تالقىلاۋعا تۇسكەن قۇجات

605
0
بولىسۋ:

 ۇكىمەت ۇيىندە پرەمەر-مينيستر باقىتجان ساعىنتاەۆتىڭ توراعالىعىمەن ونەركاسىپتىك دامۋ جونىندەگى كوميسسييانىڭ وتىرىسى وتتى. وتىرىس بارىسىندا يندۋستريالدى دامۋ سالاسىنداعى مەملەكەتتىڭ ۇزاقمەرزىمدى ارى جۇيەلى ساياساتى تالقىلاندى. 

اتاپ ايتقاندا, كوميسسييا مۇشەلەرىنىڭ قاراۋىنا 2020-2024 جىلدارعا ارنالعان قازاقستان رەسپۋبليكاسىنىڭ يندۋستريالدى-يننوۆاتسييالىق دامۋ تۇجىرىمداماسى ۇسىنىلدى. ينۆەستيتسييالار جانە دامۋ مينيسترى ج.قاسىمبەكتىڭ ايتۋىنشا, جوبا ەلباسىنىڭ «تورتىنشى ونەركاسىپتىك رەۆوليۋتسييا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا العا قويىلعان مىندەتتەرگە سايكەس جانە قازاقستاننىڭ 2025 جىلعا دەيىنگى ستراتەگييالىق دامۋ جوسپارىنىڭ نەگىزگى تالاپتارىنا نەگىزدەلىپ دايىندالعان.
مالىم بولعانداي, ەلىمىزدە 2010 جىلدان باستاپ, ەكونوميكانى ارتاراپتاندىرۋ جانە شيكىزات باعىتىنان شىعۋ جولىمەن ەلىمىزدىڭ تۇراقتى دامۋىنا قول جەتكىزۋگە باعىتتالعان يندۋستريالدى ساياسات جۇرگىزىلىپ كەلەدى. 2019 جىلى يندۋسترييالاندىرۋدىڭ ەكىنشى بەسجىلدىعى اياقتالادى. ۇشىنشى بەسجىلدىقتىڭ تالقىلانىپ جاتقان تۇجىرىمداماسىندا وتاندىق وڭدەۋ ونەركاسىبىنىڭ حالىقارالىق باسەكەگە قابىلەتتىلىگىن ىنتالاندىرۋعا جاعداي جاساۋدى انىقتاۋ ۇسىنىلادى. وسى ماقساتقا قول جەتكىزۋ ۇشىن قازاقستاندىق تاۋارلاردى سىرتقى نارىقتارعا شىعارۋ, يندۋسترييالاندىرۋدى تەرەڭدەتۋ, نەگىزگى سالالاردى نىعايتۋ سەكىلدى مىندەتتەردى شەشۋ قاجەت. يندۋسترييالاندىرۋ ساياساتى ساباقتاستىقتى ساقتاپ, وڭدەۋ ونەركاسىبىن دامىتۋعا باعىتتالاتىن بولادى.
وتىرىسقا سالالىق قاۋىمداستىقتاردىڭ وكىلدەرى دە قاتىستى.

ايحان شارىپ

بولىسۋ:

پىكىر جازۋ


*