8 ملن ادامنىڭ تسيفرلى ساۋاتتىلىعىن ارتتىرۋ جوسپارلانىپ وتىر

1276
0
بولىسۋ:

   1 ماۋسىمنان  باستاپ قازاقستاننىڭ بارلىق وڭىرىندە حالىقتىڭ تسيفرلى ساۋاتتىلىعىن ارتتىرۋ ۇشىن وقىتۋ كۋرستارى باستالدى.

«تسيفرلى قازاقستان» مەملەكەتتىك باعدارلاماسىنىڭ بىر  باعىتى – ادام كاپيتالىن دامىتۋ ماقساتىندا قازاقستان رەسپۋبليكاسىنىڭ اقپارات جانە بايلانىس مينيسترلىگى «زەردە حولدينگى» اق-مەن بىرلەسىپ, حالىقتىڭ تسيفرلى ساۋاتتىلىعىن ارتتىرۋعا باعىتتالعان وقۋ-ادىستەمەلىك باعدارلامالارىن ازىرلەدى. ىس-شارا بارىسىندا ەلىمىزدىڭ اربىر وڭىرىندە حالىققا تسيفرلى ساۋاتتىلىقتىڭ نەگىزگى قاعيدالارىن ۇيرەتۋ بويىنشا ىس-شارالار وتكىزۋ جوسپارلانىپ وتىر.
«تسيفرلى قازاقستان» مەملەكەتتىك باعدارلاماسىن ىسكە اسىرۋ اياسىندا «ەلەكتروندىق ۇكىمەت جانە ەلەكتروندىق مەملەكەتتىك قىزمەتتەر» كۋرسى بويىنشا وقىتۋ ادىستەمەسى مەن  جوسپارى جاسالدى, ونىڭ كومەگىمەن حالىقتىڭ تسيفرلى ساۋاتتىلىعىن ارتتىرۋ جوسپارلانۋدا. 2018 جىلدىڭ ماۋسىمىنان تامىز ايىنا دەيىن «ۇات» اق, «قازپوشتا» اق, «زەردە» اق جانە جەرگىلىكتى اتقارۋشى ورگاندارمەن بىرلەسە وتىرىپ, شامامەن جارتى ميلليون ادامدى تسيفرلى ساۋاتتىلىققا ۇيرەتۋ كوزدەلۋدە.

سونداي-اق ەلىمىزدىڭ بارلىق وبلىس ورتالىعىندا ساندىق قىزمەت كورسەتۋ ورتالىقتارىن ىسكە قوسۋ جوسپارلانىپ وتىر. بۇگىنگى كۇنى استانا, الماتى جانە شىمكەنت قالالارىندا تسيفرلى حالىققا قىزمەت كورسەتۋ ورتالىقتارى جۇمىس جاساۋدا. مۇنداي ورتالىقتاردىڭ ەرەكشەلىگى ساعاتتىق كەستەگە سايكەس وتكىزىلەتىن تاقىرىپتىق ساباقتارمەن تسيفرلى ساۋاتتىلىق ساباقتارىنىڭ بولۋى. 2018 جىلدىڭ 4 ايىندا وسى سىنىپتاردا 3,6 مىڭنان استام ادام وقىتىلدى. 2018 جىلدىڭ باسىنان باستاپ شامامەن 10 مىڭ ادام مەملەكەتتىك جانە جەكە مەنشىك وقۋ ورىندارىندا (ۋنيۆەرسيتەتتەر, كوللەدجدەر جانە ت.ب.) بىلىم الدى.    مۇددەلى مەملەكەتتىك ورگاندارمەن بىرگە قوعامدىق ورىنداردا (ساۋدا ورتالىقتارىندا, تەمىرجول ۆوكزالدارىندا, اۋەجايلاردا, سوتتاردا جانە ت.ب.)  «تسيفرلى قازاقستان» مەملەكەتتىك باعدارلاماسىنىڭ اقپاراتتىق-تۇسىندىرۋ جانە ەلەكتروندىق ۇكىمەت پورتالىنىڭ قىزمەتتەرىن پايدالانۋدى ۇيرەتۋ جۇمىستارى اۋقىمدى تۇردە جۇرگىزىلۋدە.

اتاپ ايتار بولساق, وقىتۋ كەلەسى باعىتتار بويىنشا جۇرگىزىلۋدە.       1. «نەگىزگى ساندىق داعدىلار» بويىنشا. دەربەس كومپيۋتەر مەن نوۋتبۋكتى, موبيلدى قۇرىلعىلاردى, ينتەرنەتتى, قاۋىپسىزدىكتى جانە دەرەكتەردى قورعاۋدى سەنىمدى قوسا العاندا, نەگىزگى ساندىق يكەمدىلىك       2. «ەلەكتروندىق ۇكىمەت جانە ەلەكتروندىق مەملەكەتتىك قىزمەتتەر» بويىنشا. ەلەكتروندىق ۇكىمەتتى پايدالانۋدىڭ داعدىلارى, سونىڭ ىشىندە ۇيدەن شىقپاي-اق «ونلاين» تۇردە قاجەتتى ەلەكتروندىق مەملەكەتتىك قىزمەتتەردى الۋ.        3.  «اشىق ۇكىمەت» بويىنشا. «اشىق ۇكىمەت» (اشىق دەرەكتەر, اشىق نورماتيۆتىك قۇقىقتىق اكتىلەر, اشىق ديالوگ جانە بيۋدجەت) تورت كومپونەنتىن پايدالانۋدى قامتيتىن «اشىق ۇكىمەت» قولدانۋ كۋرستارى.         4. «ەلەكتروندىق كوممەرتسييا» بويىنشا. ينتەرنەتتە ونىمدەر مەن قىزمەتتەردى ساتىپ الۋ, ساتۋ جانە تاراتۋ داعدىلارىن قامتيتىن ەلەكتروندىق كوممەرتسييا كۋرستارى.         ەسكە سالا كەتسەك, 2018 جىلدىڭ ساۋىر-مامىر ايلارىندا «زەردە حولدينگى» اق, «قازپوشتا» اق, «ازاماتتارعا ارنالعان ۇكىمەت» جانە «ۇات» اق ماماندارى قازاقستاننىڭ بارلىق وڭىرىندە ترەنەرلەرمەن ترەنينگ وتكىزدى, ولار وز كەزەگىندە حالىقتى تسيفرلى داعدىلارعا ۇيرەتەدى. وقىتۋ كۋرستارى 1 نەمەسە 4 باعىت بويىنشا وز بىلىكتىلىگىن جەتىلدىرگىسى كەلەتىندەرگە تەگىن بەرىلەدى. بۇگىنگى كۇنى ەلىمىز بويىنشا 880 سەرتيفيكاتتالعان جاتتىقتىرۋشى دايىندىقتان وتتى.         كۋرستار 2018 جىلدىڭ 1 ماۋسىمىندا باستالادى جانە قازاقستاننىڭ بارلىق اۋدانىندا (اۋدان ورتالىقتارىندا, اۋىلداردا جانە ەلدىمەكەندەردە) مەكتەپتەر مەن كىتاپحانالار بازاسىندا وتەدى. ايماقتاعى وتەتىن كۋرستاردىڭ ۋاقىتى پەن مەكەنجايىن ناقتىلاۋ ۇشىن 1414 نومىرىنە حابارلاسۋ كەرەك. جالپى ايتقاندا, تاياۋ ۋاقىتتا 8 ميلليون ادامنىڭ تسيفرلىق ساۋاتتىلىعىن ارتتىرۋ جوسپارلانىپ وتىر.

ەركىن قالدان

بولىسۋ:

پىكىر جازۋ


*