«التىن ساقا» – اقتاۋدا

3131
0
بولىسۋ:

«نۇر وتان» پارتيياسى اقتاۋ قالالىق فيليالىنىڭ ۇيىمداستىرۋىمەن ايماقتاعى «جاس وتان» جاستار قاناتى 10-11 جاس ارالىعىنداعى بالالار اراسىندا «التىن ساقا» اسىق اتۋ تۋرنيرىن ۇيىمداستىردى.

استانا قالاسىنىڭ 20 جىلدىعىنا وراي, اقتاۋ ويىن-ساۋىق ورتالىعىنىڭ سپورت الاڭىندا وتكەن شاراعا اقتاۋ فۋتبول كلۋبىنىڭ ورەندەرى قاتىستى. ولار «دوڭگەلەك» دەپ اتالاتىن اسىق اتۋ ويىنىن وينادى. بالالاردىڭ جاتتىقتىرۋشىسى رۋسلان چاپاەۆتىڭ ايتۋىنشا, توپتا اسىق وينايتىن بالالار كوپ.
– اسىق ويىنىن بىزدەر «كوستي», ياعني سۇيەك دەپ اتايمىز. وز باسىم, اسىق ويناي المايمىن. بىراق بالالارعا قاراپ وتىرسام, ولاردىڭ ساقامەن ويناۋعا قىزىعۋشىلىعى دوپ تەبۋدەن كەم ەمەس, – دەدى ول.
بالالار اراسىندا اسىق اتۋدان توپجارعان ەراسىلدى قاتارلاستارى اياقدوپ ويىنىندا دا ۇزدىك ەكەندىگىن اتاپ وتتى. ويىن سوڭىندا ۇيىمداستىرۋشىلار بالالارعا كىشىگىرىم سىي-سىياپات كورسەتىپ, ەستەلىك سىيلىقتار ۇلەستىردى.

اقتامبەردى سادىقان

بولىسۋ:

پىكىر جازۋ


*