«نۇر وتان» پارتيياسىنىڭ 2017 جىلعى كىرىستەرى مەن شىعىستارى تۋرالى ەسەبىنە تۇسىندىرمە حات

846
0
بولىسۋ:

«نۇر وتان» پارتيياسى وز قىزمەتىن قازاقستان رەسپۋب­ليكاسىنىڭ كونس­تيتۋتسيياسىنا, قازاقستان رەسپۋبلي­كاسىنىڭ «ساياسي پارتييالار تۋرالى» زاڭىنا جانە قازاقستان رەسپۋبليكاسىنىڭ باسقا دا نورماتيۆتىك قۇقىقتىق اكتى­لەرىنە, پارتييا جارعىسىنا, دوكتريناسىنا جانە باعدارلاماسىنا سايكەس جۇرگىزەدى. پارتييا 1999 جىلدان باستاپ جۇمىس ىستەپ كەلەدى. پارتييا مۇشەلەرىنىڭ سانى 2017 جىلعى 31 جەلتوقساندا 1 016 540 ادامدى قۇرادى.
پارتييا ورتالىق اپپاراتىنىڭ ورنا­لاسقان جەرى: قازاقستان رەسپۋبليكاسى 010000, استانا قالاسى قوناەۆ كوشەسى, 12/1.
ەسەپتى قۇرۋ ادىسى. پارتييانىڭ كىرىستەرى مەن شىعىستارى تۋرالى ەسەپ كاسسالىق ادىس بويىنشا, ۇلتتىق ۆاليۋتا – تەڭگەمەن جاسالدى, ولشەم بىرلىگى – مىڭ تەڭگە.
2017 جىلعى كىرىستەر مەن شىعىستار تۋرالى ەسەپكە پارتييا ورتالىق اپپا­راتىنىڭ, 16 ايماقتىق (وبلىستار, استانا, الماتى قالالارى) جانە 214 اۋماقتىق فيليالدىڭ (ونىڭ ىشىندە 176 اۋداندىق جانە 38 قالالىق فيليال) جانە ىرى باس­تاۋىش پارتييا ۇيىمدارىنىڭ بازاسىندا قۇرىلعان 13 فيليالدىڭ دەرەكتەرى ەنگىزىلدى.
2017 جىلعى كىرىستەر مەن شىعىستار تۋرالى ەسەپ ورتالىق باقىلاۋ-تەكسەرۋ كوميسسيياسىندا قارالىپ, «نۇر وتان» پارتيياسى ساياسي كەڭەسى بيۋروسىنىڭ شەشىمىمەن (2018 جىلدىڭ 25 شىلدەدەگى №024 قاۋلىمەن) بەكىتىلدى.
پارتييا قۇرعان نەمەسە ونىڭ قاتىسۋىمەن قۇرىلعان ۇيىمدار. 2017 جىلى پارتييا قۇرىلىمىندا: «نۇر وتان» پارتيياسىنىڭ ساياسي تالداۋ جانە ستراتەگييالىق زەرت­تەۋلەر ورتالىعى» مەن «نۇر وتان» پارتييا­سىنىڭ ساياسي مەنەدجمەنت مەكتەبى» كوممەرتسييالىق ەمەس ۇيىمدارى (جەكە مەكەمەلەر) جۇمىس ىستەدى. سونداي-اق پارتييا 2 كوممەرتسييالىق ۇيىمنىڭ 100% يەسى بولىپ تابىلادى: «نۇر وتان» شارۋاشىلىق باسقارماسى» جشس (بۇدان ارى – شارب) جانە «نۇر مەديا» جشس (بۇدان ارى – حولدينگ).
شارب قىزمەتىنىڭ نەگىزگى باعىتتارى پارتييانىڭ سەرۆيستىك-قوسالقى قىزمەتىن قامتاماسىز ەتۋ, عيماراتتارعا قىزمەت كورسەتۋ جانە پوليگرافييالىق قىزمەت بولىپ تابىلادى.
حولدينگ – پارتييانىڭ رەسپۋبليكالىق باسپا باسىلىمدارىن, تەلە جانە راديوارنالارىن, سونداي-اق ينتەرنەت رەسۋرستارىن بىرىكتىرەتىن پارتييانىڭ مەديا اكتيۆى.
«نۇر وتان» پارتيياسى وز قىزمەتىن قازاقستان رەسپۋب­ليكاسىنىڭ كونس­تيتۋتسيياسىنا, قازاقستان رەسپۋبلي­كاسىنىڭ «قوعامدىق بىرلەستىكتەر تۋرا­لى» زاڭىنا جانە قازاقستان رەسپۋبليكاسى­نىڭ باسقا دا نورماتيۆتىك قۇقىقتىق اك­تىلەرىنە, سونداي-اق «نۇر وتان» پارتييا­سىنىڭ باعدارلامالىق قۇجات­تارىنا, «جاس وتاننىڭ» جارعىسىنا جانە باع­دارلاماسىنا سايكەس جۇزەگە اسىراتىن «جاس وتان» جاستار قاناتىنا دەمەۋشىلىك كومەك كورسەتەدى. جاستار قاناتى مۇشە­لەرىنىڭ سانى 2017 جىلعى 31 جەلتوقساندا 164 115 ادامدى قۇرادى.

ى. 2017 جىلعى كىرىستەر
پارتييانىڭ كىرىستەرى 10 767 318 مىڭ تەڭ­گەنى قۇرادى, ونىڭ ىشىندە كوممەر­تسييا­لىق ەمەس قىزمەتتەن تۇسكەن كىرىستەر – 9 939 505 مىڭ تەڭگە, كوممەرتسييالىق قىز­مەتتەن تۇسكەن كىرىستەر – 827 813 مىڭ تەڭگە.
كىرىستەر كەلەسى كىرىس كوزدەرىنەن تۇسەدى:
– رەسپۋبليكالىق بيۋدجەت قاراجا­تىنان;
– پارتييالىق جارنالاردان;
– كاسىپكەرلىك قىزمەتتەن تۇسەتىن كىرىستەردەن (اكتيۆتەردى باسقارۋ, ۇي-جاي­لاردى جالعا بەرۋ جانە ت.ب.);
– قازاقستان رەسپۋبليكاسى ازامات­تارىنىڭ, مەملەكەتتىك ەمەس ۇيىمدارىنىڭ جانە ت.ب. قايىرىمدىلىقتارىنان.
1. ساياسي پارتييالاردى قارجىلاندىرۋ بويىنشا رەسپۋب­ليكالىق بيۋدجەتتەن تۇسكەن كىرىستەر 4 537 455 مىڭ تەڭگەنى قۇرادى.
مەملەكەتتىك قارجىلاندىرۋ قازاق­ستان رەسپۋبليكاسى ورتالىق سايلاۋ كو­ميسسيياسىنىڭ 2009 جىلعى 3 قىركۇ­يەك­تەگى № 166/314 قاۋلىسىمەن بەكىتىلگەن ساياسي پارتييالاردى قارجى­لاندىرۋ ەرەجەسىنە سايكەس جۇزەگە اسىرىلادى.
بيۋدجەت قاراجاتى جىل سايىن سايلاۋ قورىتىندىلارى بويىنشا قازاقستان رەسپۋبليكاسىنىڭ ماجىلىسىندە تانىس­تىرىلعان بارلىق ساياسي پارتييالارعا بولىنەدى. بيۋدجەتتىك قارا­جاتتىڭ مولشەرى سايلاۋدىڭ قورىتىندىلارى بويىنشا پارلامەنت ماجىلىسىندە وكىلدىك ەتەتىن ساياسي پارتييالار ۇشىن داۋىس بەرگەن سايلاۋشىلاردىڭ اربىر داۋىسى ۇشىن ەڭ تومەن جالاقى مولشەرىنىڭ 3 پايىزى ەسەبىمەن بەلگىلەنەدى.
2. پارتييالىق جارنالار تۇسىمى 1 976 143 مىڭ تەڭگەنى قۇرادى. اي سايىنعى پارتييالىق جارنالار 2017 جىلى پارتييانىڭ جارعىسىمەن كەلەسى مولشەردە بەلگىلەنگەن:
ەڭبەككە جارامدى جاستاعى جۇمىس ىستەيتىن ازاماتتار – «رەسپۋبليكالىق بيۋدجەت تۋرالى» قازاقستان رەسپۋبلي­كاسىنىڭ زاڭى بويىنشا تيىستى قارجىلىق جىلعا بەكىتىلگەن ايىنا ەڭ تومەنگى جالاقى مولشەرىنىڭ 1% (244,59 تەڭگە) جانە پارتييا مۇشەسىنىڭ قالاۋى بويىنشا ودان دا جوعارى;
ستۋدەنتتەر, جوعارى جانە جوعارى وقۋ ورنىنان كەيىنگى بىلىم بەرۋ ۇيىمدارىنىڭ تىڭداۋشىلارى – «رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭى بويىنشا تيىستى قارجىلىق جىلعا بەكىتىلگەن ايىنا ەڭ تومەنگى جالاقى مول­شەرىنىڭ 0,1% (24,46 تەڭگە) جانە پار­تييا مۇشەسىنىڭ وز قالاۋى بويىنشا ودان دا جوعارى.
زەينەتكەرلەر, مۇگەدەكتەر, جۇمىس­سىزدار, سونداي-اق بالا كۇتىمى بويىنشا دەمالىستاعى ادامدار مۇشەلىك پارتييالىق جارنالاردى تولەۋدەن بوساتىلعان.
3. دەمەۋشىلىك جانە قايىرىمدىلىق كومەكتىڭ سوماسى 106 954 مىڭ تەڭگەنى قۇرادى. زاڭناماعا سايكەس پارتيياعا قايىرىمدىلىق تەك قازاقستان رەسپۋب­ليكاسىنىڭ ازاماتتارىنان جانە مەم­لەكەتتىك ەمەس ۇيىمدارىنان قابىلدانادى.
4. سالىمدار بويىنشا سىياقىلار سوماسى 3 318 953 مىڭ تەڭگەنى قۇرادى. بارلىق سالىمدار قازاقستان رەسپۋبلي­كاسىنىڭ ەكىنشى دەڭگەيدەگى بانكتەرىندە ورنالاستىرىلعان. شەتەلدىك بانكتەردە پارتييانىڭ ەسەپشوتتارى مەن سالىمدارى جوق.
5. جالعا بەرۋدەن تۇسكەن كىرىستەر 795 082 مىڭ تەڭگەنى قۇرادى.
6. وزگە كىرىستەر 32 731 مىڭ تەڭگەنى قۇ­رادى.

II. 2017 جىلعى شىعىستار
پارتييانىڭ شىعىستارى 7 074 680 مىڭ تەڭگەنى قۇرادى, ونىڭ ىشىندە:
1. جالاقىنى تولەۋ جانە الەۋمەتتىك تولەمدەر بويىنشا شىعىستار 3 911 639 مىڭ تەڭگەنى قۇرادى. بۇل باپتا ورتالىق اپپارات پەن پارتييا فيليالدارىنىڭ شتاتتاعى قىزمەتكەرلەرىنىڭ جانە تەح­نيكالىق پەرسونالداردىڭ جالاقىسىن تولەۋ شىعىستارى كورسەتىلگەن. پارتييا قىزمەتكەرلەرىنىڭ شتاتتىق سانى 2017 جىلعى 31 جەلتوقساندا 1 176 بىرلىكتى (ورتالىق اپپارات جانە 243 فيليال) قۇرادى.
2. نەگىزگى قۇرال-جابدىقتار مەن ماتەريالدىق ەمەس اكتيۆتەردى ۇستاۋ جانە قىزمەت كورسەتۋگە ارنالعان شىعىستار 875 057 مىڭ تەڭگەنى قۇرادى. اتالعان باپقا نەگىزگى قۇرال-جابدىقتار مەن ماتەريالدىق ەمەس اكتيۆتەردى ۇستاۋعا ارنالعان شى­عىستار, كوممۋنالدىق شىعىستار, عي­ماراتتاردى اعىمداعى جوندەۋ, قىزمەت كورسەتۋشى پەرسونالعا اقى تولەۋ, زاپاستار مەن ماتە­ريالدار, بانك قىزمەتتەرى, عيماراتتاردىڭ قاۋىپسىزدىگى بويىنشا شىعىستار, كولىك قىزمەتتەرى جانە وزگە دە شىعىستار كىرەدى.
3. ىسساپارلار شىعىستارى 107 733 مىڭ تەڭگەنى قۇرادى. بۇل باپتا ورتالىق اپپارات پەن پارتييا فيليالدارى قىز­مەتكەرلەرىنىڭ جول جۇرۋ, تاۋلىكتىك جانە تۇرۋ شىعىستارى كورسەتىلگەن.
4. جالعا الۋ اقىسىنا ارنالعان شىعىستار 4 419 مىڭ تەڭگەنى قۇرادى, بۇل پارتييا فيليالدارى ۇشىن ۇي-جايلاردى جانە اۆتوكولىكتەردى جالعا الۋمەن بايلانىستى.
5. بايلانىس قىزمەتتەرىنە ارنالعان شىعىستار 80 190 مىڭ تەڭگەنى قۇرادى. اتالعان باپقا ينتەرنەت قىزمەتىنە, ورتالىق اپپارات پەن پارتييا فيليالىنىڭ جەرگىلىكتى جانە قالاارالىق بايلانىسىنا جۇمسالاتىن شىعىندار ەنگىزىلگەن.
6. ساقتاندىرۋ جانە كونسۋلتاتسييالىق قىزمەتتەرگە ارنالعان شىعىستار 9 050 مىڭ تەڭگەنى قۇرادى.
7. سالىقتار جانە بيۋدجەتكە تولەنەتىن باسقا دا مىندەتتى تولەمدەر 603 078 مىڭ تەڭگەنى قۇرادى. بۇل باپتا سالىق زاڭنا­ماسىنا سايكەس قوسىمشا قۇنعا, كولىككە, مۇلىككە تولەنەتىن سالىق بويىنشا, الەۋمەتتىك, جەر سالىعى, سونداي-اق الەۋ­مەتتىك اۋدارىمدار مەن بيۋدجەتكە تولەنە­تىن باسقا دا مىندەتتى تولەمدەر بويىنشا جۇمسالاتىن شىعىستار ەسكەرىلگەن.
8. ىس-شارالاردى ۇيىمداستىرۋ جانە وتكىزۋ شىعىستارى 189 960 مىڭ تەڭگەنى قۇرادى. وسى باپتا ورتالىق اپپارات پەن پارتييا فيليالدارىنىڭ پارتييانىڭ ىشكى ىس-شارالارىن وتكىزۋگە (ورتالىقتا جانە جەرگىلىكتى جەرلەردە پارتييا ساياسي كەڭەسى مەن بيۋروسىنىڭ وتىرىستارىن, كونفە­رەنتسييالاردى وتكىزۋ جانە تاعى باسقا) جۇمسالاتىن شىعىستار كورسەتىلگەن.
9. اقپاراتتىق سۇيەمەلدەۋگە ارنالعان شىعىستار 428 991 مىڭ تەڭگەنى قۇرادى. بۇل باپتا پارتييا قىزمەتىن اقپاراتتىق قولداۋ بويىنشا بۇقارالىق اقپارات قۇرالدارىندا تاپسىرىستاردى ورنالاس­تىرۋعا جۇمسالاتىن شىعىستار ەسكەرىلگەن.
10. ەنشىلەس ۇيىمداردى قارجىلان­دىرۋ شىعىستارى 358 700 مىڭ تەڭگە سوماسىن قۇرادى جانە وعان ساياسي تالداۋ جانە ستراتەگييالىق زەرتتەۋلەر ورتالىعى مەن ساياسي مەنەدجمەنت مەكتەبىن قامتاماسىز ەتۋ كىرەدى.
11. دەمەۋشىلىك جانە قايىرىمدىلىق كومەك شىعىستارى 233 073 مىڭ تەڭگەنى قۇرادى, بۇل قاراجات «جاس وتان» جاستار قا­ناتى» قوعامدىق بىرلەستىگىنىڭ «جاستار – وتانعا!», «ساتتى قادام», NURINTECH, «جاستار كادرلىق رەزەرۆى» پارتييالىق جوبالارىن ىسكە اسىرۋعا, سونداي-اق ۇلتتىق كۆن ليگاسىن, «جايدارمان» جانە باسقالاردى وتكىزۋگە جۇمسالدى.
12. كۇردەلى سالىمدار 112 417 مىڭ تەڭگەنى قۇرادى. اتالعان باپتا ۇيىم­داستىرۋ تەحنيكاسىن, ماتەريالدىق ەمەس اكتيۆتەردى, جيھازداردى ساتىپ الۋعا جۇمسالاتىن شىعىستار كورسەتىلگەن.
13. پارتييانىڭ اتريبۋتيكاسىنا ارنالعان شىعىستار 51 727 مىڭ تەڭگەنى قۇرادى. بۇل باپتا پارتييالىق بيلەتتەردى, پارتييانىڭ لوگوتيپتەرى بار جالاۋلاردى جانە وزگە اتريبۋتيكانى شىعارۋعا سونداي-اق جاڭارتۋعا ارنالعان شىعىستار ەسكەرىلگەن.
14. وزگە شىعىستار 108 645 مىڭ تەڭگەنى قۇرادى. بۇل باپتا پوليگرافييالىق قىزمەت جانە ورتالىق اپپارات پەن پارتييا فيليالدارىنىڭ وزگە شىعىستارى كورسە­تىلگەن.

بولىسۋ:

پىكىر جازۋ


*