وقىرماندار ورازالينمەن كەزدەستى

566
0
بولىسۋ:

الماتىداعى س.بەگالين اتىنداعى مەملەكەتتىك بالالار كىتاپحاناسىندا استانانىڭ 20 جىلدىعىنا وراي اقىن, دراماتۋرگ, مەملەكەت جانە قوعام قايراتكەرى نۇرلان ورازالينمەن كەزدەسۋ وتتى. كەزدەسۋدى «ەل-شەجىرە» قوعامدىق قورى ۇيىمداستىردى. 

جيىننىڭ باستى ماقساتى – ەلور­دا­نىڭ ەلىمىزدىڭ دامۋىنا قوسقان ۇلەسى مەن اتقارىلعان ۇلى ىستەرىن جاستارعا جەتكىزۋ. سونداي-اق جاس قالانىڭ ۇلتتىق سيپاتى­مىز­عا اينالىپ, بەرىكتىگىمىزدى ساقتاي العانىن تولىعىراق تۇسىندىرۋ.
الەمدەگى ەڭ جاس استاناعا – 20 جىل. وسى ۋاقىت ارالىعىندا جاڭا قالا جاسام­­­پاز ەلورداعا اينالدى. ارقا توسىن­دە سانى مەن سالتاناتى جاراسىپ, وزىق يدەيا­لاردى, جاڭا عىلىمي شەشىمدەر مەن ساۋلەت ونەرىنىڭ وزىق ۇلگىلەرىن ومىرگە اكەلدى. تولعاقتى تۇيىندەردى تالقىلاي­تىن جاھاندىق ورتالىق بولدى. وسى ورايدا نۇرلان ورازالين اڭگىمەسىن ارى­دان باستاپ, ەلوردانىڭ الاتاۋدان ارقاعا قالاي كوشىرىلگەنى جايىندا باياندادى. بۇعان قوسا, استانانىڭ بۇگىنگە دەيىنگى داڭعىل ارى دارا جولىن تۇشىمدى ويلارى­مەن ورتاعا سالدى.
«استانانى كوشىرۋ ايتار اۋىزعا وڭاي بولعانىمەن, ول زاماندا كوپ قيىندىق تۋدىردى. بىر ۇرەي, بىر قورقىنىشپەن ۇلكەن جاۋاپكەرشىلىكتىڭ جۇگى ارتىلدى. 1993 جىلى «ەگەمەن قازاقستان» گازەتىنە باس رەداكتور قىزمەتىنە ورنالاستىم. ەلباسىمەن بولعان العاشقى سۇحباتىمدا وسى­عان قاتىستى سۇراق قويعانمىن. سوند­ا ول كىسى: «بىز مەملەكەتتىك تۇتاستى­عى­مىزدى ساقتاۋ ۇشىن, الماتى سەكىلدى ارداقتى, اياۋلى قالانىڭ مارتەبەسىن بەكىتە وتىرىپ, استانانى سولتۇستىككە كوشى­ر­ۋگە تيىسپىز. ويتكەنى تاۋەلسىز­دى­گى­مىز­دى العانىمىزبەن, الى تەكتىلىگىمىز بويىمىزعا تولىق سىڭە قويعان جوق, سوندىقتان كوشتى ارقاعا تۇزەۋىمىز كەرەك», – دەپ جاۋاپ بەرگەن بولاتىن.
– دەسە دە, بۇل شەشىمگە قارسىلىق تانىت­­قاندار دا بولدى. بىراق ىشكى ميگ­را­­­تسييانى, ساياسي سيپاتى بار استانا­نى قالىپ­تاستىرۋدى بارلىعى قالادى. ەگە­مەن­دى ەل اتانۋ – قازاقتىڭ ماڭدايىنا بىت­كەن باعى. تۇتاستىعىمىزدى ساقتاپ كەلە جاتقان بىرتۇتاس ۇلتپىز. وسى جىل­دار ىشىندە تاۋەلسىزدىكتىڭ تىزگىنىن ۇستاي الاتىن قابىلەتىمىزدىڭ بار ەكەنىن دالەل­دە­دىك – دەدى ن.ورازالين.
كەزدەسۋگە جينالعان قوناقتار اقىن­عا ارنايى سۇراقتارىن قويىپ, ولەڭ وقىپ بەرۋىن وتىندى. استانانىڭ 20 جىل­دىق تويىنا ارنالعان كەزدەسۋ اقىننىڭ جىر شۋماقتارىمەن قورىتىندىلاندى.

سالتانات شىرىنحان

بولىسۋ:

پىكىر جازۋ


*