ۇندىستان پرەمەر-مينيسترىمەن كەزدەستى

826
0
بولىسۋ:

مەملەكەت باسشىسى نۇرسۇلتان نازارباەۆ ۇندىستان پرەمەر-مينيسترى نارەندرا موديمەن كەزدەستى.

قازاقستان پرەزيدەنتى ەكى ەل اراسىن­داعى قارىم-قاتىناستاردىڭ دايەكتى دامىپ كەلە جاتقانىنا توقتالىپ, ۇندىستان پرەمەر-مينيسترىن ەلدەرىنىڭ شانحاي ىنتىماقتاس­تىق ۇيىمىنا تولىق قۇقىلى مۇشە بولۋىمەن قۇتتىقتادى. نۇرسۇلتان نازارباەۆ وسى ماسە­لەگە بايلانىستى قازاقستاننىڭ ۇندىس­تان­دى اۋەل باستان تولىق قولداعانىن ايتتى.
– بىلتىر بىزگە قولداۋ كورسەتىپ, استا­نا­دا وتكەن حالىقارالىق ەحرو – 2017 مامان­داندىرىلعان كورمەسىنە كەلگەنىڭىز ۇشىن سىزگە ريزاشىلىعىمدى بىلدىرەمىن. سول ارقىلى بۇل شاراعا حالىقارالىق دەڭگەيدە نازار اۋدارىلۋىنا سەپتىگىڭىزدى تيگىزدىڭىز, – دەدى قازاقستان پرەزيدەنتى.
مەملەكەت باسشىسى قول جەتكىزىلگەن ۋاعدالاستىقتاردى جۇزەگە اسىرۋ ناتيجە­سىندە, بىلتىردىڭ وزىندە قازاقستان مەن ۇندىستان اراسىنداعى تاۋاراينالىمى 53 پايىزعا ارتىپ, 1 ميلليارد دوللارعا جەتكەنىن اتاپ وتتى.
– قازىرگى ۋاقىتتا ەلدەرىمىز اراسىندا عارىش, فارماتسەۆتيكا سالاسىنداعى, اسكە­ري-تەحنيكالىق سەكتورداعى جانە باسقا دا سالالارداعى ىنتىماقتاستىق بەلسەندى دامىپ كەلەدى. بىزگە وسى باعىتتاعى جۇمىس­تار­دى جالعاستىرۋ كەرەك, – دەدى قازاقستان پرەزيدەنتى.
ۇندىستان پرەمەر-مينيسترى ۇندىستان وكىلىنىڭ بىرىككەن ۇلتتار ۇيىمى حالىق­ارالىق سوتىنىڭ قۇرامىنا سايلانۋىنا قولداۋ كورسەتكەنى ۇشىن نۇرسۇلتان نازارباەۆ­­قا العىس ايتىپ, ەكى ەل اراسىن­دا­عى كوپجاقتى ىنتىماقتاستىقتىڭ تا­بىس­ت­ى دامىپ, نىعايىپ كەلە جاتقانىنا توقتالدى.
– سىزدى قازاقستاننىڭ ەلورداسى – استانا قالاسىنىڭ 20 جىلدىعىمەن قۇتتىق­تايمىن جانە «استانا» حالىقارالىق قارجى ورتالىعىنىڭ اشىلۋىنا بايلانىس­تى ىزگى نيەتىمدى بىلدىرەمىن, – دەدى ۇندىستان پرەمەر-مينيسترى.
كەزدەسۋ سوڭىندا نارەندرا مودي قازاق­ستاننىڭ ۇندىستان ۇشىن ورتالىق ازييا­داعى ەڭ ىرى ساۋدا سەرىكتەستەرىنىڭ بىرى سانا­لاتىنىنا توقتالىپ, ۇندىستاننىڭ «تسيفرلى قازاقستان» باعدارلاماسى ايا­سىن­داعى جوبالاردى جۇزەگە اسىرۋعا مۇددە­لى­لىك تانىتىپ وتىرعانىن جەتكىزدى. سونى­مەن قاتار ۇندىستان پرەمەر-مينيسترى قازاق­ستاننىڭ حالىقارالىق كۇن اليانسىنا قوسىلۋىنا وتىنىش بىلدىردى.

بولىسۋ:

پىكىر جازۋ


*