ماڭعىستاۋداعى كۇن ەلەكتر ستانساسىنىڭ قۋاتى قانداي?

1143
0
بولىسۋ:

قازىرگى تاڭدا قازاقستاننىڭ جاپپاي بالاما ەنەرگييا كوزدەرىن تۇتىنۋعا بەلسەنە كىرىسكەنى بەلگىلى. وسىنداي قادامعا بارۋ ارقىلى ەلىمىز وركەنيەت كوشىنە ىلەسىپ, وزىنىڭ تابيعي رەسۋرستارىن ۇنەمدەي الماق. وسىنداي بەرەكەلى باستامانى بىر اي بۇرىن ماڭعىستاۋ وبلىسى دا قولعا العان بولاتىن. وبلىس اكىمدىگى باسپاسوز قىزمەتىنىڭ حابارلاۋىنشا, ايماق تاريحىندا تۇڭعىش رەت اشىلعان كۇن ساۋلەسىنەن ەلەكتر قۋاتىن الاتىن ستانسا قازىر تولىققاندى جۇمىس ىستەپ تۇر.

36,05 گا اۋماقتعى, جالپى كۇشى 2 مۆت بولاتىن كۇن ساۋلەسىنەن ەلەكتر قۋاتىن الاتىن ستانسا مۇنايلى اۋدانىنىڭ باتىر اۋىلىندا ورنالاسقان. جوبا قۇنى – 1,2 ملرد تەڭگە ەكەن. نىسان «بيزنەستىڭجول كارتاسى-2020» بيزنەستى قولداۋ جانە دامىتۋ باعدارلاماسى ارقىلى قارجىلاندىرىلدى. ەلەكتر ستانساسىن پايدالانۋ ۇشىن 8580 كۇن پانەلى ورناتىلعان. پانەلدەر قازاقستاندا وتاندىق كرەمنييدەن وندىرىلەدى.

بۇل – وتاندىق وندىرىستەگى كۇن باتارەيالارىندا جۇمىس ىستەيتىن تۇڭعىش ەلەكتر ستانساسى. جاڭا قوندىرعى 300-گە جۋىق ۇيدى تازا ەلەكترمەن قامتاماسىز ەتەدى. وبلىستاعى تاعى بىر جاعىمدى جاڭالىق – قۇرىق اۋىلىنداعى تەڭىز سۋىن تۇششىتاتىن قۇرىلىس نىسانى ىرگەتاسىنىڭ قالانۋى. 39 ملرد دوللارعا جوبالانعان نىسان تاۋلىگىنە 50 000 تەكشە مەتر قۋاتتىلىقپەن جۇمىس ىستەمەك.

جوبانىڭ جۇزەگە اسۋىن جەكە ينۆەستورلار قامتاماسىز ەتەدى. ناتيجەسىندە قازىرگى تاڭدا 300 ادام, ال نىسان پايدالانۋعا بەرىلگەن سوڭ 150 ادام جۇمىسپەن قامتىلادى دەپ كۇتىلۋدە. جوبانىڭ اياقتالۋ مەرزىمى رەتىندە 2020 جىل كورسەتىلىپ وتىر.

اباي ايماعامبەت

بولىسۋ:

پىكىر جازۋ


*