«قازاقفيلمنىڭ» جەرىن نەگە تارتىپ الىپ جاتىر?

2713
0
بولىسۋ:

شاكەن ايمانوۆ اتىنداعى «قازاقفيلم» كينوستۋديياسىنىڭ 5 گەكتار جەرىن الماتى قالاسى اكىمدىگى ماجبۇرلى تۇردە الىپ قويماق. «قازاقفيلم» كينوستۋديياسىنىڭ باسپاسوز ورتالىعى تاراتقان مالىمەتكە سۇيەنسەك, سول جەرگە اكىمشىلىك كەلەشەكتە Ethnoland  ۇلتتىق-مادەني كەشەنىن سالۋدى جوسپارلاپ وتىر.

«الماتى قالالىق جەر قاتىناستارى باسقارماسى» مكم مەن الماتى قالاسى اكىمدىگى شاكەن ايمانوۆ اتىنداعى «قازاقفيلم» كينوستۋديياسىنا تيەسىلى 5,5482 گەكتار جەرىن Ethnoland  ۇلتتىق-مادەني كەشەنىن سالۋ ۇشىن ماجبۇرلى تۇردە الىپ قويماق. شاكەن ايمانوۆ اتىنداعى «قازاقفيلم» اق ۇجىمى قازاقستان رەسپۋبليكاسى جەر كودەكسىنىڭ «جەر ۋچاسكەسiن مەملەكەت مۇقتاجى ۇشiن ماجبۇرلەپ يەلiكتەن شىعارۋدىڭ جالپى ەرەجەلەرى مەن پرينتسيپتەرى» اتتى 84-بابىنىڭ 2-تارماقشاسىنداعى «اۆتوموبيل جانە تەمىر جولداردىڭ قۇرىلىسى (رەكونسترۋكتسيياسى), اۋەجايلار, اۋەايلاقتار, اەروناۆيگاتسييا وبەكتىلەرىنىڭ جانە اۆياتەحنيكالىق ورتالىقتاردىڭ, تەمىرجول كولىگى وبەكتىلەرىنىڭ, كوپىرلەردىڭ, مەتروپوليتەندەردىڭ, توننەلدەردىڭ, ەنەرگەتيكا جۇيەلەرى مەن ەلەكتر تاراتۋ جەلىلەرى, بايلانىس جەلىلەرى وبەكتىلەرىنىڭ, عارىش قىزمەتىن قامتاماسىز ەتەتىن وبەكتىلەردىڭ, ماگيسترالدىق قۇبىرلاردىڭ, ينجەنەرلىك-كوممۋنيكاتسييالىق جەلىلەردىڭ, ستراتەگييالىق وبەكتىلەرگە جاتاتىن مۇناي وڭدەۋ وندىرىسى وبەكتىلەرىنىڭ, كونتسەسسييالىق جوبالاردى ىسكە اسىرۋ, ەلدى مەكەندەردىڭ ورتاق پايدالانۋىنداعى وبەكتىلەردىڭ قۇرىلىسى (رەكونسترۋكتسيياسى)» ۇشىن جەردى ماجبۇرلەپ الۋ بابىمەن كەلىسپەيدى.

سەبەبى, «قازاقفيلم» كينوستۋديياسىنا تيەسىلى 5,5482 گەكتار اۋماق كينوستۋديياعا 2010 جىلى 50 جىلعا جالعا بەرىلگەن. ياعني, بولىپ, جەكە ساتۋعا بولمايدى. سوندىقتان جەر كودەكسىنىڭ تالاپتارى قاتاڭ بۇزىلىپ وتىر. بۇل اۋماقتاعى «قازاق حاندىعى» تەلەحيكاياسىنىڭ دەكوراتسيياسىن قازاقستان مەن قاتار شەتەلدىك كينوستۋدييالار ۇنەمى پايدالانىپ كەلەدى. سونداي-اق, «توميريس» («قازاقفيلم» مەن «ساتايفيلمنىڭ» بىرىككەن كينوكارتيناسىنىڭ باس ديرەكتورى – الييا نازارباەۆا, رەجيسسەرى –  اقان ساتاەۆ) تاريحي فيلمىنىڭ تۇسىرۋ الاڭى ورنالاسقان. سونىمەن قاتار  «ەلباسى» جولى» («پۋت ليدەرا») جانە تاعى باسقا كينوكارتينالاردىڭ دەكوراتسيياسى ورنالاسقان. بەس گەكتار اۋماقتا مادەنيەت جانە سپورت مينيسترلىگىنىڭ تاپسىرىسىمەن فيلمدەر تۇسىرىلەدى» دەدى باسپاسوز قىزمەتىندەگىلەر.

مايرا باقىت

 

بولىسۋ:

پىكىر جازۋ


*