Есептегіштер еңсені көтере ме?

«Нұр Отан» партиясы сайлауалды бағдарламасының «Индустриялық дамыту» бағыты бойынша Алматы қалалық комиссиясының отырысында жылу энергиясын есепке алатын аспаптарды орнату нақты тұтынғаны үшін төлем жүргізуге, нақты көрсетілген қызметтер бойынша төлем жүргізе отырып, жылыту үшін төлемдерге үнемдеуге мүмкіндік беретіндігі айтылды. Сонымен қатар алдағы 1-2 жылда су есептеуіштерін жаппай орнату жоспарланып отыр.

– Энергияны тиімді пайдалану саясаты экологиялық және энерге­тикалық проблемаларды табысты ше­шудің кілті. Энергия тиімділігін артты­руды жаңа инновациялық технологиялар мен шешімдерді қамтамасыз етуді ынталандырады, сондай-ақ белсенді өзара іс-қимыл жасауы ғылым және технологиялар трансфертін дамытуда ықпал етеді, – деді Алматы қаласының мәслихат депутаты Мұхит Әзірбаев жиында.
Қазіргі уақытта Алматы қаласында жылу энергиясын тұтыну 83% құрайды. Бүгінде мемлекеттік-жекеменшік әріп­тестік бойынша сынап және натрилі шамдарды жарықдиодты шамға ауыс­тыру жобасы әзірленуде. Алматы қаласының аумағындағы көшелік жарықтандырудың энергия тиімділігін арттыру, жаңарту, ескірген қыздыру шамын жаңа болашақ технологиясына алмастыру көзделген.
– Жобаның нәтижесі бойынша қаланың сыртқы жарықтандыру жүйесін жетілдіру, қызмет көрсету желісі бойын­ша қызмет көрсету сапасын арттыру, электр энергиясын тұтынуда үнемдеу, техникалық қызмет көрсетуде шы­ғын­дарды оңтайландыру, көшені жарық­тандыру желісін жақсарту, қаланың эко­логиялық және криминогендік ахуа­лын және эстетикалық бейнесін жақсар­ту күтілуде, – деді Алматы қаласы Энер­гетика және коммуналдық шаруашылық басқарма басшысының орынбасары Ерболат Аманғалиев.

Дания КҮЗЕМБАЙ