قولجەتىمدى باسپاناعا قالاي قول جەتكىزەمىز?

785
0
بولىسۋ:

«نۇر وتان» پارتيياسى «تۇرعىن­ۇيقۇرى­لىس­جيناقبانكى» اكتسيونەرلىك قوعامى مەن حالىق اراسىندا التىن كوپىر بولىپ, قوس تاراپتى جولىقتىرىپ, ماسەلەنىڭ مانىسىن تارقاتۋعا ەرەك­شە نازار اۋدارىپ وتىر. «نۇر وتان» پار­تييا­سى الماتى وبلىستىق فيليالىنىڭ قوعام­دىق قابىلداۋ بولمەسىندە «تۇرعىن ۇي قۇرىلىس جيناق بانكى» اق باسشىلىعى باسپاناعا مۇقتاج جاندار ۇشىن قابىلداۋ ۇيىمداستىردى.

قابىلداۋعا كەلگەندەرگە «نۇرلى جول», «نۇرلى جەر» مەملەكەتتىك باعدارلامالارى ايا­سىندا ەل تۇرعىندارىنىڭ باسپانالى بولۋى­­نا جاسالىنىپ جاتقان مۇمكىندىكتەر تۋرا­­سىندا ەگجەي-تەگجەيلى اقپارات بەرىلىپ, ساۋالدارعا جاۋاپ قايتارىلدى.
«تۇرعىنۇيقۇرىلىسجيناقبانكى» اق الماتى وبلىستىق فيليالى ديرەكتورىنىڭ ورىنباسارى جاسۇلان قۇرمانعاليەۆ, بانكتىڭ بيزنەستى دامىتۋ بولىمىنىڭ I ساناتتاعى ما­مانى لاۋرا دانابەكوۆا, ساراپشىلار اينۇر توقاەۆا جانە گاۋحار قۇماروۆا الدا­رىنا كەلگەن اربىر ازاماتتىڭ جاعدايىن مۇ­قييات تىڭ­داپ, زەردەلەپ, ولاردىڭ بانك ارقىلى باسپانالى بولۋى ۇشىن قانداي قارەكەتتەر جاساۋى تيىستىگىن تۇسىندىردى.
«تۇرعىنۇيقۇرىلىسجيناقبانكى» اق الماتى وبلىستىق فيليالى ديرەكتورىنىڭ ورىنباسارى جاسۇلان قۇرمانعاليەۆتىڭ اي­تۋىنشا, «نۇرلى جەر» باعدارلاماسى جاڭا قۇرىلىس جوبالارىنىڭ قاتىسۋىن قاراس­تىرادى. باعدارلاما اياسىندا نەسيە بويىنشا مولشەرلەمە باسپانا قۇنىنىڭ 30 پايىزىن قۇرايتىن باستاپقى جارنانى قوسقاندا 5 پايىزدان باستالادى. يپوتە­كالىق تۇرعىن ۇي زايمدارى بويىنشا سىياقى مولشەرلەمەلەرىن سۋبسيدييالاۋ مۇمكىندىگى دە ويلاستىرىلعان. مەملەكەتتىك باعدارلامالار مەن جەكەمەنشىك قۇرىلىس سالۋشىلاردىڭ تۇرعىن ۇي قۇرىلى­سىن­داعى نىسانداردىڭ بارلىعى بىر جەرگە توپ­تاس­تىرىلعان. سوعان ساي baspana.kz سايتى ارقى­لى وتىنىش تاپسىرۋعا جانە ۇناعان باس­پانانى تاڭداۋعا جانە تاعى باسقا دا جۇمىس­تاردى اتقارۋعا بولادى.
قابىلداۋعا بارلىعى 45 ادام كەلىپ, تۇر­عىن ۇي كەزەگى, پاتەر باعاسى مەن ساپاسى, نەسيە مولشەرلەمەسى مەن جاڭا مەملەكەتتىك باعدار­لامالار تۋرالى سۇراقتارعا جاۋاپ تاپتى. بانك باسشىلىعىنا دال وسىنداي قوعامدىق قابىل­داۋلار ۇيىمداستىرىپ, اشىق اكتسييالار مەن بۇقارالىق اقپارات قۇرالدارى ارقىلى تۇسىن­دىرۋ جۇمىستارىن كۇشەيتۋ تۋرالى ۇسىنىس جاسالدى.

بولات اباعان,
الماتى وبلىسى

بولىسۋ:

پىكىر جازۋ


*