توعىز مەكتەپ اشىلدى

1057
0
بولىسۋ:

بىلىم كۇنىندە جامبىل وڭىرىندە جاڭا 9 مەكتەپتە العاشقى قوڭىراۋ سوعىلدى. وسىلايشا, جاڭا وقۋ جىلى­نان باستاپ, وبلىستاعى بۇعان دەيىن ۇش اۋىسىمدا جۇمىس ىستەپ كەلگەن 3 مەكتەپ پەن 3 اپاتتى جاعدايداعى مەكتەپتىڭ ما­سەلەلەرى تولىق شەشىلدى.

وبلىس ور­تالى­عىندا جاڭادان بوي كوتەرگەن «بايتەرەك» ىقشاماۋدانى تۇرعىندارى №3 مەكتەپ-ليتسەيىنىڭ اشىلۋىن ۇزاق كۇتكەن ەدى. بۇعان دەيىن «بايتەرەكتىك» بۇلدىرشىندەر قالاداعى وزگە مەكتەپتەرگە قاتىناپ وقىپ كەلگەن-دى. جاڭا وقۋ جىلىنىڭ العاشقى كۇنىندە مۇندا 1200 وقۋشىعا ارنالعان مەكتەپ-ليتسەيى اشىلدى. «تاراز قۇرىلىس ينۆەست» جاۋاپكەرشىلىگى شەكتەۋلى سەرىكتەستىگى باس مەردىگەر دەپ تانىلعان نىسان «نۇرلى جول» مەملە­كەتتىك باعدارلاماسىمەن بوي كوتەرگەن. بىلىم بەرۋ وشاعىنىڭ ماتەريالدىق-تەحنيكالىق بازاسى دا زاماناۋي ۇلگىدە جابدىقتالعان. سونداي-اق تاراز قالا­سىنداعى №24 گيمنازييانىڭ جانىنان 300 ورىندىق قوسىمشا عيماراتتىڭ پايدالانۋعا بەرىلۋى مۇنداعى ورىن تاپشىلىعى ماسەلەسىنىڭ شەشىلۋىنە وڭ اسەر ەتكەنى انىق. اۋماعى 1920 شارشى مەتردى قۇرايتىن نىساندا 42 سىنىپ-كەشەنى بار. وندا وقۋشىلاردىڭ ساپالى بىلىم الىپ, جان-جاقتى ىزدەنۋىنە مول مۇمكىنشىلىك جاسالعان. كوپتەن بەرى تۇرعىندارى مەكتەپ تاپشىلىعى ماسە­لەسىن كوتەرىپ جۇرگەن شاھار اۋماعىن­داعى «شولدالا» يىنىندە دە №59 ورتا مەكتەبى اشىلدى. سىيىمدىلىعى 900 ورىن­دىق عيمارات «نۇرلى جول» مەم­لەكەتتىك باعدارلاماسى ارقىلى بوي كوتەردى.
وبلىس ورتالىعىنان شالعاي جاتقان قورداي اۋدانىندا دا بىلىم كۇنىندە جاڭادان 2 مەكتەپ جۇمىسىن باستادى. سوعاندى اۋىلىنداعى №33 نەگىزگى مەكتەبى 50 وقۋشىعا ارنالعان. كوكتەبە اۋىلىنداعى №40 نەگىزگى مەكتەبىنىڭ دە سىيىمدىلىعى 50 ورىندى قۇرايدى. ايتا كەتۋ كەرەك, ەكى مەكتەپتىڭ دە قۇرى­لىسى وبلىستىق بيۋدجەتتەن قارجىلان­دىرىلعان. بۇل كۇنى مەركى اۋدانىنداعى تەسكەنتوعان اۋىلىنىڭ وقۋشىلارى مەن اتا-انالارى دا ەرەكشە شاتتىققا كەنەلدى. جاڭادان اشىلعان №23 جالپى بىلىم بەرەتىن مەكتەبى «نۇرلى جول» مەملەكەتتىك باعدارلاماسىمەن 150 وقۋشىعا لايىقتاپ سالىنعان. جىل ساناپ تۇرعىندارىنىڭ سانى ارتىپ كەلە جاتقان بايزاق اۋدانىنىڭ بايزاق اۋىلىندا دا بىلىم كۇنىندە №4 مەكتەپ-ليتسەيى وقۋشىلارعا ەسىگىن ايقارا اشتى. 300 ورىندىق نىساننىڭ قۇرىلىسى ۇلتتىق قوردان قارجىلاندىرىلدى. جاڭا وقۋ جىلىنان جۇمىسىن باستاعان كەلەسى نىسان جۋالى اۋدانى قىزىلا­رىق اۋىلىنداعى №17 ى.التىنسارين اتىنداعى ورتا مەكتەبى. مەكتەپ سىيىمدىلىعى 150 وقۋشىعا ارنالعان. وبلىستىق بيۋدجەتتەن قارجىلاندى­رىلعان جوبانىڭ جالپى قۇنى 477,5 ميلليون تەڭگەنى قۇرايدى. سونىمەن قاتار بىلىم كۇنى تالاس اۋدانىنداعى قاسقابۇلاق اۋىلىندا دا ەرەكشە مەرەكەلىك كوڭىل-كۇيمەن اتالىپ وتىل­دى. ويتكەنى قاسقابۇلاقتىق وقۋشىلار جاڭا وقۋ جىلىنا جاڭا مەكتەپ عيما­راتىنان باستايدى. سىيىمدىلىعى 120 ورىنعا ارنالعان نىساننىڭ قۇ­رىلىسى وبلىس­تىق بيۋدجەتتەن قار­جىلاندى­رىلعان.

ەرمان ابديەۆ
جامبىل وبلىسى

بولىسۋ:

پىكىر جازۋ


*