«ۇلى دالا ەلىنە ساياحات»

803
0
بولىسۋ:

بۇگىن «سارىارقا» باعىتى ەكسپەديتسيياسى وز مارەسىنە جەتتى. 20 تامىزدا باستالعان ەكسپەديتسييا 16 كۇنگە سوزىلدى. وسى ۋاقىتتا قاتىسۋشىلار 4000 شاقىرىمنان استام جولدى ەڭسەرىپ, تورت ۇلتتىق تابيعي ساياباقتا بولىپ قايتتى.

ەكسپەديتسييانى قر مادەنيەت جانە سپورت مينيسترلىگىنىڭ يندۋسترييا كوميتەتىنىڭ تاپسىرماسى بويىنشا «Kazakh Tourism» ۇك ۇيىمداستىردى. «سارىارقا» ەكسپەديتسيياسىنىڭ باعىتىن جۇزەگە اسىرۋشى – «QazaqGeography» رقب. بۇل «ۇلى دالا Eلىنە ساياحات» جوباسى اياسىنداعى تورتىنشى باعىت.

ساياحاتشىلار اقمولا, قاراعاندى جانە سولتۇستىك قازاقستان وبلىستارىنداعى تۇرلى لانداشفتى, وسىمدىكتەر مەن جانۋارلارعا باي كورىكتى جەرلەردى ارالادى. ەكسپەديتسييا قۇرامىندا ساياحاتشىلار, تەلەۆيزييا جۋرناليستەرى مەن تۋروپەراتورلار وكىلدەرى, شەتەلدىك جانە قازاقستاندىق ترەۆەل-بلوگەرلەر: اتاپ ايتساق, رەسەيلىك ترەۆەل-بلوگەر ەلەنا حاچينا مەن قازاقستاندىق ساياحاتشى, بلوگەر ۇلان الىمبەك بار.

«بۇيراتاۋ» مەملەكەتتىك ۇلتتىق تابيعي ساياباعىندا ەكسپەديتسييا مۇشەلەرى مارالداردى تاماشالاۋ مۇمكىندىگىنە يە بولدى. سول كۇنگى اۋا رايىنىڭ قولايسىزدىڭىنا وراي, ساياحاتشىلارعا وڭاي بولمادى: نوسەرلى جاۋىن استىندا شاتىردا تۇنەۋ – كەز كەلگەن تۋريستىڭ قولىنان كەلەر ىس ەمەس.

وسى ساياباقتا قۇستاردىڭ نەبىر تۇرى مەكەندەيتىن كول بار. بۇل – ساياباق اۋماعىنداعى ەڭ ىرى كولدەردىڭ بىرى — اجىباي كولى. مۇندا قۇستاردى تاماشالاعاندى ۇناتاتىندار كەلەدى.

ەكسپەديتسييا قاتىسۋشىلارىنىڭ كەلەسى توقتاعان جەرى — باياناۋىل ۇلتتىق تابيعي ساياباعىنداعى تورايعىر كولىنىڭ جاعاسى. كولدىڭ بۇلاي اتالۋى ايگىلى ەدىگە بيدىڭ ۇرپاعى تورايعىرمەن بايلانىستى. ول وتە ادىل ارى پاراساتتى ادام بولعان. وسى كولدىڭ بويىندا ومىر سۇرگەندىكتەن, حالىق كولگە ونىڭ اتىن بەرگەن. جالپى العاندا باياناۋىلدىڭ تاريحى باي, تابيعاتى اسەم, ول تۋرالى اڭىزدار مەن اپسانالار كوپ.

باياناۋىل ساياباعىندا ەكسپەديتسييا قاتىسۋشىلارى بارعان تاعى بىر كول — جاسىباي. بۇل — تۋريستەردىڭ سۇيىكتى ورنى. ايتا كەتۋ كەرەك, مۇندا ينفراقۇرىلىم بىرشاما دامىعان.

قاراعاندى وبلىسىنىڭ اۋماعىنداعى قارقارالى مەملەكەتتىك ۇلتتىق ساياباعىندا ەكسپەديتسييا توبى شايتانكول دەپ اتالاتىن تاعى بىر كولمەن تانىستى. كول تاۋ باسىنداعى تاستاردىڭ اراسىندا ورنالاسقاندىقتان, مۇندا تەك جاياۋ جەتۋگە بولادى. جەرگىلىكتى حالىق مۇندا جىن-پەرىلەر مەكەندەيدى دەپ سانايدى.

قارقارالى اۋدانىنىڭ اكىمى حالەل ماقسۇتوۆ قاتىسۋشىلاردى, قۇنانباي قاجى سالدىرعان قازاقستانداعى ەڭ ەسكى مەشىتتەردىڭ بىرىن كورۋگە شاقىردى. بۇگىنگە دەيىن مەشىت كوپ وزگەرگەن. 1920 جىلى مەشىتتىڭ مۇناراسى قيراتىلىپ, عيماراتى مەكتەپ رەتىندە بەرىلسە, كەيىننەن قويما قىزمەتىن اتقاردى دا, بەرتىن كەلە مۇلدە بوس قالدى. 1980 جىلدارى مەشىت قايتا جوندەلىپ, بۇگىندە وزىنىڭ باستاپقى ماقساتى بويىنشا قايتا قولدانىلۋدا.

ارى قاراي ەكسپەديتسييا مۇشەلەرى ەلىمىزدەگى ەڭ ۇلكەن سۋ قويمالارىنىڭ بىرى — بالقاش كولىنە بەت الدى. كولدىڭ ەرەكشەلىگى: ونىڭ باتىس جاعى – تۇششى, ال شىعىس بولىگى اششى بولىپ كەلەدى. كولدە شامامەن 20-عا جۋىق بالىقتىڭ تۇرى, ال جاعاسىندا قۇستىڭ 120-دان استام تۇرى مەكەندەيدى. ولاردىڭ كوبى قازاقستاننىڭ قىزىل كتىابىنا ەنگىزىلگەن.

بالقاشتىڭ سول جاعالاۋىندا جۇمباعى مول, تابيعاتى سۇلۋ بەكتاۋ اتا تاۋى بار. مۇندا كەلگەندە ساياحاتشىلاردىڭ الدىندا كەرەمەت «مارس» پەيزاجى كورىندى. بۇل ەكى تابيعي لاندشافت — گرانيتتى تاۋ مەن قۇمدى دالانىڭ تۇيىسكەن تابيعي ورتاسى. بەكتاۋ اتا گرانيتتى جارتاستارى — جەر بەتى مەن جارىقشاقتارىندا قالعان جانارتاۋ لاۆاسى. جانارتاۋ قاتپارلارى وتە ادەمى. بۇل تاۋداعى ەڭ كورىكتى جەرلەردىڭ بىرى — اتابەك ۇڭگىرى. ونىڭ ۇزىندىعى 50 م. مۇندا تاڭىرشىلەر ۇماي اناعا ارناپ دىني راسىمدەر جاساعان دەپ سانالادى.

ورتاۋدا ەكسپەديتسييا مۇشەلەرى شۇناق مەتەوريت كراتەرىن كورىپ, سودان سوڭ ەجەلدە جارتاستارعا سالىنعان سۋرەتتەر ساقتالعان ارحەولوگييالىق ەسكەرتكىشى بار تەرەكتى شاتقالىنا بەت الدى. تەرەكتى اۋليە شاتقالىندا «اڭ ستيلىندە» سالىنعان جانۋارلاردىڭ سۋرەتىن كورۋگە بولادى. مۇندا شامامەن 300 پەتروگليف بار.

ساياحاتشىلار وسى باعىت بويىنشا تاعى ەكى ۇلتتىق ساياباققا باردى, ولار: «كوكشەتاۋ» مەملەكەتتىك ۇلتتىق تابيعي ساياباعى مەن يۋنەسكو دۇنيەجۇزىلىك مۇراسىنا كىرەتىن قورعالجىن مەملەكەتتىك تابيعي قورىعى. قاتىسۋشىلاردىڭ ايتۋىنشا, باعىت قىزىققا تولى جانە وتە اسەرلى بولدى.

«ۇلى دالا ەلىنە ساياحات» جوباسى اياسىندا تاعى ەكى باعىت بار ەكەنىن ەستەرىڭىزگە سالامىز, ولار: قىزىلوردا, اقتوبە جانە ماڭعىستاۋ وبلىستارى اۋماعى ارقىلى وتەتىن «تەڭىزدەن تەڭىزگە دەيىن» جانە تۇركىستان, جامبىل, الماتى وبلىستارىنىڭ اۋماعىن ارالايتىن «جاڭا جىبەك جولى». «جاڭا جىبەك جولى» باعىتىنا National Geographic رەسەي تەلەارناسىنىڭ كومانداسى قاتىسادى.

ەكسپەديتسييا قورىتىندىسى بويىنشا, Kazakh TV تەلەارناسىندا تۋريستىك نىساندارعا بارۋعا قاتىستى ارنايى باعدارلاما اشىلادى. ەكسپەديتسييانىڭ رەسمي مەديا-سەرىكتەسى — «حابار» اگەنتتىگى.

«ۇلى دالا ەلىنە ساياحات» جوباسى قازاقستان ايماقتارىنا جاسالاتىن ەڭ ىرى ەكسپەديتسييا. ەكسپەديتسييا 2018 جىلعى 18 شىلدەدەن باستاپ التى باعىت بويىنشا التى تۋريستىك كلاستەردى قامتي وتىرىپ, ماڭىزدى تابيعي نىساندارعا بارۋ ارقىلى جۇرگىزىلەدى.

ەكسپەديتسيياسىنىڭ ماقساتى — جاڭا تۋريستىك باعىتتاردى جاساۋ ۇشىن تابيعي, تاريحي, كيەلى مەكەندەرى زەرتتەۋ, ىشكى تۋريزم مەن ينفراقۇرىلىمدى دامىتۋ, جانە تۋعان ەلدى زەرتتەۋ. وعان قوسا, ەكسپەديتسييا تۋرالى ماتەريالدار قازاقستاننىڭ تۋريستىك ورىن رەتىندە تانىلۋىنا جانە حالىقتى ىشكى تۋريزمگە تارتۋعا ىقپال ەتەدى. ەكسپەديتسييا ناتيجەسىندە ەلىمىزدىڭ تابيعي نىساندارى بويىنشا جاڭا تۋريستىك باعىتتار, ساپالى فوتو-جانە ۆيدەوبانكتەر قۇرىلادى, ولاردىڭ قازىرگى كۇيى تۋرالى وزەكتى اقپارات الىنادى, يلليۋستراتسييالانعان جولنۇسقا جاسالاتىن بولادى.

«Kazakh Tourism» ۇك قر ۇكىمەتىنىڭ قاۋلىسىمەن 2017 جىلى شىلدەدە قۇرىلعان. كومپانييانىڭ نەگىزگى مىندەتتەرى — ەلىمىزدىڭ تۋريستىك الەۋەتىن شەتەلدە دامىتۋ, سونىمەن قاتار قازاقستاننىڭ تۋريستىك سالاسىنا ينۆەستيتسييالار تارتۋ.

QazaqGeography بەس باعىت بويىنشا جۇمىس ىستەيدى. ولار: گەوگرافييا, كليمات; قورشاعان ورتا, تابيعي رەسۋرستار; بيوالۋانتۇرلىلىك; تۋريزم, ساياحات, ولكەتانۋ; تاريحي-مادەني مۇرا, ەتنوگرافييا. قازىر قر-دا 11 وكىلدىك بار.


primeminister.kz

بولىسۋ:

پىكىر جازۋ


*