سامميتكە دايىندىق بارىسى باياندالدى

710
0
بولىسۋ:

مەملەكەت باسشىسى نۇرسۇلتان نازارباەۆ ماڭعىستاۋ وبلىسىنىڭ اكىمى ەرالى توعجانوۆتى قابىلدادى.

كەزدەسۋدە نۇرسۇلتان نازارباەۆقا وڭىردىڭ الەۋمەتتىك-ەكونوميكالىق دامۋى جانە كاسپيي ماڭى مەملەكەتتەرى باسشىلارىنىڭ سامميتىنە دايىندىق بارىسى جونىندە ەسەپ بەرىلدى.
قازاقستان پرەزيدەنتى سامميتتى وتكىزۋگە تىڭعىلىقتى دايىندالۋ قا­جەتتىگىن ايتتى.
– اقتاۋدا بەس ەلدىڭ دەلەگاتسيياسى قاتىساتىن كاسپيي ماڭى مەملەكەت­تەرى باسشىلارىنىڭ سامميتىن وتكىزۋ جوسپارلانۋدا. وسى كەزدەسۋگە قاتىستى بارلىق ۇيىمداستىرۋ ماسەلەلەرىن پىسىقتاۋ كەرەك, – دەدى نۇرسۇلتان نازارباەۆ.
سونىمەن قاتار ەرالى توعجانوۆ وندىرىس, قۇرىلىس, اۋىل شارۋاشىلىعى جانە ينۆەستيتسييا تارتۋ سالالارىنداعى مەملەكەتتىك جانە سالالىق باعدارلامالاردىڭ جۇزەگە اسىرىلۋ بارىسىن باياندادى.
– نەگىزگى ەكونوميكالىق كورسەتكىشتەردىڭ وسىمى بايقالىپ وتىر. سىزدىڭ قويعان مىن­دەتتە­رىڭىزدىڭ بارى ىسكە اسىرىلۋدا. 2017 جىلدىڭ قورىتىندىسى بويىنشا وڭىردەگى وندىرىستىڭ كولەمى 100,1 پايىزعا جەتتى, – دەدى ماڭعىستاۋ وبلىسىنىڭ اكىمى.
كەزدەسۋ سوڭىندا مەملەكەت باسشىسى بىر­قاتار ناقتى تاپسىرما بەردى.

بولىسۋ:

پىكىر جازۋ


*