تۋريزم مينيسترلەرى كەزدەستى

713
0
بولىسۋ:

استانا قالاسىندا تۇركى كەڭەسىنە مۇشە-مەملەكەتتەرى تۋريزم جونىندەگى مينيسترلەردىڭ تورتىنشى كەزدەسۋى وتۋدە.
اتالعان ىس-شارالار مادەنيەت جانە سپورت مينيسترلىگىنىڭ ۇيىمداستىرۋىمەن, سونداي-اق تۇركى كەڭەسى حاتشىلىعى, «KazakhTourism» ۇلتتىق كومپانيياسى مەن سىرتقى ىستەر مينيسترلىگىنىڭ جاردەمدەسۋىمەن جۇزەگە اسۋدا.
كەزدەسۋگە تۇركى كەڭەسى مۇشەلەرى تۋريزم ۆەدومستۆولارىنىڭ (مينيسترلىكتەر) باسشىلارى – قازاقستان, تۇركييا, قىرعىزستان جانە ازىربايجان, سونداي-اق تۇركى كەڭەسى حاتشىلىعىنىڭ وكىلدەرى كەلدى. وزبەكستان مەن تۇركمەنستاننىڭ مەملەكەتتىك تۋريستىك كوميتەتتەرىنىڭ توراعالارى جانە قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دە قۇرمەتتى قوناقتار رەتىندە شاقىرىلعان.

سونىمەن قاتار, حالىقارالىق تۇركى اكادەميياسىنىڭ, قازاقستاندىق اۋەكومپانييالاردىڭ باسشىلىعىنىڭ, سونداي-اق «تۇركى كەڭەسى: قازىرگى زامانعى جىبەك جولى» (Turkic Council Modern Silk Road Joint Package) بىرىڭعاي تۋريستىك ونىم جوباسى بويىنشا قۇرىلعان بىرلەسكەن كونسورتسيۋمىنىڭ مۇشەلەرى رەتىندە تۇركىتىلدەس مەملەكەتتەردىڭ مۇددەلى تۋروپەراتورلارى جينالدى.
تاراپتار «تۇركى كەڭەسى – زاماناۋي جىبەك جولى» بىرلەسكەن تۋريستىك ونىمنىڭ جوباسى جانە كوممەرتسييالىق ىسكە اسىرۋ ۇشىن نەگىزگى ماسەلەلەردى تالقىلايدى. سولاردىڭ ىشىندە ۆەب-سايتىن دامىتۋ, باعالاۋ ساياساتى,  ماركەتينگتىك جانە كوممۋنيكاتسييالىق ستراتەگيياسى, الەمدىك نارىقتا جىلجىتۋ, مۇشە-ەلدەردىڭ ارنالارىندا جارنامالىق بەينەلەردى تاراتۋ, يۋنۆتو-مەن وزارا ارەكەتتەسۋ جانە ت.ب.
بۇدان باسقا, جوسپارلانعان كەزدەسۋدە تۇركى كەڭەسى ەلدەرىمەن ىنتىماقتاستىقتا «TRT Avaz» تۇرىك تەلەارناسىمەن تۇسىرىلگەن زامانۋي جىبەك جولىنىڭ بىرلەسكەن ەكسكۋرسيياسى تۋرالى دەرەكتى فيلمنىڭ تۇساۋكەسەرى ۇسىنىلاتىن بولادى.

كۇن تارتىبى شەڭبەرىندە قازاقستاننىڭ مادەنيەت جانە سپورت مينيسترلىگى قازىرگى زامانعى جىبەك جولىنىڭ اياسىندا تۋريزمدى ودان ارى وزارا تيىمدى دامىتۋ جانە بىرلەسكەن تۋريستىك ونىمدەردى جۇزەگە اسىرۋ ماسەلەلەرىن دە شىعارۋعا باستاما قوزعادى. جوسپارلانعان كەزدەسۋ ناتيجەسىندە تاراپتار تۋريزم سالاسىنداعى كۇن تارتىبىنىڭ ماسەلەلەرى بويىنشا كەلىسىلگەن شەشىمدەر پاكەتىن دايىندايدى دەپ كۇتىلۋدە جانە ولار 3 قىركۇيەكتە قىرعىزستاننىڭ ىستىقكولدەگى چولپون-اتا قالاسىندا وتەتىن تۇركىتىلدەس مەملەكەتتەر باسشىلارىنىڭ كەزەكتى سامميتى بارىسىندا تالقىلاۋعا ۇسىنىلادى.
اتاپ وتەتىن جايت, تۇركى كەڭەسى نەمەسە تۇركىتىلدەس مەملەكەتتەر ىنتىماقتاستىعى كەڭەسى – قازىرگى زامانعى تۇركىتىلدەس مەملەكەتتەردى بىرىكتىرەتىن حالىقارالىق ۇيىم بولىپ تابىلادى, ونىڭ نەگىزگى ماقساتى – 2009 جىلعى 3 قازاندا ازەربايجاننىڭ ناحيچەۆان قالاسىندا قۇرىلعان ۇيىمنىڭ مۇشە مەملەكەتتەر اراسىنداعى جان-جاقتى ىنتىماقتاستىقتى دامىتۋ بولىپ تابىلادى.
ەستەرىڭىزگە سالا كەتسەك, تۋريزم مينيسترلەرىنىڭ ۇشىنشى كەزدەسۋى 2016 جىلدىڭ 6-7 ماۋسىمىندا قىرعىزستاننىڭ استاناسىندا بىشكەك قالاسىندا وتتى.

«ايقىن» اقپارات

بولىسۋ:

پىكىر جازۋ


*