مەيرام مىرزابولاتوۆتىڭ تابىس كىلتى

1104
4
بولىسۋ:

سۋلەيمان دەميرەل ۋنيۆەرسيتەتىنىڭ تۇلەگى مەيرام مىرزابولاتوۆ پەنسيلۆانييا شتاتى ۋنيۆەرسيتەتىنىڭ پروفەسسورى اتاندى.

33 جاستاعى الماتىلىق مەيرام مىرزابولاتوۆتىڭ جەتىستىگى سدۋ تۇلەكتەرىمەن ستۋدەنتتەرىنە زور ۇلگى دەسەك, ول ەندى اقيقات. وراسان زور تاجىريبەسى, بىلىمى مەن قابىلەتىنىڭ ارقاسىندا ول جەكە كاسىبىن اشىپ, IT-تەحنولوگيياسى سالاسىندا تابىستى كاسىپكەر اتانىپ, شەتەلدى باعىندىرار مۇمكىندىگى بار ەدى. الايدا, ول عىلىمدى تاڭداپ, ومىرىن وقىتۋشىلىق قىزمەتكە ارنادى.  تاباندى ەڭبەگىنىڭ ارقاسىندا دوكتورلىق ديسسەرتاتسييا قورعاپ, اقش-تىڭ بەلدى مەملەكەتتىك وقۋ ورنىنىڭ پروفەسسورى اتاعىنا يە بولدى.

ساپارعا شىعار الدىندا جاس عالىم سدۋ قابىرعاسىنا كەلىپ, وزىنىڭ  جەتىستىگىمەن بولىستى. مەيرامنىڭ ايتۋىنشا, ماتەماتيكا عىلىمىنا قۇشتارلىق ونىڭ بويىنا مەكتەپتە ساباق بەرگەن اناسىنان دارىعان.

–بالا كەزىمنەن, ماتەماتيكالىق تاپسىرمالاردى, وي-جۇمباقتاردى شەشۋگە قۇمارتىپ, اقتوبەلىك قازاق-تۇرىك ليتسەيىنىڭ قابىرعاسىندا جۇرگەندە-اق رەسپۋبليكالىق جانە حالىقارالىق وليمپيادالاردان جۇلدەلى ورىندارعا يە بولاتىنمىن. سدۋ-دى تاڭداۋىم كەزدەيسوق ەمەس, ويتكەنى وقۋ ورنىنىڭ شەتەلگە جول اشاتىن  باستى ەرەكشەلىگى  – اعىلشىن تىلىندە بىلىم بەرۋى بولدى. جاراتىلىستانۋ فاكۋلتەتىنىڭ ۇشىنشى كۋرسىندا جۇرىپ, مەن وقىتۋشىنىڭ كومەكشىسى رەتىندە العاش رەت ساباق بەرە باستادىم, – دەيدى مەيرام.

باكالاۆريات پەن ماگيستراتۋرانى تامامداعان سوڭ, 2012 جىلى مەيرام پەنسيلۆانييا شتاتىنىڭ ۋنيۆەرسيتەتىنە كومپيۋتەرلىك عىلىمدار سالاسى بويىنشا  دوكتارانتۋراعا قابىلداندى. سودان بەرى التى جىل بويى مەيرام ۋنيۆەرسيتەت قابىرعاسىندا دارىس بەرىپ,  دوكتورلىق ديسسەرتاتسيياسىن قورعاعان. پروفەسسەر دارەجەسىن يەلەنگەن جاس عالىم, ساناۋلى كۇندەر ارالىعىندا جاڭا عىلىمي دارەجەدە وز جۇمىسىنا كىرىسپەك.

ول سدۋ-داعى تاجىريبەسى جايلى ەرەكشە ىقىلاسپەن ەسكە الادى جانە مانسابىنىڭ العاشقى قادامى وسى بىلىم ورداسىندا باستاۋ العانىن ايتادى.

– باكالاۆرياتتى اياقتاعان سوڭ, مەن سدۋ ماگيستراتۋراسىنا ماتەماتيكا عىلىمى سالاسىنا تۇستىم.  سول كەزەڭنەن-اق, عىلىممەن ايناسىپ, پروفەسسور بولۋ ۇشىن, ماعان دوكتورلىق دارەجە قاجەت ەكەندىگىن ناقتى تۇسىندىم. دال وسى كەزدە بىلىمىمدى شەتەلدە جالعاستىرامىن دەپ بەل بۋدىم, – دەيدى مىرزابولاتوۆ.

وتانىنان شالعايدا, پەنسيلۆانييا ۋنيۆەرسيتەتىندەگى ارىپتەستەرى اراسىندا جالعىز قازاق بالاسى بولا تۇرا, مەيرامدى ەلدەگى عىلىمنىڭ دامۋى تولعاندىرادى. ول وتانداستارىن ساعىنىپ, اعايىن-تۋىس پەن ۇلتتىق تاعامدى,  تۋعان جەردىڭ توپىراعىن  اڭساسا دا,  «قايتسەم بىلىمىمدى شىڭداپ, ەلگە ورالىپ, عىلىمدى دامىتامىن» دەگەن وي ساناسىنا تىنىم بەرمەگەن. قازىر دە بۇل وي وعان كۇش-قۋات بەرىپ, بولاشاققا جول سىلتەۋدە.

– قازىرگى تاڭدا ەلدەگى عىلىمنىڭ دارەجەسى ونداعىداي ەمەس ەكەندىگى  بارشامىزعا بەلگىلى.  ارينە عىلىم دەڭگەيىن كوتەرىپ, باتىستان دا جوعارى دارەجەگە جەتكىزۋ ارمانى ماعان مازا بەرمەيدى. الايدا بۇل ۇشىن بىلىمدار ادامدار كەرەك. مۇمكىن مەنىڭ قاراپايىم مىسالىم وزگە دە جاس ۇرپاق وكىلدەرىنە تۇرتكى بولىپ, ولار شەتەلدەن بىلىم الىپ, وتانىمىزعا كەلىپ تاجىريبەسىمەن بولىسەر, – دەگەن ۇمىتتە پروفەسسور.

بۇل كۇنى جاستار تەز تابىس تاۋىپ, جەتىستىككە جىلدام قول جەتكىزۋگە قۇمار بولسا دا, مەيرام جاقىن ارادا عىلىمنىڭ قۇنى ارتىپ, بىلىمدى جاس بۋىن وكىلدەرى ەلدەگى بىلىم سالاسىن كوركەيتەدى دەگەن زور سەنىمدە.

باتىستىق بىلىم مەن وتاندىق بىلىم ايىرماشىلىقتارىنا توقتالا وتىرىپ, مەيرام بىزدەگى بىلىم جۇيەسىنىڭ كەمشىل تۇستارى مەن جەتىستىگىن  اشىق ايتتى.

–ايتا كەتەتىن جايت, بىزدىڭ مەملەكەتتە باكالاۆريات, اسىرەسە Iت باعىتى بويىنشا باتىستىق دارەجەدەن ەش كەم ەمەس. الدىڭعى قاتارلى تەحنيكالىق وقۋ ورىندارى زاماناۋي ۇردىستە بىلىم بەرۋدە ارى ستۋدەنتتەر باتىستىق جۇيە بويىنشا تولىق اقپاراتتى الۋدا, دەپ ناقتى ايتا الامىن. بىراق ماگيستراتۋرا مەن عىلىمي-زەرتتەۋ  باعىتتارى ەلىمىزدە كەنجە قالۋدا, – دەگەن پىكىردە جاس عالىم.

ستۋدەنتتىك قاۋىمداستىققا كەلسەك, مەيرامنىڭ پىكىرىنشە, «بىزدىڭ جاستار باتىستىق قۇربىلاستارىنا قاراعاندا الدەقايدا قاراپايىم. شەتەلدىك جاستار بالا كەزىنەن وزدەرىن كوشباسشى ساناپ, بار بىلىمىن كورسەتۋدەن قىمسىنبايدى, كەيدە بويلارىندا مەنمەندىك تە باسىم», –دەيدى ول.

20-تامىزدان باستاپ, مەيرام اقش-قا قايتا ورالىپ كۇندەلىكتى جۇمىسىنا كىرىسەدى.   وقىتۋشىلىق قىزمەتپەن قاتار جاس پروفەسسور عىلىمي جۇمىستارىن جوعارى يمپاكت-فاكتورلى عىلىمي باسپالارعا شىعارۋدى   جوسپارلاۋدا.

–امەريكاندىقتاردان نە ۇيرەنۋگە بولادى? بۇل كوزدەگەن ماقساتىڭدى بىرنەشە جىل بۇرىن ناقتى جوسپارلاۋ قاسيەتى.  نەلىكتەن شەتەلدەگى بىلىم ساپالى? وندا پروفەسسورلار گرانتقا تاپسىرىس بەرەدى, جوسپار قۇرىپ, وز جوبالارىنا سايكەس گرانتقا يە بولادى. وسى ورايدا گرانت وقۋ اقىسى مەن شاكىرتاقىسىن تولىقتاي قامتيدى. وسىنداي شارت بويىنشا جەتەكشىم مەنى جۇمىسقا الىپ وتىر. ناتيجەسىندە ارقايسىمىز موينىمىزعا جۇكتەلگەن مىندەتتى تەرەڭ سەزىنەمىز, – دەپ بولىستى مەيرام.

تۋعان بىلىم وشاعىندا مەيرامدى ارىپتەستەرى مەن دوستارى قۇشاق جايا قارسى الىپ, اق جول تىلەپ, مەن بيىك بەلەستەردى باعىندىرۋعا باتالارىن جاۋدىردى.  ساناۋلى كۇندەردىڭ ارالىعىندا ول قايتا مۇحيت اسىپ, وز قىزمەتىنە كىرىسىپ كەتەدى. الايدا ونىڭ ەلىم دەپ سوققان, پاتريوتتىق سەزىمگە تولى جۇرەگى كىندىك قانى تامعان جەرىندە قالادى. «وتانىما ورالام» دەگەن وي ونى كەز-كەلگەن اتاق-دارەجە, مانساپتان دا جوعارى قاناتتاندىرىپ, جاڭا جەتىستىكتەرگە جەتەلەيدى. مىنە, پەنسيلۆانييا شتاتى بىلىم ورداسىنىڭ ەڭ جاس پروفەسسورىنىڭ تابىس كىلتى مەن قاراپايىم وقيعاسى وسىنداي.

– وتاندىق جاستارعا ايتارىم, اردايىم الدارىڭا بيىك ماقسات قويىپ, وعان قول جەتكىزۋگە ايانباي كۇش سالۋ قاجەت. ەش ۋاقىتتا جالقاۋلىققا جول بەرمەي, الدىن الا بارىن جوسپارلاپ, قيىندىققا مويىماۋ. جارىم جول جۇرىپ تە جەتىستىكتىڭ تەڭ جارتىسىنا قول جەتكىزۋگە بولادى. اردايىم شىنشىل بولىپ, ەگەر وزىڭنەن بىلىمى اسقان ادام كەزدەسسە, وعان جول بەرۋ قاجەت. بالكىم, مەنىڭ ومىرلىك ۇستانىم مەن ۇرانىم وسى بولار, – دەيدى مەيرام مىرزابولاتوۆ.

ەركىن قالدان

 

بولىسۋ:

4 پىكىر جازىلعان

  1. احمەت 24 تامىز, 2018 at 17:16 جاۋاپ

    كەرەمەت. بىزدىڭ جاستارىمىز وسىنداي جەتىستىكتەرگە جەتكەندە مەن قۋانامىن. قۇتتى بولسىن

  2. سامات 24 تامىز, 2018 at 17:16 جاۋاپ

    ييا راسىمەندە جاستارعا باستىسى ماقسات قويۋ بىلۋ, ارى قاراي وز ەڭبەگىمەن جولىن سالادى دەگەن ويدامىن.

  3. تيمۋر 24 تامىز, 2018 at 17:18 جاۋاپ

    ينتەرەسنو ا ون پريەدەت ۆ سۆويۋ رودنۋيۋ سترانۋ ۆنوسيت سۆوي ۆكلاد ۆ رازۆيتيي سۆوەي رودينى?

پىكىر جازۋ


*