ۇندىستاننىڭ مينيسترىن قابىلدادى

658
0
بولىسۋ:

ۇكىمەت ۇيىندە پرەمەر-مينيستر باقىتجان ساعىنتاەۆ ۇندىستاننىڭ سىرتقى ىستەر مينيسترى سۋشما سۆارادجبەن كەزدەسۋ وتكىزدى.

كەزدەسۋ بارىسىندا ساۋدا-ەكونوميكا, قورعانىس ونەركاسىبى, عارىش, كولىك-لوگيستيكا سالالارىنداعى ەكىجاقتى قارىم-قاتىناستى نىعايتۋ جانە ودان ارى كەڭەيتۋ ماسەلەلەرى تالقىلاندى. تاراپتار اۋىل شارۋاشىلىعى, فارماتسەۆتيكا, ات-يندۋس­ترييا­سى, ينۆەستيتسييالار جانە تەحنو­لو­گييا­لار ترانسفەرتى سالالارىنداعى وزارا تيىمدى ىنتىماقتاستىقتى جاندان­دى­رۋ­عا قىزىعۋ­شى­لىق تانىتتى. سونىمەن قاتار جەتەكشى ۇندىلىك قارجى جانە ينۆەستيتسييا­لىق كومپا­نييالاردىڭ «استانا» حالىقارا­لىق قارجى ورتالىعىنىڭ جۇمىسىنا قاتىسۋىنا بايلانىستى ماسەلەلەر قوزعالدى.
ايتا كەتەيىك, قازاقستان مەن ۇندىستان اراسىنداعى تاۋار اينالىمى 2018 جىلدىڭ قاڭتار-ساۋىر ارالىعىندا 250,3 ملن دوللار­دى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا (190,7 ملن دوللار) 31,2%-عا جوعارى.
قازاقستاننان ۇندىستانعا ەكسپورت 2018 جىلدىڭ قاڭتار-ساۋىر ايلارىندا 37%-عا وسىپ, 174,2 ملن دوللاردى قۇرادى. قازاق­ستان­نان ۇندىستانعا ەكسپورتتالاتىن نەگىزگى تاۋارلار – شيكى مۇناي, كۇمىس, اسبەست, سۋتەك, ينەرتتى گازدار جانە باسقا دا مەتالل ەمەس زاتتار, فەرروقورىتپالار, تانتال جانە ولاردان جاسالعان بۇيىمدار جانە ت.ب.
ۇندىستاننان قازاقستانعا 2018 جىلدىڭ قاڭتار-ساۋىر ايلارىندا يمپورت كولەمى 19,8 پايىزعا ارتىپ, 76,1 ملن دوللاردى قۇرادى. نەگىزىنەن, بۇل كورىك جانە ونەر­كاسىپ­تىك پەشتەر, توپىراقتى سۇرىپتاۋ جانە ۇساقتاۋعا ارنالعان جابدىقتار, وتقا توزىمدى كەراميكالىق بۇيىمدار, توپىراق جۇمىس­تارى­نا ارنالعان ماشينالار مەن مەحانيزم­دەر جانە باسقا دا تاۋارلار.

ابىلايحان جۇماش,

دينارا تىلەۋبەك

بولىسۋ:

پىكىر جازۋ


*