ەلباسى وزى شىڭدالعان وڭىردە بولدى

1040
0
بولىسۋ:

نۇرسۇلتان نازارباەۆ قاراعاندى وب­لى­سىنداعى بىرقاتار ونەركاسىپ كاسىپ­ورىن­دارىن ارالاپ, وڭىردىڭ ينفراقۇرى­لىمدىق دامۋ جوسپارىمەن تانىستى, الەۋمەتتىك جانە مادەني نىساندارىندا بولدى.

مەملەكەت باسشىسى Maker جاۋاپكەرشىلىگى شەك­تەۋلى سەرىكتەستىگىنىڭ قاراعاندى قۇيۋ-ماشينا جاساۋ زاۋىتىنا باردى.
ەلباسىعا روبوتتاندىرىلعان زاماناۋي قۇرىل­عىلار, اۆتوماتتاندىرىلعان باسقارۋ جۇيە­سىمەن جابدىقتالعان جاڭا ماشينا جاساۋ زاۋىتىنىڭ وندىرىستىك ۇدەرىسى تانىستىرىلدى.
نۇرسۇلتان نازارباەۆقا وبلىستاعى ينۆەس­تيتسييا­لىق جوبالاردىڭ ىسكە اسىرىلۋ جوسپارى باياندالدى, سونداي-اق «قازاقمىس» كور­پوراتسيياسى» جاۋاپ­كەر­شىلىگى شەكتەۋلى سەرىك­تەستىگىنىڭ جۇمىس­تارى تا­نىس­تى­رىلدى.
سونىمەن قاتار ەلباسى كاسىپورىن ۇجىمىمەن جا­نە قاراعاندى مەملەكەتتىك تەحنيكالىق ۋنيۆەر­سي­تەتىنىڭ ستۋدەنتتەرىمەن اڭگىمەلەستى.مەملەكەت باسشىسى ەكونوميكانى دامىتۋ­دىڭ زا­ماناۋي ۇردىسىنە ساي دۋالدى بىلىم بەرۋدىڭ جانە كادرلار دايارلاۋدىڭ ماڭىزدىلىعىن ايتتى. قازاقستان پرەزيدەنتى جاس مامان­دارعا جۇ­مىستا زور تابىسقا جەتۋگە تىلەكتەستىك بىلدىردى.
سونداي-اق قازاقستان پرەزيدەنتى «قاراعاندى فار­ماتسەۆتيكا كەشەنى» جاۋاپكەرشىلىگى شەكتەۋلى سەرىك­تەستىگىنە باردى. مەملەكەت باسشىسى وزىق قۇرىلعىلارمەن جاب­دىقتالعان, وندىرىستىك جوبالىق قۋاتى جىلىنا 4 ميل­ليون بيوتەحنولو­گييالىق دارى-دارمەك بۋماسىن شى­عارۋعا لايىق­تالعان كاسىپورىندى ارالاپ كوردى.
سونىمەن قاتار نۇرسۇلتان نازارباەۆقا وڭىردەگى دەن­ساۋلىق ساقتاۋ سالاسىن تسيفرلاندىرۋ جانە مەم­لەكەت-جەكەمەنشىك ارىپتەستىك اياسىنداعى جوبا­لار­دىڭ ىسكە اسىرىلۋ بارىسى باياندالدى.
سونداي-اق ەلباسى قاراعاندى قالاسىنىڭ جاڭا ور­تالىعىنداعى قۇرىلىس جۇمىستارىمەن تانىستى.
نۇرسۇلتان نازارباەۆ قاراعاندى قالاسىنىڭ «وڭ­تۇستىك-شىعىس» اۋدانىندا ورنالاسقان تۇرعىن الا­بىنىڭ قۇرىلىسىن ارالاپ كوردى. مەملەكەت باس­شىسىنا قالانى دامىتۋ ۇشىن تۇرعىن ۇيلەر مەن الەۋ­مەتتىك ماڭىزى بار نىساندار سالۋ بارىسى جانە ونىڭ ناتيجەلەرى جونىندە باياندالدى. جاڭا ور­تا­لىق اۋماعىندا بىرقاتار اكىمشىلىك عيماراتتارى مەن سپورت كەشەندەرىن, كونتسەرت زالىن, بالالار مەن جاسوسپىرىمدەر ۇيىن, لوگيستيكالىق كوتەرمە-تاراتۋ ورتا­لىعىن جانە مەكتەپ سالۋ جوسپارلانعان.
سونىمەن قاتار نۇرسۇلتان نازارباەۆقا «نۇرلى جەر» جانە «نۇرلى جول» باعدارلامالا­رىنىڭ ىسكە اسىرىلۋ بارىسى, سونىڭ ىشىندە قاپشاعاي – بۋرىل­باي­تال – بالقاش باعىتىندا­عى جولدىڭ قۇرىلىسى مەن وبلىستىڭ ىشكى جولدارىن قايتا جوندەۋ نا­تي­جەلەرى جونىندە مالىمدەلدى.
ەلباسى دوستىق ۇيىندە قاراعاندى وبلىسىن ودان ارى دامىتۋ ماسەلەلەرى جونىندە كەڭەس وتكىزدى.
– جالپى ىستەلىپ جاتقان جۇمىس دۇرىس باعىتتا جۇ­رىپ جاتىر. تيىستى باعدارلامامەن ورىندالىپ جا­تىر. وبلىس اكىمشىلىگىنىڭ جۇمىسىنا وڭ باعا بەرۋگە بولادى. بىراق الدى­مىزدا تۇرعان ماقساتتار كوپ. سىزدەر بىلەسىزدەر, ەلىمىزدە وراسان زور باعدارلا­ما­لار قولعا الىنعان. وبلىستا ىسكە قوسىلعان ين­دۋستريال­دى باعدارلامالاردىڭ ناتيجەسىندە 10 مىڭعا جۋىق جۇمىس ورنى اشىلعان. قازاقستان الەم بويىنشا توعىزىنشى ورىندا تۇر. سوندىقتان ينف­راقۇرىلىم بىز ۇشىن وتە ماڭىزدى. الماتىدا ەكى ملنعا جۋىق ادام بار. شىمكەنت پەن استانادا ملن تۇرعىن بار. ەن­دىگى كەزەك – قاراعاندىدا. قاراعاندى دا ميل­ليون­دار قالاسى بولسا دەپ ارماندايمىن. بۇل ۇشىن ايماقتى دامىتۋ قاجەت. جاستارمەن جۇمىس جۇرگىزۋ ك­ە­رەك. قازىر نارىق زامانى. تابىس تابۋدى مەڭگەرۋ كە­رەك. بالالارعا ۇيرەتۋ كەرەك. ەڭبەك ىستەگەن ادامدا بارى بولادى. ەڭبەك ىستەگەن ادامدا جۇمىسسىزدىق بولمايدى, – دەدى ن.نازارباەۆ.
ەلباسى وبلىستاعى وتكىر ماسەلەلەرگە جەكە-جەكە توق­تالدى.
«وبلىستا اۋىزسۋمەن قامتاماسىز ەتۋ ماسەلەسى وزەك­تى. «نۇرلى جەر», «تۋعان جەر» باستامالا­رى نەگى­زىن­دە ەلدىمەكەندەردى كورىكتەندىرۋ جۇمىس­تارىن توق­تاتپاۋ كەرەك. جىلۋمەن قامتاماسىز ەتۋ ماسەلەسى بار. قالا جىلۋسىز قالماسىن» دەپ قاداپ ايت­تى ەلباسى.
قازاقستان پرەزيدەنتى وبلىستىڭ ەتنو-مادەني بىر­لەستىكتەرىنىڭ جۇمىسىمەن تانىس­قاننان كەيىن وڭىر­دەگى جۇرتشىلىق وكىلدەرىمەن كەزدەستى.
مەملەكەت باسشىسى وبلىستىڭ ەكونوميكالىق دامۋ كورسەتكىشتەرىنىڭ وڭ قارقىنىن ايرىقشا اتاپ وتتى.
– بەس جىل ىشىندە 1,7 ميلليون شارشى مەتر تۇر­­عىن ۇي پايدالانۋعا بەرىلدى. تۇرعىن ۇي قۇرى­لى­سىنىڭ قارقىنى جونىنەن بۇل وڭىر رەسپۋبلي­كادا تورتىنشى ورىندا, – دەدى نۇرسۇلتان نازارباەۆ.
قازاقستان پرەزيدەنتى قاراعاندى وڭىرىنىڭ ەلى­مىزدەگى ەڭ ۋربانيزاتسييالانعان ايماق ەكەنىن ايتىپ, وب­لىستاعى بارلىق ەلدىمەكەندە الەۋمەتتىك ينفرا­قۇرى­لىمدى ىلگەرىلەتۋدىڭ ماڭىزدىلىعىن اتاپ وتتى.
مەملەكەت باسشىسى ەلىمىزدىڭ كولىك-ترانزيت الەۋە­تىن پايدالانۋعا جانە تۇرعىنداردىڭ ال-اۋقا­تىن ارتتىرۋعا باعىتتالعان ستراتەگييالىق دامۋ باع­دار­­لامالارىن ودان ارى ىسكە اسىرۋ ماسەلەلەرىنە ەرەك­شە نازار اۋداردى.
ەلباسى قاراعاندى وبلىسى اكىمىنىڭ بايان­داما­سىن تىڭداپ, جۇرتشىلىق وكىلدەرىمەن اڭگىمەلەسكەن سوڭ, وڭىردىڭ ەكونوميكالىق وسىمىن ودان ارى قام­تا­ما­سىز ەتۋ جونىندەگى بىرقاتار باستى مىندەتتەردى شە­شۋ قاجەتتىگىن ايتتى.
سونىمەن قاتار قازاقستان پرەزيدەنتى تۇرعىن­دار­عا جاعداي جاساۋ جانە ولاردىڭ ال-اۋقاتىن جاق­سارتۋ ۇشىن كاسىپورىنداردىڭ الەۋمەتتىك جاۋاپ­كەر­شىلى­گىن ارتتىرۋ قاجەتتىگى جونىندە ايتتى.
سونداي-اق نۇرسۇلتان نازارباەۆ نەعۇرلىم سۇرا­نىسقا يە ارى يمپورتتالاتىن تاۋارلار وندىرۋ ىسىن رەتتەپ, كورسەتىلەتىن قىزمەت ساپاسىن جاقسارتۋدى تاپ­سىردى.
– ىرى 4 كاسىپورىندا يندۋسترييا 4.0 ەلەمەنتتە­رىن ەن­گىزۋ جوسپارلانىپ وتىر, ال 2 كاسىپورىن «مودەلدى تسيفرلى فابريكا» رەتىندە ايقىندالدى. روبوت­تان­دىرۋ, جاساندى ينتەللەكت, ونەركاسىپتىك ينتەرنەت كا­سى­پورىندارعا ەڭبەك ونىمدىلىگى مەن ونىمدەرىنىڭ باسە­كەگە قابىلەتتىلىگىن ارتتىرۋعا مۇمكىندىك بەرەدى. بۇل جۇمىستار تۇراقتى جۇرگىزىلۋگە تيىس, – دەدى ەلبا­سى.
سونىمەن بىرگە, قازاقستان پرەزيدەنتى كورسە­تىلە­تىن مەملەكەتتىك قىزمەتتەردى تسيفرلاندىرۋ با­عى­تىنداعى جۇمىستاردى جانداندىرۋدى جانە قاراعاندى قالاسىن دامىتۋدىڭ ۇزاقمەرزىمدى سترا­تەگيياسى مەن ونى ىسكە اسىرۋ جونىندەگى جول كارتاسىن ازىر­لەۋدى تاپسىردى.
نۇرسۇلتان نازارباەۆ ەل ەكونوميكاسىنداعى بيز­نەستىڭ ماڭىزدى رولىن اتاپ وتىپ, قاراعاندى وب­لىسىندا بيزنەستى دامىتۋ كارتاسىن ازىرلەۋدى, نا­تي­جەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى مەن 2020 جىلعا ارنالعان بيزنەستىڭ جول كارتاسى اياسىندا تۇرعىنداردى كاسىپكەرلىككە بەلسەندى تارتۋدى تاپسىردى.
كەڭەس بارىسىندا مەملەكەت-جەكەمەنشىك ارىپ­تەس­تىك فورماتىنداعى جاڭا جوبالار ازىرلەۋ جۇك­تەل­دى.
مەملەكەت باسشىسى بەس الەۋمەتتىك باستامانى ىسكە اسىرۋ ماسەلەلەرىن ارنايى اتاپ وتىپ, ونىڭ ودان ارى ساپالى جۇزەگە اسىرىلۋىن قامتاماسىز ەتۋدى تاپ­سىردى. سونداي-اق نۇرسۇلتان نازارباەۆ جوعارى بىلىم بەرۋ, دەنساۋلىق ساقتاۋ, تۇرعىن ۇي قۇرىلىسى جا­نە وبلىستىڭ تۋريستىك الەۋەتىن دامىتۋ ساپاسىنا قا­تىس­تى پروبلەمالاردى شەشۋ جوسپارىنا توقتال­دى.
سونىمەن قاتار مەملەكەت باسشىسى اۋىل تۇر­عىن­دارىن ساپالى اۋىزسۋمەن قامتاماسىز ەتۋ قا­جەت­تىگىن ايتتى.
باسقوسۋ بارىسىندا جىلۋمەن قامتۋ, وڭىردەگى ەكو­لو­گييالىق قاۋىپسىزدىكتى قامتاماسىز ەتۋ جانە جا­سىل تەحنولوگييانى ەنگىزۋ ماسەلەلەرىنە دە ەرەكشە نا­زار اۋدارىلدى.
– بىر جىلدا ونەركاسىپ كاسىپورىندارىنان اۋاعا 600 مىڭ تونناعا جۋىق زيياندى زاتتار شىعارىلادى. بۇل – رەسپۋبليكانىڭ قورشاعان ورتاسىن لاستايتىن زات­تاردىڭ تورتتەن بىر بولىگى. اكىمدىككە ۇكىمەتپەن بىر­لەسە وتىرىپ, وبلىستاعى ەكولوگييالىق جاعدايدى جاق­سارتۋ جونىندە كەشەندى شارالار قابىلداۋدى تاپ­سىرامىن, – دەدى قازاقستان پرەزيدەنتى.
جيىن سوڭىندا مەملەكەت باسشىسى حالىقتىڭ بىرلىگىن نىعايتۋ جولىنداعى ەلىمىزدىڭ جەتىستىك­تەرىنە توق­تالىپ, وبلىستى ودان ارى دامىتۋ ۇشىن مەملە­كەت­تىك باعدارلامالاردىڭ جۇزەگە اسىرىلۋى­نىڭ ماڭىزى زور ەكەنىن ايتتى.

لəززات قوجاحمەتوۆا
قاراعاندى وبلىسى

بولىسۋ:

پىكىر جازۋ


*