استانادا جاستار كونفەرەنتسيياسى وتپەك

655
0
بولىسۋ:

ماجىلىس توراعاسىنىڭ ورىنباسارى, «نۇر وتان» فراكتسيياسىنىڭ جەتەكشىسى گ.يسيمباەۆا بۇۇ حالىقتىڭ قونىستانۋى قورىنىڭ (UNFPA) قازاقستانداعى وكىلى, قىرعىزستان جانە تۇركىمەنستان بويىنشا ەلدىك باسشىسى دجۋلييا ۆالەزەمەن كەزدەستى. 

مارتەبەلى مەيمانعا قايىرىلعان ۆيتسە-سپيكەر UNFPA ۇيىمىنا قازاق­ستان­نىڭ الەۋمەتتىك دامۋىنا, سونىڭ ىشىندە حالىقتىڭ رەپرودۋكتيۆتى دەنساۋلى­عىن جاقسارتۋعا قولداۋ كورسەتكەنى ۇشىن ريزا­شىلىعىن بىلدىردى. ويتكەنى سونىڭ ناتيجەسىندە, انا ولىم-جىتىمىنىڭ ۇش ەسە ازايۋىنا قول جەتكىزىلگەن.
اڭگىمەلەسۋ بارىسىندا تاراپتار قازاقستاننىڭ بۇۇ ورنىقتى دامۋ ماقسات­تا­رىنا قول جەتكىزۋى, مەملەكەت باسشىسى ن.نازارباەۆتىڭ بەس الەۋمەتتىك باستاما­سىن جۇزەگە اسىرۋ بويىنشا جۇمىستار ماسە­­لەلەرىن تىلگە تيەك ەتتى. سونداي-اق قا­زاق­ستان مەن UNFPA اراسىن­داعى جانە باسقا دا حالىقارالىق ۇيىمدارمەن ىنتى­ماق­­تاستىق ماسەلەلەرىنە دە ۇلكەن كوڭىل بولىندى.
وسىعان وراي كەزدەسۋدە الدا استانادا وتەتىن ازييالىق حالىقتىڭ قونىستانۋى جانە دامۋ قورىنىڭ اياسىنداعى جاستار ماسە­لەلەرى جونىندەگى كونفەرەنتسيياعا دايىن­­دىق بارىسى تالقىلاندى. حالىق­ارا­لىق جيىنعا ماجىلىس دەپۋتاتتارى سىرتىندا, تمد-نىڭ جاستار پارلامەن­تارا­لىق اسسامبلەياسى دا قاتىسۋعا نيەت بىلدىرىپ وتىرعانى مالىم بولدى.
قازاقستانمەن وزارا ىنتىماقتاستىق تۋرالى سوز قوزعاعان ديپلومات دجۋلييا ۆالەزە UNFPA-نىڭ اتالعان كونفەرە­ن­تسييا­نى بيىلعى كۇزدە استانادا وتكىزۋگە كومەكتەسۋگە دايىندىعىن راستادى.

 

ەرىك ەردەنوۆ

بولىسۋ:

پىكىر جازۋ


*