قازاقستان مەن يران باسشىلارى كەزدەسەدى

621
0
بولىسۋ:

مەملەكەتتىك حاتشى گۇلشارا ابدىقالىقوۆا يران يسلام رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى م.داميرچيلۋمەن كەزدەستى. 

مەملەكەتتىك حاتشى ەكى ەل كوشباس­شى­لارىنىڭ تىعىز ارى وزارا سەنىمگە نەگىز­دەل­گەن ديالوگىنىڭ ارقاسىندا قازاقستان مەن يران اراسىنداعى قارىم-قاتىناستار جاڭا سا­پالى دەڭگەيگە كوتەرىلگەنىن, سونداي-اق وسى اپتادا V اقتاۋ سامميتى اياسىندا قوس مەم­لەكەت باسشىلارىنىڭ كەزەكتى كەزدەسۋى وتە­تىنىن ايتتى.
– بىز يرانمەن ساۋدا-ەكونوميكالىق ىن­تىماقتاستىعىمىزدى كەڭەيتۋگە جانە نى­عايتۋعا زور مان بەرەمىز, – دەدى گ.ابدى­قا­لىقوۆا.
مەملەكەتتىك حاتشى قازاقستان پرەزي­دەنتى نۇرسۇلتان نازارباەۆتىڭ 2016 جىلى تەگەران قالاسىنا ساپارى اياسىندا قابىل­دانعان يندۋستريالدى-يننوۆاتسييالىق جانە ساۋدا-ەكونوميكالىق ىنتىماقتاستىق باع­دار­لاماسىنىڭ ىسكە اسىرىلۋ ناتيجەلەرىنە ارنايى توقتالدى. ول اۋىل شارۋاشىلىعى, تران­زيت جانە لوگيستيكا, جەر قويناۋىن پاي­دالانۋ جانە ونەركاسىپ سيياقتى سالا­لار­دى قامتيتىن, قۇنى 1,38 ميلليارد دوللار بو­لاتىن 48 جوبادان تۇرادى.
– ەكى ەلدىڭ 2018 جىلعى قاڭتار-مامىر ارا­لىعىنداعى ساۋدا اينالىمى 251,4 ميل­ليون دوللارعا جەتتى. بۇل كورسەتكىش وتكەن جىل­دىڭ سايكەس كەزەڭىمەن سالىستىرعاندا 41,7 پايىزعا جوعارى, بىلتىر ۇقساس مەر­زىم­دە 177,4 ميلليون دوللاردى قۇراعان. ەكس­پورت 36,1 پايىزعا وسىپ, 207,2 ميلليون دول­لارعا ارتسا, يمپورت 76 پايىزعا ۇل­عايىپ, 44,2 ميلليون دوللار بولدى, – دەدى گۇلشارا ابدىقالىقوۆا.
مەملەكەتتىك حاتشى ەۋرازييالىق ەكو­نوميكالىق وداق پەن يران اراسىندا ەركىن ساۋدا ايماعىن قۇرۋعا ىقپال ەتەتىن ۋاقىت­شا كەلىسىمگە قول قويىلعانىن اتاپ وتتى. ول پرەفەرەنتسييالى ساۋدا رەجيمىن ورنا­تۋعا باعىتتالعان جانە دۇنيەجۇزىلىك ساۋدا ۇيىمى مەن حالىقارالىق قۇقىق نورما­لارى­نا نەگىزدەلگەن. بۇل قازاقستان مەن يران اراسىنداعى وزارا ساۋدا-ساتتىقتىڭ تۇ­راقتى شارتتارى مەن ەرەجەلەرىن قا­لىپتاستىرادى.
– بىز ترانزيتتىك-تاسىمالداۋ, اۋىل شارۋا­­شىلىعى, سونىمەن قاتار جەر قوي­ناۋىن پايدالانۋ سالاسىنداعى ىنتى­ماق­تاستىقتى دامىتۋ ۇشىن زور مۇمكىندىك بار ەكە­نىن كورىپ وتىرمىز, – دەدى گ.ابدىقا­لى­قوۆا.
كەزدەسۋ سوڭىندا مەملەكەتتىك حاتشى گۇل­شارا ابدىقالىقوۆا ەلىمىزدەگى ديپ­لوماتييالىق ميسسيياسىن اياقتاعالى وتىر­عان يران يسلام رەسپۋبليكاسىنىڭ قا­زاقستانداعى توتەنشە جانە وكىلەتتى ەلشىسى م.داميرچيلۋگە دوستاس مەملەكەتتەر ارا­سىن­داعى وزارا تيىمدى ىنتىماقتاستىقتى نى­عايتۋعا زور ۇلەس قوسقانى ۇشىن ريزاشى­لى­عىن بىلدىرىپ, جاڭا لاۋازىمداعى قىز­مە­تىنە ساتتىلىك تىلەدى.

ايحان شارىپ

بولىسۋ:

پىكىر جازۋ


*