جاڭا مەكتەپتەرگە بارلاۋ جاسادى

710
0
بولىسۋ:

«نۇر وتان» پارتيياسىنىڭ ماڭعىستاۋ وبلىستىق فيليالى جانىنان قۇرىلعان «نۇرلى جول» جانە «نۇرلى جەر» مەملەكەتتىك باعدارلامالارى بويىنشا نىسانداردىڭ قۇرىلىسى جانە ساپاسى تەكسەرۋ كوميسسيياسى وڭىردەگى «الەۋمەتتىك ينفراسترۋكتۋرانىڭ دامۋى» باعىتى بويىنشا بيىل سالىنىپ جاتقان جاڭاوزەن قالاسىنداعى 3 مەكتەپ قۇرىلىستارىنا جانە ساپاسىنا باقىلاۋ جاسادى.

شاراعا ماڭعىستاۋ وبلىستىق ماس­ليحاتىنىڭ دەپۋتاتتارى, «نۇر وتان» پار­تيياسى ماڭعىستاۋ وبلىستىق فيليا­لىنىڭ قىزمەتكەرلەرى, ماڭعىستاۋ وب­لىس­تىق قۇرىلىس باسقارماسىنىڭ باس­شى­سى, وبلىستىق بىلىم باسقارماسى باس­شى­سىنىڭ ورىنباسارى, جاڭاوزەن قالالىق ماسليحاتىنىڭ دەپۋتاتتارى قاتىستى.
كوميسسييا جاڭاوزەندەگى راۋان شاعىن اۋدانىندا ورنالاسقان 900 ورىندىق ەكى مەكتەپ جانە اراي شاعىن اۋدانىنداعى 900 ورىندىق مەكتەپ قۇرىلىسىن تەكسەردى.
باقىلاۋ كوميسسيياسىنىڭ مۇشەسى, ماڭعىستاۋ وبلىستىق ماسليحاتىنىڭ دەپۋتاتى دوساي تاڭاتاروۆ نىسانداردىڭ قۇرىلىسىنا جاۋاپتى تۇلعالارعا كوميس­سييا مۇشەلەرى شىعارعان قورى­تىندىعا ساي بىرقاتار تاپسىرمالار بەردى.
– مەكتەپتەردىڭ قۇرىلىستارى جا­قىن ارادا پايدالانۋعا بەرىلۋىنە بايلا­نىستى مۇقييات قاداعالانىپ, باقىلاۋعا الىنۋى كەرەك. سونىمەن قاتار الداعى جىل­دىڭ 7 تامىزىنا دەيىن اتقارىلعان جۇمىستار تۋرالى تولىق اقپارات «نۇر وتان» پار­تيياسى ماڭعىستاۋ وبلىستىق فيليالىنا جولدانۋى قاجەت. وعان قوسا, 3 نىساننىڭ مەملەكەتتىك اكتىلەرى كەلەسى جىلدىڭ 20 تامىزىنا دەيىن «نۇر وتان» پارتيياسى ماڭعىستاۋ وبلىستىق فيليالىنا تاپسىرىلسىن, – دەدى دوساي بايجانۇلى.
سونداي-اق «الەۋمەتتىك ينفراسترۋك­تۋرانىڭ دامۋى» باعىتى بويىنشا وزدەرى باقىلاۋ جاساعان كوميسسييا مۇشەلەرى ۇش مەكتەپ قورشاۋىنىڭ سىرتىندا كوركەيتۋ, رەتتەۋ جۇمىستارىن جۇرگىزۋدى تاپسىردى.

زاميرا پۋلات

بولىسۋ:

پىكىر جازۋ


*