«ليۆەرپۋل» سالاحتى پوليتسيياعا ۇستاپ بەردى (ۆيدەو)

1183
0
بولىسۋ:

اعىلشىندىق «ليۆەرپۋل» فۋتبول كلۋبى مەن ەگيپەت قۇراماسىنىڭ فۋتبولشىسى مۇحامەد سالاحقا قاتىستى داۋلى جاعداي تۋىندادى.

مەرسيسايد پوليتسيياسى كولىك تىزگىنىندە كەلە جاتىپ ۇيالى تەلەفون قولدانعان «ليۆەرپۋل» فۋتبولشىسى تۋرالى حابارلاعان. كەيىننەن ول ادامنىڭ – مۇحامەد سالاح ەكەنى انىقتالىپتى. بۇل تۋرالى الەمگە ايگىلى BBC اگەنتتىگى اقپارات تاراتتى. دەرەك بويىنشا قۇقىق قورعاۋ ورگانى وقيعا, ياعني مان-جاي تۋرالى فۋتبول كلۋبى تاراتقان بەينە روليكتەن بىلىپ قويعان.

اچ-2018-دە ويناعان «استانا» فۋتبولشىسى قازاقستانداعى ومىرى تۋرالى ايتىپ بەردى (فوتو)

اقپاراتتىڭ دۇرىس ەكەنىن فۋتبول كلۋبىنىڭ باسپاسوز قىزمەتى دە راستاپتى. ولار باستاپقىدا وقيعانى فۋتبولشىنىڭ وزىمەن بىرگە تالقىلاپ, كەيىن بەينە روليك جانە ونىڭ تارالۋى جايلى پوليتسييامەن سويلەسكەن. ەندى ىس ارى قاراي كلۋبتىڭ وز ىشىندەگى ماسەلە رەتىندە قاراستىرىلماق. بۇل سۇراق بويىنشا كلۋب تا, ويىنشى دا ەشقانداي پىكىر بىلدىرمەيدى.

رونالدۋ «يۋۆەنتۋس» ساپىنداعى العاشقى گولىن سالدى (ۆيدەو)

«كولىك جۇرگىزۋ كەزىندە فۋتبولشىنىڭ ۇيالى تەلەفون پايدالانعانى كورىنىپ قالعان ۆيدەو تۋرالى بىزدى حاباردار ەتتى. بۇل جاعداي تيىستى دەپارتامەنتكە جەتكىزىلدى. اقپارات ۇشىن راحمەت» دەلىنگەن كلۋبتىڭ تۆيتتەردەگى جازباسىندا.

دەرەك بويىنشا, بۇل تارتىپ بۇزۋشىلىق ۇشىن سالاح 200 فۋنت ستەرلينگ كولەمىندە ايىپپۇل تولەۋى مۇمكىن.

ارشاۆين قازاقستاندا قالعىسى كەلمەيدى

شىلدە ايىندا فۋتبولشى «ليۆەرپۋلمەن» قايتارا كەلىسىمگە كەلىپ, كەلىسىمشارتتى 2023 جىلعا دەيىن ۇزارتقان. ال جالاقىسى اپتاسىنا 100 مىڭنان 200 مىڭ فۋنتقا دەيىن كوتەرىلگەن بولاتىن. وسىلايشا, 26 جاستاعى فۋتبولشى كلۋبتاعى ەڭ جوعارعى جالاقى الاتىن ويىنشىعا اينالعان.

سالاح «ليۆەرپۋلگە» 2017 جىلى يتالييالىق «روما» ساپىنان اۋىسىپ كەلگەن. ول كەزدە ەگيپەتتىك ويىنشى 5 جىلدىق كەلىسىمشارتقا وتىرعان. ول وزىنىڭ العاشقى ماۋسىمىندا-اق 52 ماتچتا 44 گول سوعىپ, كۇللى الەمدى تانتى ەتتى.

قازاقستاندىق باپكەر ورتكە ورانعان اۆتوبۋستاعى 48 جولاۋشىنى قۇتقارىپ قالدى

سويتىپ, اعىلشىن پرەمەر-ليگاسىنىڭ ەڭ ۇزدىك ويىنشىسى اتاندى جانە چەمپيوندار ليگاسىنىڭ فينالىندا «رەالعا» قارسى وينادى. ال رەسەيدە وتكەن الەم چەمپيوناتىندا ەگيپەت قۇراماسىنىڭ ساپىندا ەكى ويىنعا قاتىسىپ, 2 گول سوقتى. بىراق قۇراما توپتان شىعا العان جوق.

اباي ايماعامبەت

بولىسۋ:

پىكىر جازۋ


*