از سوزبەن كوپ ويدى بىلدىرەتىن جازۋشى

10286
11
بولىسۋ:

ۇلتتىق كىتاپحانادا جازۋشى-اۋدارماشى, قازاقستان جاستار وداعى «سەرپەر» سىيلىعىنىڭ لاۋرەاتى, حالىقارالىق جامبىل سىيلىعىنىڭ يەگەرى مالىك وتارباەۆتىڭ «بىر قايىرى بار دۇنيە» اتتى كىتابىنىڭ تۇساۋكەسەر راسىمى وتتى.

سالتاناتتى شاراعا اقىن, مەملەكەتتىك سىيلىقتىڭ يەگەرى تەمىرحان مەدەتبەك, قازاقستاننىڭ ەڭبەك سىڭىرگەن قىزمەتكەرى, عالىم-ۇستاز شامشا بەركىمباەۆا, قازاقستاننىڭ ەڭبەك سىڭىرگەن قايراتكەرى, حالىقارالىق «الاش» ادەبي سىيلىعىنىڭ لاۋرەاتى بەرىك شاحانوۆ, سابيت مۇقانوۆ پەن ع.مۇسىرەپوۆتىڭ ادەبي-مەموريالدىق مۇراجايىنىڭ ديرەكتورى ادىلعازى قايىربەكوۆ, قازاقستاننىڭ ەڭبەك سىڭىرگەن قايراتكەرى, جازۋشى احمەتجان اشيري, قازاقستاننىڭ ەڭبەك سىڭىرگەن قايراتكەرى, جازۋشى رافاەل نييازبەك, قازاقستاننىڭ ەڭبەك سىڭىرگەن قايراتكەرى اسىلى وسمان, حالىقارالىق «الاش» سىيلىعىنىڭ يەگەرى, جازۋشى نۇرعالي وراز, عالىم-پروفەسسور دانداي ىسقاق, قازاقستان جازۋشىلار وداعىنىڭ مۇشەسى, اۋدارماشى سامال سوقپاقباەۆا جانە تاعى باسقا زييالى-قاۋىم وكىلدەرى مەن ادەبيەتتانۋشىلار قاتىستى. جيىندى اقىن داۋلەتبەك بايتۇرسىنۇلى جۇرگىزىپ, اۆتوردىڭ كوزدەگەن ماقساتى مەن كىتاپتىڭ كوتەرگەن جۇگى تۋرالى جان-جاقتى اڭگىمە وربىتتى.

جينالعاندار مالىك وتارباەۆتىڭ شىعارماشىلىق قىرى مەن اۋدارماشىلىق ەڭبەگىنە جانە دراماتۋرگييالىق ىزدەنىستەرىنە توقتالىپ, جاڭا تۋىندىنىڭ وقىرمان قاۋىمنىڭ كوڭىلىنەن شىعارىنا سەنىم بىلدىردى.

 

 

 

كىتاپقا جازۋشى, دراماتۋرگ, اۋدارماشى مالىك وتارباەۆتىڭ قازىرگى قوعام, وتپەلى ۋاقىت, ۇلتتىق رۋحانييات تۋرالى ەسسەلەرى مەن شاعىن اڭگىمەلەرى توپتاستىرىلعان. ادامدار اراسىنداعى قارىم­قاتىناس, ومىرلىك قۇندىلىقتار, اسىل سەزىم, كوركەم مىنەز قالىپتاستىرۋ تۇرعىسىنداعى گۋمانيستىك كوزقاراستارى وقىرمانعا تەرەڭ وي سالادى, رۋحاني الەمىن بايىتىپ, اقيقاتتى تانۋعا جەتەلەيدى.

تۇساۋكەسەر بارىسىندا ادەبي اڭگىمە انمەن ورىلىپ,  مادەنيەت سالاسىنىڭ ۇزدىگى, داستۇرلى ونەردىڭ دۇلدىلى نۇرجان جانپەيىسوۆ كوپشىلىكتىڭ سۇراۋىمەن ەكى قايتارا ان سالدى.

بۇعان دەيىن مالىك وتارباەۆتىڭ قازاق جانە تۇرىك تىلىندە جازعان اڭگىمەلەرى مەن ەسسەلەرى ازەربايجان, ورىس, قىرعىز تىلىندە جارىق كوردى. سۇيىنباي, ش.مۇرتازا, ن.ورازالين, ر.وتارباەۆ, ت.مەدەتبەك, ر.نييازبەك, ە.جاقىپبەكتىڭ شىعارمالارىن تۇرىك تىلىنە اۋدارعان. سونداي-اق يۋنۋس ەمرە, رەشات نۇري گۇنتەكين, حالدۋن تانەر سىندى تۇرىك اقىن-جازۋشىلارىن قازاق تىلىندە سويلەتكەن. 25 قازاق قالامگەرىنىڭ اڭگىمەسى مەن و.سۇلەيمەنوۆتىڭ تۇركى تىلدەرىندەگى ولەڭدەر جيناعىن قۇراستىرعان.

 

 

قانشايىم بايداۋلەت

بەينەجازبانى تۇسىرگەن: اۆتور

فوتو: ايتجان سالىقۇلى

 

بولىسۋ:

11 پىكىر جازىلعان

  1. جۇمابەك 30 شىلدە, 2018 at 15:47 جاۋاپ

    تالانتتى جازۋشى, دارىندى اۋدارماشى. وسىنداي جاستاردى ىلايىم قولداپ وتىرۋ كەرەك. قولداۋ بىلدىرگەن زييالى قاۋىمعا راxمەت!

  2. how make money with craigslist 15 قاڭتار, 2019 at 23:37 جاۋاپ

    992907 28876This kind of publish appears to get yourself a great deal of visitors. How will you acquire traffic to that? It provides a terrific exclusive twist upon issues. I guess having something traditional or perhaps substantial to give information on is the central aspect. 806080

پىكىر جازۋ


*