جاڭا اكىمى باقىت سۇلتانوۆتىڭ كانديداتۋ­راسىن بىراۋىز­دان ماقۇلدادى.
ەلباسى وز كەزەگىندە قالانىڭ جاڭا باسشىلىعىنىڭ الدىندا تۇرعان مىن­دەتتەردى اتاپ وتتى.
– ەلوردا اكىمىن تاعايىنداۋ ما­سەلەسىنە زور مان بەرەمىن. قالانى دا­مىتۋ ىسى, سونىڭ ىشىندە استاناداعى بۇكىل نىسانداردىڭ قۇرىلىسى ۇنەمى مەنىڭ جەكە باقىلاۋىمدا. بۇل – مەن ۇشىن ماڭىزدى باسىمدىق. باقىت سۇلتا­نوۆتىڭ مەملەكەتتىك باسقارۋ ىسىندەگى تاجىريبەسى مول ارى ۇيىمداستىرۋشىلىق قابىلەتى جەتكىلىكتى, – دەدى ول.
جيىن بارىسىندا قازاقستان پرەزي­دەنتى استانانىڭ جاڭا باسشىلىعى ال­دىندا تۇرعان مىندەتتەرگە دە توقتالدى.
– دامۋدىڭ جاڭا مودەلىن ەنگىزۋ قاجەت. يننوۆاتسييانى ىلگەرىلەتۋ جانە كرەاتيۆتى ادامداردىڭ كوبەيۋى ۇشىن قولايلى ورتا قالىپتاستىرعان جون. سول ۇشىن قالانىڭ 2050 جىلعا دەيىنگى ۇزاقمەرزىمدى دامۋ ستراتەگيياسىن ازىرلەۋ كەرەك, – دەدى ن.نازارباەۆ.
ەلباسى «استانا» حالىقارالىق قارجى ورتالىعىنىڭ مۇمكىندىكتەرىن پايدالانا وتىرىپ, استانانى ىسكەرلىك قارجى حابى رەتىندە دامىتۋدى جالعاس­تىرۋ قاجەت ەكەنىن ايتتى. مەملەكەت باسشىسى سونداي-اق جاڭا تۇرعىن ۇيلەر سالۋ, تۇرعىندار ۇشىن قولايلى جاعداي جاساۋ, الەۋمەتتىك نىساندار تۇرعىزۋ ماسەلەلەرىنە ەرەكشە نازار اۋداردى.
سونىمەن قاتار قازاقستان پرەزي­دەنتى قالانىڭ ينفراقۇرىلىمىن دا­مىتۋ قارقىنىن ساقتاۋدىڭ جانە شاھار­دى گازبەن قامتۋ ۇشىن دايىندىق جۇ­مىستارىن جۇرگىزۋدىڭ ماڭىزدىلىعىن ايتتى.
نۇرسۇلتان نازارباەۆ ەلوردانىڭ تۋ­ريستىك الەۋەتىن دامىتۋ ىسىندە الەمنىڭ ۇز­دىك تاجىريبەلەرىن قولدانۋدى تاپ­سىردى.
ەلباسى قالانىڭ بارلىق مەملەكەت­تىك قۇرىلىمدارىنىڭ جۇمىسىن ترانس­فورماتسييالاۋدى جالعاستىرۋ, كورسە­تىلەتىن مەملەكەتتىك قىزمەت ساپاسىن ارتتىرۋ جانە تسيفرلاندىرۋ باعدارلا­ماسىن ىسكە اسىرۋ ماسەلەلەرىن استانا­نى ودان ارى دامىتۋدىڭ باسىمدىق­تارى رەتىندە ەرەكشە اتاپ وتتى.
ەلباسى جيىن سوڭىندا ەلىمىزدىڭ ەكونوميكالىق وسىمىن جانە حالىقتىڭ ال-اۋقاتىن ودان ارى ارتتىرۋ ىسىندە پرەزيدەنت اكىمشىلىگىنىڭ باستى رول اتقاراتىنىن ايتىپ, ونىڭ الداعى كەزەڭ­گە ارنالعان جۇمىستارىنىڭ نەگىزگى باسىمدىقتارىن بەلگىلەپ بەردى.
سوڭىندا ا.يسەكەشەۆ پەن ب.سۇل­تانوۆ سەنىم بىلدىرگەنى ۇشىن نۇرسۇلتان نازارباەۆقا العىس ايتىپ, باس قالامىز بەن بۇكىل ەلىمىزدى دامىتۋ ىسىنە وزدەرىنىڭ زور ۇلەستەرىن قوساتىنىن جەتكىزدى.


ابىلايحان جۇماش

بولىسۋ:

پىكىر جازۋ


*