ەلىمىزدە سوتتالعاندار سانى 35 پايىزعا ازايدى

1085
0
بولىسۋ:

مەملەكەت باسشىسى باس پروكۋرور قايرات قوجامجاروۆتى قابىلدادى. كەزدەسۋ بارىسىندا نۇرسۇلتان نازارباەۆقا ەلىمىزدەگى قۇقىق قورعاۋ ورگاندارىنىڭ قىزمەتى جانە بۇعان دەيىن جۇكتەلگەن تاپسىرمالاردىڭ ورىندالۋى جونىندە ەسەپ بەرىلدى.

ەلباسى پروكۋراتۋرا ورگاندارىنا ازاماتتار قۇقىقتارىنىڭ, زاڭدى مۇد­دەلەرىنىڭ ساقتالۋى جانە زاڭنا­مالار­دىڭ ورىندالۋى ۇشىن جوعارى قاداعا­لاۋدى جۇزەگە اسىرۋ مىندەتى قويىلعانىن ايتتى.
– بۇگىندە ەلىمىزدەگى زاڭدىلىقتى قامتاماسىز ەتۋ ۇشىن قاجەتتى شارا­لار­دىڭ بارى ىسكە اسىرىلدى. اتاپ ايتقان­دا, قۇقىق قورعاۋ ورگاندارى مەن سوت جۇ­ي­ە­سى رەفورمالاندى, تيىستى زاڭدار قا­بىل­داندى, سونىڭ ىشىندە بيزنەستى نەگىزسىز تەك­سەرىستەردەن قورعاۋ تۋرالى ماسەلە دە قامتىلدى. سولاردى تەك ساپالى ورىن­داۋ قاجەت, – دەدى قازاقستان پرەزيدەنتى.
نۇرسۇلتان نازارباەۆ قىلمىستىق زاڭنامانى ىزگىلەندىرۋ جونىندەگى جۇ­مىس­تاردى جالعاستىرۋدىڭ ماڭىز­دى­لىعىن اتاپ وتىپ, قازاقستانداعى سوت­تال­عاندار سانى 35 پايىزعا ازاي­عانىن ايتتى.
باس پروكۋرور مەملەكەت باسشىسىنا قىلمىستىق پروتسەستى رە­فورمالاۋ باعىتىندا اتقارىلىپ جاتقان جۇ­مىستار جونىندە مالىمدەپ, وسى ىس-قيمىلداردىڭ ناتيجەسىندە ەلىمىزدەگى جالپى قىلمىستىق ىستەر وتكەن جىلمەن سالىستىرعاندا 10 پايىزعا كەمىگەنىن اتاپ وتتى.
– پروكۋراتۋرا ورگاندارى تاراپى­نان ازاماتتاردىڭ قۇقىقتارى مەن زاڭدى مۇددەلەرىن قورعاۋ ۇشىن جۇيەلى شارالار قابىلدانۋدا. بيىلعى التى ايدىڭ ىشىندە ەڭبەك قۇقىقتارىنىڭ ساقتالۋى, جەر قاتىناستارى, تاريفتىك زاڭناما سالالارىنا تەكسەرۋ جۇرگىزىلدى, ناتيجەسىندە ۇش ميلليوننان اسا ازاماتتىڭ قۇقىقتارى قورعالىپ, قايتا قالپىنا كەلتىرىلدى, – دەدى قايرات قوجامجاروۆ.
ەلباسى كەزدەسۋ قورىتىندىسى بويىنشا بىرقاتار ناقتى تاپسىرما بەردى.

بولىسۋ:

پىكىر جازۋ


*