ازييا چەمپيوناتىندا شەتەلدىك تورەشىلەر دە قازىلىق  ەتەدى

691
0
بولىسۋ:

2018 جىلدىڭ 26 تامىز كۇنى استانا قالاسىندا قازاق كۇرەسىنەن  وتەتىن ازييا چەمپيوناتىندا 16 سپورت تورەشىسى قازىلىق ەتەتىن بولادى.  ولاردىڭ اراسىندا قازاقستاندىق قانا ەمەس, شەتەلدەن كەلەتىن تورەشىلەر دە  بار.

ازييا چەمپيوناتىندا قازاقستان,  گرۋزييا,  وزبەكستان,  ليتۆا, ۋكراينا تورەشىلەرى بولادى. سونىڭ ىشىندە ۇش ادىلقازى استانا, الماتى جانە سەمەي قالالارىنان  شاقىرىلىپ وتىر.

حالىقارالىق دارەجەدەگى تورەشى ماقسات احمەتبەكوۆتىڭ ايتۋىنشا, قازاقستاننىڭ  اتىنان ازييا چەمپيوناتىنا سەگىز تورەشى قاتىسادى. ال قالعانى وزگە مەملەكەتتەردەن كەلەدى.

–بارىنشا ادىل تورەلىك ەتەمىز دەگەن ويدامىز. وزىم بىلتىر الەم چەمپيوناتىندا باس تورەشى بولدىم. قازاقستاندىق تورەشىلەردىڭ بىلىكتىلىگى جوعارى دەڭگەيدە. بىز ولاردى «قازاقستان بارىسىندا», قازاقستان چەمپيوناتىندا, ىرى حالىقارالىق تۋرنيرلەردە تورەلىك جاساپ جۇرگەندەردىڭ اراسىنان ىرىكتەپ الدىق. ال شەتەلدىك تورەشىلەرگە شەبەرلىك ساباعى وتكىزىلەتىن بولادى. ولاردى دا سىرتتا وتكەن جارىستاردان ىرىكتەپ الدىق, – دەدى ماقسات احمەتبەكوۆ.

قازاق كۇرەسىنەن وتەتىن ازييا چەمپيوناتىنا 20 مەملەكەتتەن 80 سپورتشى قاتىسادى. جارىس 8 سالماقتىق دارەجە جانە ابسوليۋتتىك بويىنشا وتەدى.

قازىرگى تاڭدا ازييا چەمپيوناتىنا قاتىسۋعا جاپونييا, وزبەكستان, تاجىكستان, موڭعولييا, يران, پاكىستان مەن ۇندىستان مەملەكەتتەرى وزدەرىنىڭ مىقتى سپورتشىلارىن دايىنداپ وتىر. قازاق كۇرەسىنەن ۇلتتىق قۇرامانىڭ باس باپكەرى ەرلان ەستەك قازاقستاندىق بالۋانداردىڭ دايىندىعى تۋرالى ايتىپ بەردى.

–ازييا چەمپيوناتىنا 9 سالماق دارەجەسىندە بالۋاندار قاتىسادى. تامىزدىڭ 12-نەن 24-ىنە دەيىن بۋراباي اۋدانىنداعى «جاقسى» سپورت كەشەنىندە وقۋ-جاتتىعۋ جيىنىندا شەبەرلەر تىڭعىلىقتى دايىندالادى. 25 تامىز كۇنى استانادا سالماق ولشەۋ راسىمى وتەدى. 26 تامىزدا ولار بوز كىلەمدە بەلدەسەدى. بالۋانداردىڭ دايىندىعى وتە جاقسى. دايىندىقتىڭ بىرىنشى كەزەڭىن شىمكەنت قالاسىندا, ەكىنشى كەزەڭىن گرۋزييا مەملەكەتىندە وتكىزدىك. ۇشىنشى كەزەڭ ەندى باستالادى, – دەپ سوزىن تۇيىندەدى ەرلان ەستەك.

ازييا چەمپيوناتى قازاقستان رەسپۋبليكاسىنىڭ مادەنيەت جانە سپورت مينيسترلىگى, استانا قالاسىنىڭ اكىمدىگى, سامۇرۇق -قازىنا ال- اۋقات قورى, ERG ەۋرازييالىق توبىنىڭ قولداۋىمەن جۇزەگە اسۋدا. ۇيىمداستىرۋشىلارى –«حالىقارالىق قازاق كۇرەسى فەدەراتسيياسى» زتب.

ايتا كەتسەك, قازاق كۇرەسى (Qazaq kuresi) ۇلتتىق سپورت تۇرى عانا ەمەس, ول يۋنەسكو-نىڭ  ماتەريالدىق ەمەس مۇرالار تىزىمىنە كىرەدى. بىلتىر حالىقارالىق  Qazaq kuresi فەدەراتسيياسى قۇرىلىپ,  ەنەرگەتيكا مينيسترى قانات بوزىمباەۆ فەدەراتسييا پرەزيدەنتى بولىپ سايلاندى. جىل سايىن وسى سپورت تۇرىنەن بىرنەشە حالىقارالىق جانە رەسپۋبليكالىق جارىستار وتەدى. سونىڭ بىرى 2017 جىلى وتكەن االەم چەمپيوناتىنا 40 ەلدەن 160 بالۋان قاتىستى.

«ايقىننىڭ» انىقتاماسى:  «قازاق كۇرەسى حالىقارالىق فەدەراتسيياسى» 2017 جىلدىڭ 24 ناۋرىزىندا استانا قالاسىنىڭ ادىلەت دەپارتامەنتىندە تىركەلگەن.  2017 جىلدىڭ اقپان ايىندا 35 مەملەكەت وكىلدەرىنىڭ قاتىسۋىمەن استانا قالاسىندا وتكەن قازاق كۇرەسى حالىقارالىق فەدەراتسيياسىنىڭ كونگرەسىندە فەدەراتسييا جۇمىسى نىقتالىپ, پرەزيدەنت رەتىندە قانات بوزۋمباەۆ تاعايىندالدى. سونىمەن قاتار, فەدەراتسييانىڭ ۆيتسە-پرەزيدەنتتەرى قاتارىندا وليمپيادا چەمپيونى جاقسىلىق ۇشكەمپىروۆ پەن تانىمال بالۋان داۋلەت تۇرلىحانوۆ, قحر مەن پولشا فەدەراتسييالارىنىڭ جەتەكشىلەرى بار.

ەركىن قالدان

بولىسۋ:

پىكىر جازۋ


*