تاق مۇراگەرى استانامەن ماقتاندى

843
0
بولىسۋ:

ابۋ-دابيدىڭ تاق مۇراگەرى, بىرىككەن اراب امىرلىكتەرىنىڭ قارۋلى كۇشتەرى جوعارعى باس قولباسشىسىنىڭ ورىنباسارى شەيح مۇحاممەد بەن زايد ال-ناحايان Instagram پاراقشاسىندا استاناداعى رەسمي ساپارى تۇسىرىلگەن ۆيدەونى جارييالادى. 1 ميلليون 600 مىڭنان اسا جازىلۋشىسى بار حانزادانىڭ وقىرماندارى ونىڭ استاناعا ساپارىن قىزىعۋشىلىقپەن تالقىلادى.

شەيح مۇحاممەد بەن زايد ال-ناحايان ۆيدەودا قازاقستانعا بارعانىنا قۋانىشتى ەكەنىن جازعان. تاق مۇراگەرى استانادان العان اسەرىمەن بولىسكەن.

 

بۇعان دەيىن بيىل كوكتەمدە ەلباسى نۇرسۇلتان نازارباەۆ بىرىككەن اراب امىرلىكتەرىنە رەسمي ساپارىندا ابۋ-دابيدىڭ تاق مۇراگەرى,  شەيح مۇحاممەد بەن زايد ال-ناحايانمەن ارنايى كەزدەسكەن بولاتىن.

سول كەزدە ەلباسى نۇرسۇلتان نازارباەۆ ابۋ-دابيدىڭ تاق مۇراگەرى شەيح مۇحاممەد بەن زايد ال-ناحاياندى قازاقستانعا شاقىرعان ەدى. كەزدەسۋ بارىسىندا مەملەكەت باسشىسى تاق مۇراگەرىنە ريزاشىلىق بىلدىرگەن بولاتىن. «ەكى جاقتى دوستىق قاتىناستاردىڭ ارقاسىندا ەكى ەلدە بيزنەس جانە مەملەكەتتىك قۇرىلىمدارى اراسىنداعى ىنتىماقتاستىق دامىپ كەلەدى. ساۋدا-ساتتىق كولەمى 2 ەسە وستى. بىز ينۆەستيتسييانى قورعاۋ جانە سالىق سالۋ سالاسىندا ۋاعدالاستىقتارعا قول جەتكىزدىك. العا قويعان ماقساتتارىمىز كوپ» دەدى قازاقستان پرەزيدەنتى نۇرسۇلتان نازارباەۆ.

ابۋ-دابيدىڭ تاق مۇراگەرى ەكى ەل اراسىنداعى تىعىز دوستاستىق قازاقستان پرەزيدەنتى نۇرسۇلتان نازارباەۆ پەن شەيح زايد بەن سۇلتان ال-ناحاياننىڭ ەڭبەگى ەكەنىنە ايرىقشا اتاپ وتكەن ەدى. «ەكى ەل اراسىندا باۋىرلاستىق قاتىناس ورناعان. بىز سىزدى ۇلكەن اعامىز دەپ سانايمىز. ومىرلىك تاجىريبەڭىز مول. سىزدى قۇرمەت تۇتامىز. 30 جىل بۇرىن قازاقستان وسىنداي وزگەرىستەردى باستان وتكەرەدى دەپ ەشكىم كۇتپەگەن ەدى. قازىر قازاقستان – كوشباسشى ەل, وڭىردەگى جەتەكشى مەملەكەتتەردىڭ بىرى. وسىنىڭ بارىنە سىزدىڭ كورەگەندىگىڭىز بەن پايىم-پاراساتىڭىزدىڭ ارقاسىندا قول جەتكىزدى» دەپ تاق مۇراگەرى ەلباسىنىڭ ەڭبەگىنە جوعارى باعا بەرگەن بولاتىن. ەلباسى ابۋ-دابيدىڭ تاق مۇراگەرى شەيح مۇحاممەد بەن زايد ال-ناحاياندى «استانا – 20 جىل» مەرەيتويلىق مەدالىمەن ماراپاتتادى.

استانادا اراب ينۆەستورلارىنىڭ كومەگىمەن «ابۋ-دابي پلازا» كەشەنى سالىنىپ جاتىر.

مايرا باقىت

 

 

بولىسۋ:

پىكىر جازۋ


*