دوستىققا تىڭ سەرپىن بەردى

591
0
بولىسۋ:

نۇرسۇلتان نازارباەۆ يران پرەزيدەنتى حاسان رۋحانيمەن كەزدەستى.

مەملەكەت باسشىسى قازاقستانعا كەل­گەن يران پرەزيدەنتىنە ىلتيپات بىلدىرىپ, ەكى ەل اراسىنداعى قارىم-قاتىناستاردىڭ ار­دايىم تۇراقتى سيپاتقا جانە دوستىق پەن باۋىرلاستىققا نەگىزدەلگەنىن اتاپ وتتى.
– سىزدىڭ ساياساتىڭىز بەن جوعارى دەڭ­گەي­دەگى ەكىجاقتى تيىمدى كەزدەسۋلەرىمىزدىڭ ارقاسىندا ەلدەرىمىز اراسىنداعى ساۋدا-سات­تىق پەن جۇك تاسىمالى كولەمى ارتىپ كە­لەدى. اسىرەسە, اۋىل شارۋاشىلىعى ونىم­دە­رىن جەتكىزۋ ىسى جانداندى, – دەدى قا­زاق­ستان پرەزيدەنتى.
نۇرسۇلتان نازارباەۆ قازاقستان مەن يران كاسپيي تەڭىزى ايماعىنداعى جاقىن كور­شى ەكەنىن, سونداي-اق 2016 جىلعى وزارا سا­پارلار ەكىجاقتى بايلانىستارعا تىڭ سەر­پىن بەرگەنىن ايتتى.
– بىزدىڭ سەنىم مەن وزارا تۇسىنىستىككە نە­گىزدەلگەن بۇگىنگى تاريحي كەزدەسۋىمىز كاس­پييگە قاتىستى بارلىق ماسەلەنى شەشىپ, كاس­پيي ماڭى ەلدەرى اراسىنداعى ىنتىماق­تاس­تىقتى نىعايتادى, – دەدى قازاقستان پرە­زيدەنتى.
حاسان رۋحاني نۇرسۇلتان نازارباەۆقا قا­زاقستانعا كەلۋگە مۇمكىندىك تۋعىزعانى جانە يران دەلەگاتسيياسىنا قوناقجايلىق كورسەتكەنى ۇشىن ريزاشىلىق بىلدىردى.
– سىزبەن كەزدەسكەنىمىزگە قۋانىش­تى­مىز. بۇگىنگى سامميتتە وڭ ناتيجەلەرگە قول جەت­كىزىلەدى دەپ ۇمىتتەنەمىن. ەلدەرىمىز گەوگ­رافييالىق جاعىنان عانا ەمەس, سونداي-اق باسقا دا اسپەكتىلەر بويىنشا جاقىن. سون­دىقتان بىزدىڭ مۇددەلەرىمىز دە ورتاق, – دەدى حاسان رۋحاني.
ح.رۋحاني حالىقارالىق جيىنداردا قا­زاقستاننىڭ ۇنەمى يراندى قولدايتىنىن جانە يادرولىق قارۋ تاقىرىبى جونىندەگى حا­لىقارالىق ۋاعدالاستىقتى تۇراقتى تۇردە ساق­تايتىنىن اتاپ وتتى.

بولىسۋ:

پىكىر جازۋ


*