«قازاقستان» پاۆيلونى اشىلدى

613
0
بولىسۋ:

قازاقستان جانە رەسەي پرەمەر-مينيسترلەرىنىڭ بىرىنشى ورىنباسارلارى اسقار مامين مەن انتون سيلۋانوۆ استانانىڭ 20 جىلدىعىنا ارنالعان حشجك-نىڭ «قازاقستان» تاريحي پاۆيلونىنىڭ رەسمي اشىلۋىنا قاتىستى. سالتاناتتى شارادا قازاقستاننىڭ رەسەيدەگى توتەنشە جانە وكىلەتتى ەلشىسى يمانعالي تاسماعامبەتوۆ تە بولدى. 

ا.مامين مەرەكەگە قاتىسۋشىلار مەن قوناقتاردى قازاقستان ۇكىمە­تى­نىڭ اتىنان قۇتتىقتاپ, «جاڭا ەلور­دا قۇرىلىسىن سالۋ – كوپۇلتتى حالقى­مىز­دىڭ تريۋمفالدىق جارقىن جەڭىسى» دەپ اتاپ وتتى.
«وسىدان 20 جىل بۇرىن قازاق­ستان پرەزيدەنتى نۇرسۇلتان نازارباەۆ ەلورداسىن الماتىدان مەملەكەتىمىزدىڭ گەوگرافييالىق ورتالىعى, سوڭىنان استانا اتانعان قالاعا كوشىرۋ تۋرالى ستراتەگييالىق شەشىم قابىلدادى» دەدى ا.مامين.
وسى جىلدارى ەلوردانى دامى­تۋعا 50 ملرد دوللار كولەمىندە ينۆەس­تيتسييا تارتىلدى. ونىڭ 80 پايىزى جەكە ينۆەستورلاردان تۇستى. استانا شاعىن جانە ورتا بيزنەستىڭ سيمۆولىنا اينالدى. قالا ەكونوميكاسىنىڭ ەلۋ پايىزىن شاعىن جانە ورتا بيزنەس قۇرايدى. جيىرما جىلدا استانا تۇرعىندارى 1 ميلليون 200 مىڭعا جەتىپ, ىرى مەگاپوليسكە اينالدى. تۇرعىن-ۇي قۇرى­لىسى ىرى قارقىنمەن جۇرگىزىلىپ, تۇرعىن ۇي-كوممۋنالدىق شارۋاشىلىعى جاڭعىرتىلدى.
«ماسكەۋدە باۋىرلاس مەملەكەتتىڭ تورىندە استانا قالاسىنىڭ 20 جىلدىعى اياسىنداعى كورمەنىڭ اشىلۋى – سىيلاستىقتىڭ نىشانى. رەسەي – قازاقستاننىڭ ستراتەگييالىق سەرىكتەسى. ەكى ەل اراسىنداعى ەكو­نو­مي­كالىق قارىم-قاتىناس سەر­پىندى دامۋدا جانە ەۋرازييالىق كەڭىس­تىكتەگى ىقپالداستىق ۇدەرىسى كۇن­نەن كۇنگە نىعايا تۇسۋدە. بۇل قاتىناس ەكى مەملەكەت اراسىنداعى قاتىناستىڭ قالاي دامۋى كەرەكتىگىن كورسەتەتىن ححى عاسىر ۇلگىسى» دەپ اتادى.
بۇدان كەيىن, ا.مامين, ا.سيلۋا­نوۆ, ي.تاسماعامبەتوۆ حشجك-ىنىڭ «قازاق­ستان» پاۆيلونىن تاما­شا­لادى.
«قازاقستان» پاۆيلونى جاڭا ومىرگە قادام باستى. حشجك-عا كەلۋشىلەر جيىلەپ, جار­قىن وقيعا­لار­دىڭ كۋاسى بولادى. قازاق­ستاننىڭ پاۆيلو­نى مەم­لەكەتىمىزدىڭ جاڭا ەكونو­ميكالىق الەۋەتى مەن باي مادە­ني مۇراسىنىڭ تۇساۋكەسەر راسىم­دەرى وتەتىن الاڭ بولادى. 2018 جىل اياعىندا حشجك-داعى «قازاق­ستان» پاۆيلونى تولىعىمەن جاڭعىرتىلىپ, عيماراتقا ۇلتتىق مازمۇن بەرەتىن تاريحي بولىم باستاپ­قى قالپىنا كەلتىرىلەدى.
ماسكەۋدە استانا قالاسىنىڭ 20 جىلدىعىن مەرەكەلەۋ اياسىندا استا­نا قالاسىنىڭ ساۋلەتى مەن قالا قۇرى­­لىسى ساياساتىنا ارنالعان كون­فەرەن­تسييا وتكىزىلىپ, وعان قازاق­ستان مەن رەسەيدىڭ ساۋلەتشىلەرى قاتى­سادى.
مۇنىڭ الدىندا پرەمەر-مينيسترىنىڭ بىرىنشى ورىنباسارى اسقار ماميننىڭ توراعالىعىمەن سولتۇس­تىك قازاقستان وبلىسىن دامى­تۋ جونىندەگى جۇمىس توبىنىڭ وتىرىسى وتكىزىلدى. ول مەملەكەت باسشىسى ن.نازارباەۆتىڭ سولتۇس­تىك قازاقستان وبلىسىن ودان ارى دامى­تۋ جونىندەگى تاپسىرماسىن ورىن­داۋدىڭ ماڭىزدىلىعىنا توق­­تال­دى. سوعان وراي, وبلىستى الەۋمەتتىك-ەكونوميكالىق دامىتۋ ماسەلەسىن جان-جاقتى تالقىلاپ, تيىستى شەشىمدەر قابىلداۋ ۇشىن, مەم­لەكەتتىك ورگانداردىڭ قاتى­سۋى­مەن جۇمىس توبى قۇرىلدى.
سولتۇستىك قازاقستان وبلىسىنىڭ اكىمى قۇمار اقساقالوۆتىڭ ايتۋىن­شا, وبلىستى الەۋمەتتىك-ەكونوميكالىق دامىتۋدىڭ 2018-2021 جىلدارعا ارنالعان كەشەندى جوسپارى تۇزىلگەن. جوسپار جوباسى ينفراقۇرىلىمدىق 12 باعىتتى قامتيدى. ونىڭ ىشىندە الەۋمەتتىك نىساندار قۇرىلىسى, كولىك جانە ينجەنەرلىك كوممۋنيكاتسييالاردى دامىتۋ, اگروونەركاسىپ كەشەنىنىڭ وڭدەۋ قۋاتىن كوتەرۋ, قورعانىس كەشەنى كاسىپورىندارىن جاڭعىرتۋ كوزدەلەدى.
جالپى العاندا 64 شارانى جۇزەگە اسىرۋ قاراستىرىلعان. ول ارقىلى شامامەن 14 مىڭ جاڭا جۇمىس ورنىن اشۋ جوسپارلانىپ وتىر. سولتۇستىك قازاقستان وبلىسىن دامىتۋدىڭ كەشەندى جوسپارى 300 ملرد تەڭگەدەن استام ينۆەستيتسييالىق جوبالاردى جۇزەگە اسىرۋدى قامتيدى.
جۇمىس توبىنىڭ وتىرىسى بارى­سىندا اتقارىلىپ جاتقان جۇ­مىس­تار جونىندە ۇلتتىق ەكو­نوميكا ۆيتسە-مينيسترى ا.جۇماعۇلوۆ, قورعانىس جانە اەروعارىش ونەركاسىبى مينيست­رى ب.اتامقۇلوۆ جانە باسقا دا مەم­لە­كەتتىك ورگانداردىڭ باسشى­لارى باياندادى.
«سولتۇستىك قازاقستان وبلىسىن 2018-2021 جىلدارعا ارنالعان كەشەن­­دى دامىتۋ جوسپارىن جاساۋ – مەملەكەت باسشىسى ن.نازارباەۆتىڭ تىكەلەي تاپسىرماسى. وسى قۇجاتتى جۇزە­گە اسىرۋ سقو الەۋمەتتىك-ەكو­نو­ميكالىق دامىتۋعا زور سەرپىن بەرىپ, تۇرعىنداردىڭ ومىر سۇرۋ ساپا­سىن كوتەرەدى» دەپ اتاپ وتتى ا. مامين.
جۇمىس توبىنىڭ وتىرىسىن قورىتىندىلاي كەلىپ, پرەمەر-مينيستردىڭ بىرىنشى ورىنباسارى ۇلتتىق ەكونوميكا مينيسترلىگى مەن سولتۇستىك قازاقستان وبلىسى اكىمدىگى بىرلەسە وتىرىپ, تالقىلاۋ ناتيجەسى بويىنشا ايتىلعان پىكىرلەردى ەسكەرىپ, 2018-2021 جىل­دارعا ارنالعان كەشەندى جوسپاردىڭ جوباسىن ارى قاراي تولىقتىرىپ, بەلگىلەنگەن تارتىپپەن ۇكىمەت وتىرىسىنا شىعارۋدى تاپسىردى.
پەتروپاۆل قالاسىندا ا.مامين وبلىس ورتالىعىنداعى حالىقارالىق اۋەجاي مەن ۇشۋ الاڭىن جاڭعىرتۋ جۇمىستارىمەن, وقۋشىلار سارايى جانە «پەتروپاۆل – چەليابينسكىگە شىعۋ» م – 51 اۆتوكولىك جولىن جاڭ­عىرتۋ جۇمىسى بارىسىمەن تانىستى. سونداي-اق «قازتەحماش» جشس كاسىپورنىندا نەمىس كونتسەر­نى CLAAS نەگىزىندە جاقىندا اشى­لۋى جوسپارلانىپ وتىرعان اۋىل شارۋا­ش­ى­لىعى تەحنيكالارىن قۇراس­تى­رۋ زاۋىتىنا باس سۇقتى.

اقتامبەردى سادىقان

بولىسۋ:

پىكىر جازۋ


*