ەسەپتەگىشتەر ەڭسەنى كوتەرە مە?

753
0
بولىسۋ:

«نۇر وتان» پارتيياسى سايلاۋالدى باعدارلاماسىنىڭ «يندۋسترييالىق دامىتۋ» باعىتى بويىنشا الماتى قالالىق كوميسسيياسىنىڭ وتىرىسىندا جىلۋ ەنەرگيياسىن ەسەپكە الاتىن اسپاپتاردى ورناتۋ ناقتى تۇتىنعانى ۇشىن تولەم جۇرگىزۋگە, ناقتى كورسەتىلگەن قىزمەتتەر بويىنشا تولەم جۇرگىزە وتىرىپ, جىلىتۋ ۇشىن تولەمدەرگە ۇنەمدەۋگە مۇمكىندىك بەرەتىندىگى ايتىلدى. سونىمەن قاتار الداعى 1-2 جىلدا سۋ ەسەپتەۋىشتەرىن جاپپاي ورناتۋ جوسپارلانىپ وتىر.

– ەنەرگييانى تيىمدى پايدالانۋ ساياساتى ەكولوگييالىق جانە ەنەرگە­تيكالىق پروبلەمالاردى تابىستى شە­شۋدىڭ كىلتى. ەنەرگييا تيىمدىلىگىن ارتتى­رۋدى جاڭا يننوۆاتسييالىق تەحنولوگييالار مەن شەشىمدەردى قامتاماسىز ەتۋدى ىنتالاندىرادى, سونداي-اق بەلسەندى وزارا ىس-قيمىل جاساۋى عىلىم جانە تەحنولوگييالار ترانسفەرتىن دامىتۋدا ىقپال ەتەدى, – دەدى الماتى قالاسىنىڭ ماسليحات دەپۋتاتى مۇحيت ازىرباەۆ جيىندا.
قازىرگى ۋاقىتتا الماتى قالاسىندا جىلۋ ەنەرگيياسىن تۇتىنۋ 83% قۇرايدى. بۇگىندە مەملەكەتتىك-جەكەمەنشىك ارىپ­تەستىك بويىنشا سىناپ جانە ناتريلى شامداردى جارىقديودتى شامعا اۋىس­تىرۋ جوباسى ازىرلەنۋدە. الماتى قالاسىنىڭ اۋماعىنداعى كوشەلىك جارىقتاندىرۋدىڭ ەنەرگييا تيىمدىلىگىن ارتتىرۋ, جاڭارتۋ, ەسكىرگەن قىزدىرۋ شامىن جاڭا بولاشاق تەحنولوگيياسىنا الماستىرۋ كوزدەلگەن.
– جوبانىڭ ناتيجەسى بويىنشا قالانىڭ سىرتقى جارىقتاندىرۋ جۇيەسىن جەتىلدىرۋ, قىزمەت كورسەتۋ جەلىسى بويىن­شا قىزمەت كورسەتۋ ساپاسىن ارتتىرۋ, ەلەكتر ەنەرگيياسىن تۇتىنۋدا ۇنەمدەۋ, تەحنيكالىق قىزمەت كورسەتۋدە شى­عىن­داردى وڭتايلاندىرۋ, كوشەنى جارىق­تاندىرۋ جەلىسىن جاقسارتۋ, قالانىڭ ەكو­لوگييالىق جانە كريمينوگەندىك احۋا­لىن جانە ەستەتيكالىق بەينەسىن جاقسار­تۋ كۇتىلۋدە, – دەدى الماتى قالاسى ەنەر­گەتيكا جانە كوممۋنالدىق شارۋاشىلىق باسقارما باسشىسىنىڭ ورىنباسارى ەربولات امانعاليەۆ.

دانييا كۇزەمباي

بولىسۋ:

پىكىر جازۋ


*