«نۇر وتان» – ناقتى ىستەردىڭ پارتيياسى

2969
0
بولىسۋ:

ەلباسى, «نۇر وتان» پارتيياسىنىڭ توراعاسى نۇرسۇلتان نازارباەۆتىڭ توراعالىق ەتۋىمەن پارتييا ساياسي كەڭەسىنىڭ كەڭەيتىلگەن وتىرىسى وتتى. وتىرىستا «نۇر وتان» پارتيياسىن جۇيەلى جاڭعىرتۋ جانە قازاقستان رەسپۋبليكاسى پرەزيدەنتىنىڭ بەس الەۋمەتتىك باستاماسىنىڭ جۇزەگە اسى­رىلۋىن قوعامدىق باقىلاۋدى ۇيىمداستىرۋ ماسەلەلەرى قارالدى.


جيىنعا ساياسي كەڭەستىڭ مۇشەلەرى – ۇكىمەت, پارلامەنت جانە پرەزيدەنت اكىم­شىلىگى باسشىلارى, مەملەكەتتىك حاتشى, «نۇر وتان» پارتيياسىنىڭ ماجى­لىستەگى فراكتسيياسىنىڭ دەپۋتاتتارى, ورتالىق جانە جەرگىلىكتى اتقارۋشى ورگان­داردىڭ باسشىلارى جانە بەينەكون­فەرەنتسييا بايلانىسى رەجيمىندە ەلىمىز­دىڭ بارلىق وڭىرىنىڭ وكىلدەرى – وبلىس اكىمدەرى, وبلىستىق ماسليحاتتار­دىڭ حاتشىلارى, پارتييانىڭ وبلىستىق فيليالدارى توراعالارىنىڭ بىرىنشى ورىنباسارلارى قاتىستى.

جۇكتەلگەن مىندەتتىڭ جۇگى اۋىر
وتىرىستى اشقان مەملەكەت باسشىسى بىلتىر قاراشا ايىندا وتكەن ساياسي كەڭەس وتىرىسىندا پارتييا قىزمەتىن جاڭعىرتۋ جونىندە بىرقاتار ناقتى تاپسىرما بەر­گەنىنە نازار اۋداردى.
– بىز پارتييانىڭ جالپىۇلتتىق كۇن تارتىبىن قالىپتاستىرۋعا بەلسەندى قاتى­سۋى كەرەكتىگىن ايتتىق. ول جاڭعىرتۋدىڭ باستى قوزعاۋشى كۇشىنىڭ بىرىنە اينالۋى تيىس. سونىمەن قاتار پارتييانىڭ وزىندە عانا ەمەس, ەلدە دە كادرلىق رەزەرۆپەن ماق­ساتتى جۇمىستاردى جۇيەلەۋ تاپسى­رىلدى. بىزدىڭ جۇمىسىمىزدا جاڭا ساياسي تەحنولوگييا­لاردى بەلسەندى پايدالانۋ مىندەتى قويىل­دى, – دەگەن نۇرسۇلتان نازارباەۆ «جاس وتان» جاستار قاناتىنىڭ جۇمىسىن جانداندىرىپ, پارتييالىق بىلىم بەرۋ ىسىن جەتىلدىرۋ بويىنشا دا بىرقاتار مىندەتتەر جۇكتەلگەنىن جەتكىزدى.
قازاقستان پرەزيدەنتى بۇل تاپسىر­مالاردىڭ تۇپكى مانى «نۇر وتاننىڭ» ەلدەگى جەتەكشى ساياسي كۇش رەتىندە پوزي­تسيياسىن ودان ارى نىعايتۋ ەكەندىگىن باسا ايتتى. ودان بولەك, پىكىر الماسۋ كەزىندە نۇرسۇلتان نازارباەۆ جاستاردى كاسىبي دايىنداۋ جانە بەيىمدەۋ, سونداي-اق «بەس الەۋمەتتىك باستامانى» ورىنداۋدىڭ دەتالدارى مەن مەحانيزمدەرىنە جانە ونىڭ ىسكە اسىرىلۋىنا قوعامدىق باقىلاۋ جاساۋدى قامتاماسىز ەتۋ ماسەلەلەرىنە توقتالدى.
اتالعان تاپسىرمالار مەن پارتييا قىزمەتىن جاڭعىرتۋ اياسىندا اتقارىلعان جۇمىستاردىڭ ەسەبى جونىندە «نۇر وتان» پارتيياسى توراعاسىنىڭ بىرىنشى ورىنبا­سارى بايانداپ بەردى.
– ەلباسى, پارتييا توراعاسىنىڭ «نۇر وتان» پارتيياسىن جۇيەلى جاڭعىرتۋ جونىن­دەگى تاپسىرمالارىن ورىنداۋ ۇشىن سوڭعى ايلاردا ناقتى شارالار اتقارىلۋدا. ولار­دىڭ باستى ماقساتى – مەملەكەت باس­شىسىنىڭ سەنىمدى تىرەگى جانە ەكونومي­كالىق, الەۋمەتتىك, ساياسي, رۋحاني سا­لاداعى پرەزيدەنت ساياساتىنىڭ بەلسەندى ارى نەگىزگى ورىنداۋشىسى جانە دا­رىپتەۋشىسى رەتىندە پارتييانىڭ الەۋەتىن ودان ارى ارتتىرۋ, – دەدى ماۋلەن اشىمباەۆ.
ەلباسىنىڭ كورەگەندىگى مەن كەمەل سايا­ساتىنىڭ ارقاسىندا قازاقستان تاۋەل­سىزدىك جىلدارىندا بارلىق سالادا تولاعاي تابىس­قا قول جەتكىزگەنىن ايتقان پارتييا توراعاسىنىڭ بىرىنشى ورىنباسارى مەم­لەكەت باسشىسىنىڭ ەل الدىنا ۇشىنشى جاڭعىرۋدى جۇزەگە اسىرۋ ماقساتىن قويىپ وتىرعانىنا نازار اۋداردى. بۇل جونىندە ول: «وسىعان بايلانىستى پارتييامىزدىڭ الدىندا قازاقستاننىڭ جاڭعىرۋىنا جۇيەلى تۇردە قاتىساتىن ستراتەگييالىق كۇش بولىپ قالىپتاسۋ مىندەتى تۇر. ەلىمىزدەگى وزگەرىستەردىڭ نەگىزگى قوزعاۋشى كۇشى رەتىن­دە تىڭ يدەيالار مەن ۇسىنىستاردىڭ وزەگىنە اينالۋ دا – باسىمدىقتا­رىمىزدىڭ بىرى. حالىقتىڭ ومىر ساپاسىن جاقسارتىپ, ال-اۋقاتىن ارتتىرۋعا باعىتتالعان «پرە­زيدەنتتىڭ بەس الەۋمەتتىك باستاماسى» دا الدىمىزداعى جاڭا مەجەلەردى انىقتاپ بەردى, – دەدى.

اتقارىلعانجۇمىس اۋقىمدى
ماۋلەن اشىمباەۆتىڭ ايتۋىنشا, بۇگىندە پارتييا تاراپىنان ەلباسى تاپسىر­مالارىن ىسكە اسىرۋ ماقساتىندا اۋقىمدى جۇمىستار اتقارىلۋدا. اتاپ ايتقاندا, پارتييانىڭ يدەولوگييالىق كۇن تارتىبىنىڭ بەلسەندىلىگى نىعايۋدا. ەكىنشىدەن, جۇمىس تاسىلى مەن فورماتى جاڭعىرتىلۋدا. بۇل باعىتتا زاماناۋي ساياسي تەحنولوگييالاردى ەنگىزۋ ارقىلى پارتييا جۇمىسىنىڭ تيىمدى­لىگى مەن ناتيجەلىلىگىن ارتتىرۋ ۇشىن شارا­لار قولدانىلدى. ياعني, پارتييا قىزمەتى الەمدە كەڭىنەن قولدانىلاتىن جوبالىق باسقارۋ جۇيەسىنە كوشۋدە. وسىعان وراي پارتييا جۇمىسىنا PRINCE 2 جوبالىق باسقارۋدىڭ بريتاندىق ۇلگىسى ەنگىزىلىپ, نۇروتاندىقتارعا جاڭاشا جۇمىس ىستەۋ تاسىلى ۇيرەتىلۋدە.
وز سوزىندە پارتييا توراعاسىنىڭ بىرىنشى ورىنباسارى الداعى ۋاقىتتا پارتييا جالپى جۇمىستىڭ ورنىنا حالىق­تىڭ يگىلىگىنە ارنالعان پارتييالىق جوبا­لارعا باسىمدىق بەرەتىنىن ايتىپ: «بۇدان بىلاي جۇمى­سىمىزدىڭ ناتيجەسى وتكى­زىلگەن ىس-شارالار مەن وعان قاتىسۋشى­لاردىڭ سانىمەن ەمەس, حالىققا ناقتى پايداسىن تيگىزگەن, ەلىمىزدىڭ دامۋىنا جانە ەلباسى ايقىنداپ بەرگەن ماقساتتارعا قول جەتكىزۋگە ۇلەس قوسقان جۇمىستارمەن ەكشەلەدى», – دەدى.
سونىمەن قاتار پارتييانىڭ ۇيىمداس­تىرۋشىلىق قۇرىلىمى جەتىلدىرىلۋدە. قۇرىلىمدىق بولىمدەردىڭ مىندەتتەرى مەن قىزمەتتەرى ايقىندالىپ, بارلىق جوبا­لىق جۇمىستى ۇيلەستىرەتىن پورتفوليو-كەڭسە وز جۇمىسىن باستاعان. قازىرگى زا­مانعى ادىس-تاسىلدەردىڭ نەگىزىندە پارتييا­نىڭ كادرلىق جۇمىستارىمەن اينا­لىساتىن HR-قىزمەت تە قۇرىلعان.
سونداي-اق «نۇر وتان» پارتيياسى ەلباسى تاپسىرمالارىن ورىنداۋ بارى­سىندا بىرنەشە ستراتەگييالىق جوبالاردى قولعا الىپ وتىر. ولاردىڭ قاتارىندا تسيفرلاندىرۋدى جۇزەگە اسىرۋ, شاعىن جانە ورتا بيزنەستى قولداۋ جانە «رۋحاني جاڭعىرۋ» باعدارلاماسىنا ۇلەس قوسۋعا باعىتتالعان پارتييالىق جوبالار بار. بۇدان باسقا جالپىۇلتتىق كۇن تارتىبىنە جانە ستراتەگييالىق باعدارلامالىق قۇجاتتاردى دايىنداۋعا بەلسەنە قاتىسۋ, پارتييانىڭ كادرلىق رەزەرۆىن جانداندى­رۋ, ەلىمىزدەگى جاستار ساياساتىن ودان ارى جەتىلدىرۋ, پارتييانىڭ تالداۋ جانە سا­راپتاۋ الەۋەتىن ارتتىرۋ سيياقتى بىرقاتار ناقتى باعىتتار بويىنشا دا ارنايى جوبالار جۇزەگە اسىرىلاتىن بولادى.
ماڭىزدى باستامالاردى جان-جاقتى تالقىلاۋ ۇشىن NurOtanTrends جانە Nur­OtanTalks اتتى جاڭا فورماتتاعى پىكىرتا­لاس الاڭدارى قۇرىلدى. الداعى ۋاقىتتا بۇل جەرلەردە مەملەكەتتىك باعدارلامالار جوباسى, زاڭ جوبالارى جانە قوعامداعى وزەكتى ماسەلەلەر تالقىلاناتىن بولادى.

جاڭعىرۋدىڭ ناقتى ناتيجەسى
وسى رەتتە پارتييالىق جوبالارعا كەڭى­­­نەن توقتالا كەتكەن جون. «نۇر وتان» پار­تيياسى جاڭعىرۋ اياسىندا 22 جو­بانى جۇ­زەگە اسىرۋدى كوزدەپ وتىر. ونىڭ ىشىن­دە تسيفرلاندىرۋ ۇدەرىسىنە ۇلەس قوسۋعا با­عىتتالعان ىت سىنىپتار مەن ورتالىقتار اشۋ ىسى بار. پارتييا تو­راعاسى بىرىنشى ورىن­باسارىنىڭ سو­زىنە قاراعاندا, IT سى­نىپتاردىڭ كو­تە­رەر جۇگى سالماقتى بول­ماق. جوبا ايا­سىن­دا ەلىمىز بويىنشا تەگىن 1000 ىت سى­نىپ اشىلىپ, وندا جىلىنا 8-16 جاس ار­ا­لىعىنداعى 150 مىڭ بالا باع­دار­­لا­مالاۋ جانە روبوت تەحنيكاسىنىڭ نە­­گىزدەرى جايىندا تەرەڭدەتىلگەن بىلىم الا­­دى. بۇل باستاما مەكتەپتەرگە فا­كۋل­تاتيۆتى پان رەتىندە ەنگىزىلىپ, ۇش اي­لىق جا­نە التى ايلىق كۋرس رەتىندە جۇر­گىزىلەدى. بيىل ەلىمىز بويىنشا 280 سى­نىپ اشۋ جوسپارلانىپ وتىر. قا­زىر­دىڭ وزىندە 56 ىت سى­نىپ اشىلىپ, جاس با­­لالارعا ين­نو­ۆاتسييالىق بىلىم بەرۋدى باس­تاپ كەتكەن. ولار اقتوبە, قاراعاندى, پاۆ­لودار, ماڭ­عىستاۋ, قوستاناي وب­لىستارى مەن اس­تانا جانە الماتى قا­لالارىندا اشىل­عان. مۇنداي سى­نىپ­تاردا بالالاردى ىت ما­ماندار ەۋرو­پا­لىق ستاندارتتارعا ساي ار­نايى باع­دار­لاما نەگىزىندە وقىتادى. پارتييانىڭ بۇل باستاماسى «تۋعان جەر» باع­دار­لا­ما­سى اياسىندا دەمەۋشىلەردىڭ قول­داۋىمەن جۇزەگە اسىرىلۋدا.
حالىقتىڭ تسيفرلى ساۋاتتىلىعىن ارت­­تىرۋعا باعىتتالعان كەلەسى پار­تييا­لىق جوبا – ىت ماماندار دايارلاۋ باستا­ما­سى. بۇل جوبا بويىنشا ەلىمىزدە جۇ­مىس بەرۋ­شى ىت كومپانييالار مەن ىرى جو­عارى وقۋ ورىندارىنىڭ بازاسىندا 20 ىت ورتالىق اشى­لىپ, جىلىنا 35 مىڭ ادام بىلىم الا­دى. ولاردىڭ قاتارىنا جۇ­مىسسىز جانە وزىن-وزى جۇمىسپەن قام­تىعان جاستار دا جۇمىلدىرىلادى. ورتالىق تۇلەكتەرىنىڭ جۇ­مىسقا ور­نا­لاسۋىنا «اتامەكەن» ۇلت­تىق كاسىپ­كەر­لەر پالاتاسى قولداۋ كور­سەتپەك. ال ولار­دىڭ ىشىندەگى ەڭ بىلىكتىلەرى وزدە­رى­نىڭ ستارتاپتارى بويىنشا جۇمىس ىس­­تەۋگە مۇمكىندىك الادى. بارلىق ىت سى­نىپ­تار مەن ىت ورتالىقتار – Astana Hub ەلور­دامىزدىڭ جاڭا تەحنولوگييالىق الاڭىن­دا بىرىكتىرىلەدى.
بۇدان باسقا, پارتييانىڭ بارلىق قىز­مە­تىن تسيفرلاندىرۋعا باعىتتالعان «تسيفرلى پارتييا» جوباسى قولعا الىن­عا­نىن اتاپ وتكەن جون.
ەلىمىزدەگى جەتەكشى ساياسي كۇش بولىپ سا­­نالاتىن «نۇر وتان» پارتيياسى شا­عىن جا­نە ورتا بيزنەستى قولداۋعا ارنال­عان جو­بالاردى دا جۇزەگە اسىرماق. سو­نىڭ ىشىن­دەگى كاسىپكەرلەرگە ارنالعان بىرىڭعاي گەواقپاراتتىق ونلاين قىزمەت ۇسىناتىن پور­تال جوباسىنىڭ باستى ماقساتى – كا­سىپكەرلىك سالاداعى مەملەكەتتىك قىز­مەتتەردى ەلەكتروندى فورماتقا كوشىرۋ, دامىعان ەلدەردىڭ ەڭ وزىق ۇلگىلەرىن ەنگىزۋ جانە بيزنەستەگى شىعىنداردى ازايتۋ. ناتيجەسىندە, كاسىپكەرلەردىڭ ەلىمىز بويىن­شا كوممەرتسييالىق ماقساتتاعى جەر تە­لىمدەرى مەن اۋكتسيوندار تۋرالى تولىق ما­لىمەت الۋىنا, بيزنەس جۇرگىزۋدىڭ بى­رىڭ­عاي ستاندارتىن ەنگىزۋگە جانە ەلەكتروندى ۇكىمەت جۇمىسىن جاندان­دىرۋ­عا مۇمكىندىك تۋادى. سول ارقىلى پار­تييا وسى سالاداعى كولەڭكەلى تۇستاردىڭ ال­دىن الۋدى كوزدەپ وتىر.
مەملەكەت پەن بيزنەستىڭ الەۋمەتتىك سا­لا­داعى ىنتىماقتاستىعىن ودان ارى نى­عايتۋ ۇشىن دە پارتييا: مەكتەپ اسحانا­لا­رىنىڭ جۇمىسىن جاڭعىرتىپ, سپورت الاڭ­دارىن قايتا قالپىنا كەلتىرۋدى قولعا الدى. بۇل جۇمىستار جەرگىلىكتى اكىم­دىك­تەرمەن بىرلەسىپ جۇرگىزىلمەك.
«رۋحاني جاڭعىرۋ» باعدارلاماسى بويىن­شا پارتييا تاراپىنان اۋىلدىق جەر­لەردە اعىلشىن تىلىن ۇيرەنۋگە قولاي­لى ورتا قالىپتاستىرۋعا جانە ەلىمىزدە ەرىك­تىلەر قوزعالىسىن دامىتۋعا باسىمدىق بە­رىلىپ وتىر. سوعان بايلانىستى اعىلشىن تى­لىن ەركىن مەڭگەرگەن 500 قازاقستاندىق جا­نە شەتەلدىك جاس ەرىكتى Teach For All جاھاندىق جەلىسى ارقىلى اۋىلدىق مەك­تەپتەرگە جىبەرىلمەك.
سونداي-اق پارتييا توراعاسىنىڭ بى­رىن­شى ورىنباسارى ەسەبىندە «نۇر وتان­نىڭ» باستاماسىمەن وتاندىق كىتاپ­حا­نا­لاردى زاماناۋي بىلىم ورتالىقتارى رە­تىندە قايتا قۇرىپ, ولاردىڭ جۇمىسىن جان­داندىرۋ ىسى دە قولعا الىناتىنىن جەت­كىزدى. سونىڭ ناتيجەسىندە, بىرىڭعاي ون­لاين كىتاپحانا جۇيەسى قالىپتاسىپ, ەلى­مىزدەگى بارلىق كىتاپ قورى ەلەكتروندى فور­ماتقا كوشىرىلەدى. كىتاپحانالاردا جاس­تارعا ارنالعان قىزىقتى لەكتسييالار ۇيىم­داستىرىلىپ, پىكىرتالاس الاڭدارى جۇ­مىس ىستەيدى.

جۇيەلى جوسپار – جەتىستىك كەپىلى
جالپى, «نۇر وتان» پارتيياسىن ترانس­فور­ماتسييالاۋدىڭ جەتى باعىتىن قاراس­تىرعان پارتييالىق جاڭعىرۋدىڭ ناقتى جوسپارى دايىندالعانىن ايتا كەتەيىك. بى­رىنشىدەن, پارتييالىق كادرلارمەن جۇ­مىس­تى كۇشەيتۋ باعىتى بويىنشا «2018-2020 جىلدارعا ارنالعان «پارتييالىق كادرلار» باعدارلاماسى بەكىتىلدى. سول ار­قىلى مانساپتىق ىنتالاندىرۋ, كاسىبي قۇ­زىرەتتىلىكتى ارتتىرۋ, كادرلاردى روتا­تسييا­لاۋ جانە تالىمگەرلىك ينستيتۋت تاجى­ري­بەسىن ەنگىزۋ تاسىلدەرى تۇبەگەيلى قايتا قا­رالدى. جەرگىلىكتى وكىلدىك ەتۋشى ورگان­داردى قالىپتاستىرۋداعى پارتييانىڭ رو­لىن ارتتىرۋ باعىتى بويىنشا پار­تييا­نىڭ باستاماسىمەن ماسليحات دەپۋ­تات­تا­رىن سايلاۋدىڭ پروپورتسيونالدى جۇيە­سىنە وتۋدى كوزدەيتىن زاڭ جوباسى ازىرلەندى. جوعارىدا ايتىلعان جالپىۇلتتىق كۇن تارتىبىن قالىپتاستىرۋعا بەلسەنە قاتىسۋ ماق­ساتىندا, پارتييا نەگىزگى مەملەكەتتىك جا­نە ۇكىمەتتىك باعدارلامالاردىڭ ىسكە اسى­رىلۋىنا جۇيەلى باقىلاۋدى جۇزەگە اسى­رۋعا جانە دەموكراتييالىق كۇشتەردىڭ جال­پىۇلتتىق كواليتسيياسى شەڭبەرىندە سايا­سي پارتييالارمەن جانە ازاماتتىق قو­عام ينستيتۋتتارىمەن وزارا ىس-قيمىلدى كەڭەيتۋگە كىرىسىپ كەتتى. پارتييالىق تەح­نو­لوگييالاردى جەتىلدىرۋ باعىتى بويىنشا مە­ديالىق رەسۋرستاردى جاڭعىرتۋ جانە پار­تييانىڭ ينتەرنەت پەن الەۋمەتتىك جە­لىلەردەگى اقپاراتتىق جۇمىسىنىڭ جاڭا فور­ماتىن ەنگىزۋ باستامالارى قولعا الىن­دى. بۇگىندە جىل باسىنان بەرى پار­تييا­نىڭ رەسمي پاراقشالارىنا جازىلۋ­شى­لار سانى 163 مىڭ ادامعا ارتتى.
جاستارمەن بەلسەندى جۇمىس – با­سىم باعىتتاردىڭ بىرى. بيىلعى ناۋرىز ايى­نىڭ سوڭىندا «جاس وتان» جاستار قا­ناتىنىڭ IV سەزى وتىپ, وعان 1,5 مىڭ ادام قاتىستى. العاش رەت قازاقستاندا وسىن­داي اۋقىمداعى ىس-شارا VR (ۆير­تۋالدى شىنايىلىق) فورماتىندا تىكەلەي ەفيردە كورسەتىلگەنىن ەرەكشە اتاپ وتكەن جون.
پارتييانىڭ اناليتيكالىق الەۋەتىن نى­عايتۋ ۇشىن ساياسي تالداۋ جانە ست­را­تەگييالىق زەرتتەۋلەر ورتالىعى – تالداۋ جا­نە بولجاۋ ورتالىعى مەن ستراتەگييالىق باس­تامالار ورتالىعىن قامتيتىن, «تالداۋ, بول­جاۋ جانە ستراتەگييالىق باستامالار ينس­تيتۋتى» بولىپ قايتا قۇرىلدى. تسيفرلى پارتييا شەڭبەرىندە پارتييانىڭ دەر­بەس Big Datا-سىنا اينالاتىن, بارلىق اقپارات جيناق­تالاتىن ە-اناليتيكا رە­سۋرسى قۇرىلۋدا. بۇل جاعدايدى انىقتاپ قا­نا قويماي, ەل دامۋىنىڭ تۇرلى ما­سە­لە­لەرى بويىنشا بولجامدى باعالارىن جا­ساۋعا مۇمكىندىك بەرەدى. ينستيتۋتتىڭ تال­داۋ جۇمىسى ۇشىنشى جاڭعىرۋدى ىسكە اسى­رۋدىڭ وزەكتى ماسەلەلەرىن: شاعىن جا­نە ورتا بيزنەستى دامىتۋ, حالىقتىڭ ىس جۇ­زىندەگى تابىسىنىڭ وسۋى, تسيفرلى تەح­نو­لوگييالاردىڭ ازا­ماتتاردىڭ ومىر ساپا­سىنا اسەر ەتۋى, اقپاراتتىق قوعام جاع­دايىند­ا قوعامدىق ساناداعى وزگەرىستەردى زەر­دەلەۋگە باعىتتالادى. جۇمىس ساراپ­شى­لاردى كەڭىنەن تارتۋ, اتالعان ماسە­لەلەردى تالقىلاۋ مەن جان-جاقتى پىسىق­تاۋ ارقىلى جۇرگىزىلەدى.
پارتييالىق بىلىم بەرۋدىڭ ساپاسىن ارت­تىرۋعا دا ايرىقشا كوڭىل بولىنىپ وتىر. بۇل باعىت بويىنشا ساياسي مەنەدج­مەنت اكادەميياسى قۇرىلدى. وسى جىلدىڭ ناۋرىز ايىندا پارتييالىق بىلىم بەرۋدىڭ جاڭا باعدارلاماسى بەكىتىلىپ, سول بويىن­شا تىڭداۋشىلاردىڭ اكادەمييادا, نازارباەۆ ۋنيۆەرسيتەتىنىڭ بازاسىندا جانە قا­زاق­ستان رەسپۋبليكاسىنىڭ پرەزيدەنتى جا­نىن­داعى مەملەكەتتىك باسقارۋ اكادە­مييا­سىندا وقۋىنا مۇمكىندىك تۋدى. وقىتۋعا ورتالىق مەملەكەتتىك ورگانداردىڭ باس­شى­لارى, تانىمال قازاقستاندىق ساياسات­كەر­لەر, وتاندىق جانە شەتەلدىك ساراپشى­لار جۇمىلدىرىلادى. اكادەمييا تىڭداۋ­شى­لارى كەيىن پارتييالىق كادرلىق رە­زەرۆكە ۇسىنىلادى.

باس قالاداعى باسىم باعىتتار
بۇدان باسقا وتىرىستا استانا قالا­سى­نىڭ اكىمى, پارتييا قالالىق فيليالىنىڭ تو­را­عاسى اسەت يسەكەشەۆ سوز الىپ, ەلور­دا­مىزدا اتقارىلعان جۇمىستارعا توقتال­دى.
– بۇگىندە استانادا 230 مىڭعا جۋىق جاس ازامات بار. سوندىقتان «جاستار ماس­لي­حاتى» اتتى جوبانى قولعا الدىق. ناتي­جە­سىندە, 45 وكرۋگ بويىنشا 45 جاس دەپۋتات ساي­لاندى. ولار جاستار ماسەلەسى بويىنشا قا­لالىق ماسليحاتپەن بىرگە جۇمىس ىستەي­دى. استانا حالقىن جۇمىسپەن قامتۋ ىسى دە ۇدايى باستى نازارىمىزدا. قازىرگى تاڭدا قالامىزدا 500 مىڭ تۇراقتى جۇمىسى بار تۇر­عىن بولسا, ونىڭ 300 مىڭى شاعىن جا­نە ورتا بيزنەس سالاسىندا ىستەيدى. بىز­دىڭ ەسەبىمىز بويىنشا شامامەن 2023 جى­لى ەڭبەكپەن قامتىلعان استانالىقتار سا­نى 650 مىڭعا جەتەدى. بۇل – تاعى 150 مىڭ جۇمىس ورنى قۇرىلادى دەگەن سوز. وسى­نىڭ بارىن ەسكەرىپ سۇرانىسقا يە ما­مان­دىقتارعا وقىتاتىن ارنايى كۋرستار اشتىق. سول ارقىلى جىل سوڭىنا دەيىن 30 مىڭ ادام وقىتىلادى, – دەدى ا.يسەكەشەۆ.
وز سوزىندە قالا باسشىسى استاناداعى تسيفرلاندىرۋ جۇمىستارىنا دا توقتالىپ, باسىم باعىتتاردى تىلگە تيەك ەتتى.
كەلەلى كەڭەستە نۇروتاندىقتار مەم­لە­كەت باسشىسىنا «بەس الەۋمەتتىك باستا­ما­نىڭ» جۇزەگە اسىرىلۋىنا قوعامدىق با­قىلاۋ مەن مونيتورينگ جۇرگىزۋ بارىسى تۋ­رالى ەسەپ بەردى. بۇل جونىندە پرە­زي­دەنتتىڭ بەس الەۋمەتتىك باستاماسىنىڭ جۇ­­زەگە اسىرىلۋىن باقىلاۋ جونىندەگى قو­­عامدىق كەڭەستىڭ جەتەكشىسى, سەنات دە­پۋ­تاتى باقىتجان جۇماعۇلوۆ بايانداما جاسادى. ونىڭ ايتۋىنشا, پارتييا تارا­پى­نان وسى ماقساتتا «جەدەل جەلى» ىسكە قو­سىلعان. سول ارقىلى حالىق الەۋمەتتىك باستامالارعا قاتىستى تۇسىندىرۋ جۇمىس­تارى بويىنشا بايلانىسقا شىعا الادى. ەلباسى باستامالارىن تالقىلاۋ بويىنشا الەۋمەتتىك جەلىلەردە ونلاين-ترانسلياتسييا جۇيەسىندە جالپىۇلتتىق اشىق دارىستەر ۇيىم­داستىرىلىپ, پارتييانىڭ رەسمي ساي­تىندا 5bastama اتتى ارنايى ايدار اشىل­عان.

جاڭا مىندەت جاڭا بيىكتەرگە جەتەلەيدى
باسقوسۋدىڭ كۇن تارتىبىندەگى ماسەلە­لەر­گە بايلانىستى باياندامالاردى تىڭ­دا­عان ەلباسى مەملەكەتتىك باعدارلا­ما­لار­دى جۇزەگە اسىرۋ جانە ولاردىڭ ورىن­دالۋىنا باقىلاۋ جاساۋ ىسىندەگى «نۇر وتان» پارتيياسىنىڭ ماڭىزدى رولىن اتاپ وتتى.
قازاقستان پرەزيدەنتى الەمدىك دامۋ­دىڭ جانە ەكونوميكالىق ۇدەرىستەردىڭ جوعارى قارقىنىنا توقتالىپ, جاڭا سىن-قاتەرلەرگە بەيىمدەلۋ قاجەتتىگىن ايتتى.
– بىز جۇزەگە اسىرۋدى جوسپارلاپ وتىر­­­­عان جۇمىستاردىڭ بارى باسەكەگە قا­بى­لەتتى بولۋىمىز ۇشىن قاجەت. ەكو­نو­مي­كانىڭ ۇشىنشى جاڭعىرۋى, «100 ناقتى قا­دام» ۇلت جوسپارى بىزدىڭ تاراپىمىزدان ات­­قارىلۋعا تيىس نارسەنىڭ بارىن تولىق اي­قىنداپ بەردى, – دەدى نۇرسۇلتان نازارباەۆ.
مەملەكەت باسشىسى «تسيفرلى قازاق­ستان» باعدارلاماسىن جانە پارتييانىڭ تسيفرلاندىرۋ سالاسىنداعى جوبالارىن ورىنداۋدىڭ ماڭىزدىلىعىنا نازار اۋ­داردى.
قازاقستان پرەزيدەنتى استانا ەكو­نو­مي­كالىق فورۋمىنىڭ قورىتىندىسى بويىن­شا شىعارىلعان شەشىمدەر جونىندە كەڭىنەن اڭگىمەلەدى.
– جاھاندىق دامۋدان قالىپ قويماۋ ۇشىن باسقارۋدىڭ ساپالى بولۋى تالاپ ەتى­لەدى. بۇل – مەملەكەتتىك قىزمەتتى جە­تىل­دىرۋ دەگەن سوز. مەملەكەتتىك قىز­مەت­كە قابىلداۋ ۇدەرىسىنىڭ اشىقتىعىن قام­تا­ماسىز ەتۋ جانە مەريتوكراتييا قاعيدا­تىن ىلگەرىلەتۋ ماسەلەلەرىن شەشتىك. بۇل قا­دامنىڭ ورىندالۋىن پارتييا قاداعالاۋى كە­رەك, – دەدى نۇرسۇلتان نازارباەۆ.
سونىمەن قاتار مەملەكەت باسشىسى ين­ۆەستيتسييا تارتۋ جانە باسەكەگە قابىلەتتى ەل­دى قالىپتاستىرۋ قاجەتتىگىن اتاپ وتتى.
– ينۆەستيتسييالار زاڭ ۇستەمدىگى قام­تا­ماسىز ەتىلگەن, كەلىسىمشارتتارى ساق­تالا­تىن, بىلىمدى مەملەكەتتىك قىزمەتشىلەر جۇ­­­مىس ىستەيتىن ەلگە عانا كەلەدى. ال قازىرگى جاع­­­دايداعى باسەكەگە قابىلەتتىلىك – تسيفر­لان­­­دىرۋدى دامىتۋ, – دەدى قازاقستان پرەزيدەنتى.
سونىمەن قاتار نۇرسۇلتان نازارباەۆ سى­بايلاس جەمقورلىقتىڭ الدىن الۋ جانە وعان قارسى كۇرەس جۇرگىزۋ ىسىندە تسيفرلان­دىرۋ­دىڭ تيىمدى ەكەنىن ايتتى. مەملەكەت باس­شىسى اگروونەركاسىپ كەشەنىن دامىتۋ, ونىم­دىلىكتىڭ وسىمىن قامتاماسىز ەتۋ جانە اۋىل شارۋاشىلىعى ەكسپورتىن ارتتىرۋ ما­سەلەلەرىنە توقتالدى.
قازاقستان پرەزيدەنتى جاڭا جوبالار­دى تيىمدى جۇزەگە اسىرۋدىڭ جانە ۇكىمەت پەن «نۇر وتان» پارتيياسىنىڭ الدىنا قويىل­عان مىندەتتەردىڭ ماڭىزدىلىعى جو­نىندە دە ايتتى.
– ەل ىشىندە قولايلى الەۋمەتتىك جاع­داي بولعاندا عانا مەملەكەت تابىستى جۇ­مىس ىستەيدى. بۇل – ۇكىمەتتىڭ باستى مىن­دەتى. مەم­لەكەت تاراپىنان اتقارىلىپ جات­قان جۇ­مىستىڭ بارى حالىققا ارنالعان, – دەدى نۇرسۇلتان نازارباەۆ.
سوزىنىڭ سوڭىندا ەلباسى پارتييانىڭ تىڭ باستامالارىنىڭ وزەكتىلىگىنە نازار اۋدارىپ, بيزنەستى دامىتۋعا قاتىستى جو­­بالاردىڭ ماڭىزىنا توقتالدى.
– بىزدەر بيزنەستىڭ قىر-سىرىن ەركىن مەڭ­گ­ەرۋىمىز كەرەك. ويتكەنى مەملەكەتتىڭ تۇراق­تى بولۋىنىڭ بىر جاعى بيزنەسكە باي­لانىستى. كەز كەلگەن ادامنىڭ وز ىسى, ۇي-جايى, جاعدايى بولاتىن بولسا, وندا ول وسى مەملەكەتتىڭ, زاڭىنىڭ تۇراق­تى­لى­عىن قالايدى. وتانسۇيگىشتىك سودان باس­تالادى, – دەدى مەملەكەت باسشىسى.
پارتييانىڭ زامان تالاپتارىنا ساي ما­ماندىقتار بويىنشا وقىتۋ باستا­ماسى دا يگى ىستەردىڭ بىرى ەكەنىن ايتقان ەلباسى, ەلى­مىزدە بىلىكتى مامانداردىڭ جەتىس­پەي­تىنىن باسا ايتتى. مەملەكەت باسشىسى بۇ­گىنگى ماسەلە جۇمىسسىزدىقتا ەمەس, ما­مان­دىقتىڭ جوقتىعىندا ەكەنىن نازارعا الىپ, وسى ماسەلەنى تىڭعىلىقتى قاراس­تىرۋ كەرەكتىگىن جەتكىزدى.
سونداي-اق ەلباسى قازىرگى تاڭدا «نۇر وتان» تەك ساياسي عانا ەمەس, سونىمەن قاتار ناق­تى ىستەردىڭ پارتيياسىنا اينالعانىن دا ايرىقشا اتاپ وتتى.
ىس-شارا سوڭىندا قازاقستان پرە­زي­دەنتى پارتييانىڭ بارلىق تىڭ باس­تا­ما­لارىنا قولداۋ بىلدىرىپ, ۇكىمەت پەن اكىم­دىك­تەرگە ولاردى تيىمدى جۇزەگە اسىرۋ­عا بەل­سەنە قاتىسۋدى تاپسىردى. سونداي-اق مەم­لەكەت باسشىسى پارتييا قىزمەتىن ودان ارى جانداندىرۋ جونىندە بىرقاتار ناق­تى تاپسىرمالار بەردى.
ايتا كەتەيىك, پارتييا ساياسي كەڭەسىنىڭ كەڭەيتىلگەن وتىرىسىندا پرەمەر-مي­نيستردىڭ ورىنباسارى ەربولات دوساەۆ, قارا­عاندى وبلىستىق كاسىپكەرلەر پالا­تا­سىنىڭ ديرەكتورى عالىمبەك جاق­سى­لىقوۆ, «YBYRAى جاس پروگرامميستەر لي­گا­سى» قوعامدىق قورىنىڭ جەتەكشىسى ازي­زا شوجەەۆا, پارتييانىڭ پاۆلودار وب­لىستىق فيليالى توراعاسىنىڭ بىرىنشى ورىن­باسارى يليا تەرەنچەنكو, ال-فارا­بي اتىنداعى قازاق ۇلتتىق ۋنيۆەر­سي­تە­تىنىڭ الەۋمەتتىك دامۋ جونىندەگى پرورەك­تورى شولپان جامانبالاەۆا, «جاس وتان» جاستار قاناتى جامبىل وبلىستىق فيليالىنىڭ توراعاسى ۋاليحان بولاتبەك جانە «وگني الاتاۋ» الماتى وبلىستىق گازەتىنىڭ باس رەداكتورى اتساليم يديگوۆ سوز سويلەدى.


پىكىر

ەربولات دوساەۆ,
پرەمەر-مينيستردىڭ ورىنباسارى:
– ەلباسىنىڭ بەس الەۋمەتتىك باستاماسى ادامي كاپيتالدى دامىتۋدىڭ جاڭا دەڭگەيىنە كوتەرىلۋگە, تابىستى ارتتىرۋعا جانە ومىر ساپاسىن جاقسارتۋعا مول مۇمكىندىك بەرەدى. وسى باستامالاردى جۇزەگە اسىرۋ ۇشىن ۇكىمەت جول كارتاسىن بەكىتتى. بۇگىندە سول بويىنشا ناقتى جۇمىستار جۇزەگە اسىرىلۋدا. جالپى, اتالعان جول كارتاسى اياسىندا 35 ىس-شارا قاراس­تىرىلعان. وتكەن ناۋرىز-مامىر ايلارىندا سونىڭ 20-سى ىسكە اسىرىلدى. سونىڭ ىشىندە باستامالاردى جۇزەگە اسىرۋدىڭ زاڭنامالىق نەگىزى قالىپتاستى.
ۇكىمەت باستامالاردىڭ جۇزەگە اسىرىلۋىن باقىلاۋ جونىندەگى قوعامدىق كەڭەسپەن تىعىز جۇمىس ىستەيدى. سوعان سايكەس 4 مامىردا جول كارتاسى بويىنشا العاشقى ەسەپ بەرىلدى. مۇنداي وزارا ىس-قيمىل, «نۇر وتان» پارتيياسىنىڭ جۇيەلى باقىلاۋى ار باستامانىڭ تيىمدىلىگىن ارتتىرا تۇسەدى. الداعى ۋاقىتتا بۇل باعىتتاعى جۇمىس ودان ارى كۇشەيتىلىپ, ەلباسى تاپسىرماسىنىڭ ساپالى ورىندالۋىنا بارلىق كۇش-جىگەرىمىزدى جۇمسايتىن بولامىز.
باقىتجان جۇماعۇلوۆ,
پرەزيدەنتتىڭ بەس الەۋمەتتىك باستاماسىنىڭ جۇزەگە اسىرىلۋىن باقىلاۋ جونىندەگى قوعامدىق كەڭەستىڭ توراعاسى, سەنات دەپۋتاتى:
– پرەزيدەنتتىڭ بەس الەۋمەتتىك باستاماسىنىڭ جۇزەگە اسىرىلۋىن باقىلاۋ جونىندەگى قوعامدىق كەڭەس قۇرىلىپ, وز جۇمىسىن باستادى. بىزدىڭ ەڭ باستى مىندەتىمىز – باستامالاردى تيىمدى جۇزەگە اسىرۋ ۇشىن پارتييانىڭ جانە قوعامنىڭ بەلسەندى كۇشتەرىن جۇمىلدىرىپ, مەملەكەتتىك ورگاندارعا جان-جاقتى كومەك كورسەتۋ. سوندىقتان قوعامدىق كەڭەسكە اۋقىمدى مىندەتتەر جۇكتەلىپ وتىر. بىرىنشىدەن, بەس الەۋمەتتىك باستامانىڭ جۇزەگە اسىرىلۋىنا قوعامدىق مونيتورينگ جانە باقىلاۋ جۇرگىزۋدى ۇيلەستىرۋ. ەكىنشىدەن, الەۋمەتتىك باستامالاردىڭ جۇزەگە اسىرىلۋى تۋرالى اقپاراتتى حالىققا دەر كەزىندە جەتكىزىپ, تۇسىندىرۋ جۇمىستارىن ۇيىمداستىرۋ. ۇشىنشىدەن, باستامالاردى جۇزەگە اسىرۋ كەزىندەگى ماسەلەلەردى انىقتاۋ, ولاردى شەشۋ جونىندە ۇسىنىستار دايارلاپ, مەملەكەتتىك ورگاندارعا جولداۋ جانە ونىڭ ساپالى ورىندا­لۋىنا اتسالىسۋ. ۇكىمەت بەكىتكەن جول كارتاسى – بىزدىڭ وسى باعىتتاعى جۇمىستارىمىز­دىڭ نەگىزى.
وسى جۇمىستاردىڭ اياسىندا بەس باعىت بويىنشا كەڭەستىڭ جۇمىس توپتارى جانە وڭىرلىك كەڭەستەر قۇرىلدى. مەملەكەتتىك ورگاندارمەن, جەتەكشى ساياسي پارتييالارمەن, قازاقستان حالقى اسسامبلەياسىمەن, ۇلتتىق كاسىپكەرلەر پالاتاسىمەن, كاسىپوداقتار فەدەراتسيياسىمەن جانە ۇكىمەتتىك ەمەس ۇيىمدارمەن بىرلەسە جۇمىس ىستەۋدىڭ تۇراقتى مەحانيزمى قاراستىرىلدى. بىزگە سەنات پەن ماجىلىستەگى دەپۋتاتتىق كورپۋس – باستامالاردى تيىمدى جۇزەگە اسىرۋدى قامتاماسىز ەتەتىن زاڭنامالاردىڭ دايىندالۋىنا جانە قابىلدانۋىنا اتسالىسىپ, جۇيەلى قولداۋ كورسەتىپ كەلەدى. كەڭەستىڭ 4 مامىر كۇنى وتكەن العاشقى وتىرىسىندا جانە ودان كەيىنگى جۇمىس توپتارىندا باستامالاردىڭ جۇزەگە اسىرىلۋى كەڭىنەن تالقىلاندى. وعان بارلىق جاۋاپتى مينيسترلىكتەر مەن ۇلتتىق بانك وكىلدەرى بەلسەنە قاتىستى.
مەملەكەتىمىزدىڭ بۇگىنگى جەتكەن بيىگى مەن ەرتەڭگى جارقىن بولاشاعى ەلباسىمىزدىڭ ەسىمىمەن تىكەلەي بايلانىستى. بەس الەۋمەتتىك باستاما دا ەلىمىزدىڭ قارقىندى دامۋى مەن حالىقتىڭ تۇرمىسىن جاقسارتۋ ۇشىن اسا ماڭىزدى باعدارلامالاردىڭ جالعاسى ەكەنىن تاعى بىر اتاپ وتكىم كەلەدى. سوندىقتان ەلباسىنىڭ بۇل باستامالاردىڭ جۇزەگە اسىرىلۋىنا قوعامدىق مونيتورينگ جانە باقىلاۋ جۇرگىزۋ جونىندەگى تاپسىرماسى بىزگە زور جاۋاپكەرشىلىك جۇكتەيدى. ەندەشە, بار كۇش-جىگەرىمىزدى جۇمساپ, جۇكتەلگەن مىندەتتەردى ابىرويمەن ورىنداۋ ۇشىن ەڭبەك ەتەمىز.
عالىمبەك جاقسىلىقوۆ,
قاراعاندى وبلىستىق كاسىپكەرلەر پالاتاسىنىڭ ديرەكتورى:
– «نۇر وتان» پارتيياسىنىڭ جاڭا جوبالارىمەن تانىستىق. ولاردىڭ ىشىندە كاسىپكەرلىكتى دامىتۋعا كوپ كوڭىل بولىنگەن. كاسىپكەر رەتىندە دە, قاراپايىم ازامات رەتىندە دە اتالعان جوبالاردى تولىق قولدايمىن. ەڭ باستىسى, پارتييا بۇل جوبالاردى «اتامەكەن» ۇلتتىق كاسىپكەرلەر پالاتاسىمەن بىرلەسىپ ىسكە اسىرعالى وتىر. سونىڭ ىشىندەگى مەكتەپ اسحانالارىن جاڭعىرتۋ جانە ونداعى تاعامدانۋ ساپاسىن ارتتىرۋ باستاماسى قولداۋعا لايىق. ويتكەنى بارلىعىمىز بالالارىمىزدىڭ دەنى ساۋ جانە تابىستى بولىپ وسىپ-جەتىلۋىن قالايمىز. سوندىقتان بيزنەس-قاۋىمداستىق بۇل جوباعا بەلسەنە كىرىسۋگە دايىن. بۇگىندە بۇل سالاداعى كەمشىن تۇسىمىز ينۆەستيتسييا سالۋدىڭ تيىمسىزدىگىندە بولىپ تۇر. قولدانىستاعى زاڭنامالارعا سايكەس مەكتەپ باسشىلارى اسحانالاردا قىزمەت كورسەتۋ قىزمەتىنە تەندەردى جىل سايىن جارييالايدى. جىلدىڭ 3 ايعا جۋىعى تەندەرگە قاتىسۋعا كەتەدى, ال قالعان 6 ايدا عانا قىزمەت كورسەتىلەدى. سوندىقتان بيزنەستىڭ ينۆەستيتسييا سالۋىنا نەمەسە ۇزاقمەرزىمدى شارتتار جاساۋىنا مۇمكىندىك بەرەتىن تيىمدى مەحانيزمدەر قاراستىرىلۋى قاجەت دەپ ويلايمىن. مەكتەپتەردە سپورت الاڭدارىن سالۋ نەمەسە قايتا سالۋ جوباسى دا وزەكتى ماسەلە. بۇل ينفراقۇرىلىمدى بالالار عانا ەمەس, ەرەسەكتەر دە پايدالاناتىنى وتە ماڭىزدى. بۇل جوبانى مەملەكەتتىك-جەكەمەنشىك ارىپتەستىك مەحانيزمىنىڭ اياسىندا جۇزەگە اسىرۋعا دايار ەكەنىمىزدى جەتكىزگىم كەلەدى. تسيفرلى ەكونوميكا ۇشىن كادرلاردى دايارلاۋعا ارنالعان IT ورتالىقتار مەن IT سىنىپتار اشۋ – ەڭ ماڭىزدى بيزنەس جوبا. سەبەبى, قازىر بىزگە ماماندار دا, بىز جاساعان سەرۆيستەردى قولدانا الاتىن ورتا دا وتە قاجەت.
ازيزا شوجەەۆا,
«YBYRAى جاس پروگرامميستەر ليگاسى» قوعامدىق قورىنىڭ جەتەكشىسى:
– «نۇر وتان» پارتيياسىنىڭ جاڭا باستامالارى قازىرگى تاڭدا وتە وزەكتى. سونىڭ ىشىندە باعدارلامالاۋدى مەكتەپ جاسىنان باستاپ ۇيرەتۋدىڭ بەرەرى مول. بۇل بۇگىندە الەمدىك ترەندكە دە اينالىپ ۇلگەردى. ماسەلەن, قىتايدا باعدارلامالاۋ «جاڭا اعىلشىن تىلى» رەتىندە تانىلىپ, ول بارلىق مەكتەپتە جاپپاي ۇيرەتىلۋدە. ال الەم بويىنشا ەڭ اقىلدى قالا سانالاتىن سينگاپۋردا بۇل باستاما بالاباقشادان باستاپ وقىتىلادى. سونداي-اق فرانتسييادا 2013 جىلى تسيفرلى يندۋسترييا مامان تاپشىلىعىنا ۇشىراپ, سونىڭ ناتيجەسىندە بالالار مەن ەرەسەكتەرگە ارنالعان باعدارلامالاۋدى تەگىن وقىتاتىن كۋرستار اشىلدى. وسىنداي تاجىريبەلەردى ەسكەرسەك, «نۇر وتان» پارتيياسىنىڭ بۇل باستاماسى وتە ماڭىزدى ارى قولداۋعا لايىق ەكەنىن اڭعارامىز. پارتييانىڭ ىت ورتالىقتار اشۋ باستاماسى دا كوڭىلگە قۋانىش ۇيالاتادى. سەبەبى, بۇل جوبا ارقىلى كوپتەگەن جۇمىسسىز قازاقستاندىقتار كاسىپتىڭ جاڭا تۇرىن مەڭگەرۋگە مۇمكىندىك الىپ وتىر. ياعني, اتالعان ورتالىقتا باعدارلامالاۋ نەگىزدەرىن ۇيرەنىپ, بىلىكتى مامان بولىپ شىقساڭ, وسى سالاداعى الەمدىك نارىققا جول اشىلادى. مامانداردىڭ ەسەپتەۋىنشە, بۇگىندە مۇنداي فريلانس-نارىقتاعى تاپسىرىس كولەمى 3,5 ترلن اقش دوللارىن قۇرايدى. سوندىقتان ىت ورتالىقتا بىلىم العان جاندار الدىنا ناقتى ماقساتتار قويىپ, وسىنداي كەڭىستىكتە وز ورنىن ايقىنداۋى تيىس. وعان مەملەكەت تاراپىنان دا, پارتييا تاراپىنان دا بارلىق جاعداي جاسالىپ وتىر.
يليا تەرەنچەنكو,
«نۇر وتان» پارتيياسى پاۆلودار وبلىستىق فيليالى توراعاسىنىڭ بىرىنشى ورىنباسارى:
– 415 باستاۋىش پارتييا ۇيىمىنىڭ باسىن بىرىكتىرەتىن, 67 مىڭنان استام پارتييا مۇشەسى بار پاۆلودار وڭىرلىك فيليالىنىڭ وكىلىمىن. بىلتىرعى قاراشادا وتكەن ساياسي كەڭەس وتىرىسىندا ەلباسى: «ساياسي جۇمىس پەن ەكونوميكا قاتار جۇرەدى. ەكونوميكالىق تابىس بولماسا, پارتييا جۇمىسىنىڭ جەتىستىگى دە كورىنبەيدى», – دەگەن بولاتىن. سوندىقتان دا بارلىق پارتييالىق جاڭا جوبالاردى ولاردىڭ كەلەشەكتەگى ەكونوميكالىق تيىمدىلىگى ارقىلى ەسەپتەدىك. سونىڭ ارقاسىندا ەلدەگى پارتييالىق جوبالاردى جاپپاي جۇزەگە اسىرۋدى العاشقىلاردىڭ بىرى بولىپ باستادىق. وسى رەتتە «Iت مامانداردى دايارلاۋ» جانە «بالالار ۇشىن تەگىن IT سىنىپتارى» جوبالارىنا توقتالا كەتسەم. بۇگىندە پاۆلودارداعى بىرىنشى IT ورتالىعىمىزدا 20 ادام وقۋعا كىرىستى. العاشقى تۇلەكتەر «پاۆلودار» اەا كاسىپورىندارىندا, اتاپ ايتقاندا, «ۋپنك-پۆ» مۇناي كوكسىن وندىرۋ مەن «كاۋستيك» اق-تىڭ حلور وندىرىسىندە جۇمىس ىستەيدى دەپ جوسپارلانۋدا. بىزدىڭ باستامامىزبەن قالالار مەن وبلىستاعى اۋىلداردا بالالارعا ارنالعان 20 IT سىنىبى اشىلدى. ماسەلەن, جەزقازعان اۋىلىنىڭ بالالارى قازىرگى زامانعى امەريكالىق تاسىل بويىنشا باعدارلامالاۋدىڭ قىر-سىرىن ۇيرەنۋدە. بۇل اۋىل پاۆلوداردان 180 شاقىرىم الىس قاشىقتىقتا ورنالاسقان. تاپ وسىنداي ورتالىقتار شالعايداعى ەرتىس پەن باياناۋىل اۋداندارىندا دا اشىلدى. IT سىنىپتاردىڭ ارقايسىسىنا كاسىپكەر, وسى اۋداننىڭ جانە اۋىلدىڭ تۋماسى قولداۋ كورسەتۋدە. بۇل تاجىريبەدەن باسقالار دا ۇلگى الۋى تيىس دەپ ەسەپتەيمىن.
شولپان جامانبالاەۆا,
ال-فارابي اتىنداعى قازاق ۇلتتىق ۋنيۆەرسيتەتىنىڭ الەۋمەتتىك دامۋ جونىندەگى پرورەكتورى:
– «نۇر وتان» پارتيياسىنىڭ مۇشەسى رەتىندە جاڭا پارتييالىق جوبالاردىڭ ۋاقىت رۋحىنا جاۋاپ بەرىپ, جاستاردىڭ تانىمى مەن مۇددەسىنە ساي كەلىپ جاتقانىنا شىن جۇرەكتەن قۋانامىن. مىسالى, ەلدەگى كىتاپحانالاردى وزگەرتۋ ماسەلەسىن الايىق. بۇل قادام جۇمىستى جوعارى تەحنولوگييالىق جانە زيياتكەرلىك-دەمالىس فورماتىنا كوشىرۋ مۇمكىندىگىن قاراستىرادى. سوندىقتان ۋنيۆەرسيتەتىمىزدەگى عىلىمي كىتاپحانانى وسى باعىتتا جاڭعىرتتىق. سونىمەن بىرگە, بۇگىندە جامبىل اتىنداعى قالالىق كىتاپحانا دا وزگەرتىلىپ, مۇلدە باسقا يننوۆاتسييالىق ۇلگىدە قىزمەت كورسەتۋدە. مۇنداي تاجىريبەنىڭ پايداسى زور بولادى دەپ ويلايمىن. الماتىنىڭ جوعارى وقۋ ورىندارى اعىلشىن تىلىن دامىتۋ جونىندەگى پارتييانىڭ بارلىق بىلىم بەرۋ جوبالارىنا بەلسەندى اتسالىسۋعا دايىن. بىز اعىلشىن تىلىن بىلەتىن وز ستۋدەنتتەرىمىزدى تاجىريبەدەن وتىپ, ۆولونتەرلىك قىزمەتپەن اينالاسۋ ۇشىن اۋىل مەكتەپتەرىنە جىبەرەتىن بولامىز. ەلىمىزدى تسيفرلاندىرۋعا باعىتتالعان جوبالاردىڭ دا ماڭىزى وتە زور. بۇل – وتە ۇلكەن جانە ماڭىزدى ىس. بىز تسيفرلى ۋنيۆەرسيتەت قۇردىق. قازىر عىلىمي زەرتحانالاردى, ديزاين ستۋدييالار مەن 3D پرينتەرلەردى, يننوۆاتسييالىق شەبەرحانالاردى, كوۆوركينگ-ورتالىقتار مەن Igeneration بيزنەس-ينكۋباتورىن بىرىكتىرەتىن IT تەحنوپاركىن قۇرۋ جۇمىسىمەن شۇعىلدانىپ جاتىرمىز. بۇل الاڭدى IT ماماندار دايارلاۋ بويىنشا پارتييالىق جوبالاردى ىسكە اسىرۋ ۇشىن بەرۋگە ازىرمىز.
ۋاليحان بولاتبەك,
«جاس وتان» جاستار قاناتى جامبىل وبلىستىق فيليالىنىڭ توراعاسى:
– پارتييا توراعاسىنىڭ تاپسىرماسى بويىنشا بەلسەندى جاستار ساياساتى «نۇر وتاننىڭ» نەگىزگى باعىتتارىنىڭ بىرىنە اينالدى. بۇگىندە پارتييامىز اينالىساتىن بۇكىل يگى ىستەرگە جاسوتاندىقتار دا وز ۇلەسىن قوسۋدا. سونىڭ اياسىندا ناۋرىز ايىندا «جاڭا الەمگە جول سالامىز!» دەگەن اتاۋمەن جاڭا فورماتتا IV سەزىمىزدى وتكىزدىك. ونىڭ الدىندا ۇيىمىمىزدىڭ ورتالىق كەڭەسى مۇشەلەرىنىڭ تەڭ جارتىسى تۇڭعىش رەت ينتەرنەت ارقىلى اشىق تۇردە سايلانعان بولاتىن. سەزگە ەلىمىزدىڭ بارلىق وڭىرىنەن مىڭ جارىمنان اسا جاستار قاتىستى. بىز ەكى كۇن بويى «رۋحاني جاڭعىرۋ», «تسيفرلى قازاقستان», كاسىپكەرلىك, بىلىم, عىلىم, يننوۆاتسييالار, باسقا دا ەل دامۋىنا قاتىستى وزەكتى تاقىرىپتاردى جان-جاقتى تالقىلاپ, وز يدەيالارىمىزبەن بولىستىك. ولار بويىنشا 100-دەن استام ناقتى جوبا ۇسىنىپ, «جاڭا الەمگە جول سالامىز!» اتتى قورىتىندى قۇجات قابىلدادىق. ودان بولەك اۋقىمدى جوبانى قولعا الدىق. ول – «تسيفرلى قازاقستان» باعدارلاماسىنا قاتىستى Digital Nation جوباسى. ياعني, ورال, قاراعاندى, شىمكەنت, سەمەي قالالارىندا 4 بيزنەس-ينكۋباتور اشىپ, 3D پرينتەرلەر ورناتامىز. بۇل جەردە جاستار وزدەرىنىڭ ستارتاپ جوبالارىن ازىرلەپ, جۇزەگە اسىراتىن بولادى. اۋىلدىق جەرلەردەگى زامانداستارىمىزدىڭ اعىلشىن تىلىن ۇيرەنۋىنە دە جاسوتاندىقتار وز ۇلەستەرىن قوسادى. «جاس وتان كىتاپحانا» جوبامىز بويىنشا 10 مىڭ ەلەكتروندى كىتاپ, قازاق تىلىنە اۋدارىلدى. كەلەشەكتە وسى باعىتتاعى جۇمىستارىمىزدى ودان ارى جالعاستىراتىن بولامىز.
اتساليم يديگوۆ,
«وگني الاتاۋ» الماتى وبلىستىق گازەتىنىڭ باس رەداكتورى:
– پرەزيدەنتتىڭ بەس باستاماسىن حالىق شىن قۋانىپ, زور ۇمىتپەن قابىلدادى. مىسال ۇشىن «7 – 20 – 25» باعدارلاماسىن الايىق. ىس جۇزىندە بۇل – تۇرعىن ۇي سالاسىنداعى زور جەتىستىك. ۇش جىل ىشىندە بىزدىڭ وبلىسىمىزدا 3 ميلليون شارشى مەتردەن استام تۇرعىن ۇي سالىندى. سونىڭ وزىندە پاتەر الۋ كەزەگىندە 40 مىڭنان استام وتباسى تۇر. ەلباسىنىڭ باستاماسى ولارعا تاياۋ بولاشاقتا باسپانا ماسەلەسىن شەشۋگە ناقتى مۇمكىندىك بەرىپ وتىر. «نۇر وتان» پارتيياسى قازاقستان حالقى اسسامبلەياسىمەن, بارلىق ازاماتتىق قوعاممەن بىرگە بەس الەۋمەتتىك باستامانى ىسكە اسىرۋعا باقىلاۋ جۇرگىزۋ بويىنشا جۇيەلى جۇمىستى باستاپ كەتتى. «نۇر وتاننىڭ» قامقورلىعىمەن قۇرىلعان كەڭەستەردىڭ بارلىق ەلىمىز بويىنشا جۇمىس ىستەي باستاعانىن اتاپ وتكىم كەلەدى. بۇل جۇمىسقا دەپۋتاتتىق كورپۋستىڭ, قحا-نىڭ, ازاماتتىق بەلسەندىلەردىڭ, ساراپشىلاردىڭ, ۇكىمەتتىك ەمەس ۇيىمدار مەن باق-تىڭ الەۋەتى تارتىلعان. ەندىگى بىزدىڭ نەگىزگى ماقساتىمىز – الەۋمەتتىك جاڭعىرۋ باعدارلاماسىنىڭ وز ۋاقىتىندا جانە ساپالى جۇزەگە اسۋىنا باقىلاۋ جاساۋ. كەڭەستەر احۋالعا باقىلاۋ جۇرگىزىپ, پروبلەمالاردى انىقتاپ, باعا بەرىپ, جىبەرىلگەن كەمشىلىكتەردى جويۋ جونىندە ۇسىنىستار ايتىپ وتىراتىن بولادى.
ايات سۇگىرباي,
ماڭعىستاۋ وبلىسىنىڭ جاس كاسىپكەرى:
– ەلباسىمىزدىڭ بەس الەۋمەتتىك باستاماسىن بىز ەرەكشە ىقىلاسپەن قابىلدادىق. اسىرەسە, شاعىن نەسيلەندىرۋ باستاماسى ەلىمىزدىڭ كوپتەگەن جۇمىسسىز جاستارىنا ۇلكەن مۇمكىندىك بەرىپ وتىر. سونداي-اق «7 – 20 – 25» باعدارلاماسى مەن ستۋدەنت جاستار ۇشىن جاتاقحانالاردىڭ سالىنۋى بىز ۇشىن زور قۋانىش بولدى. وز باسىم ەلباسىنىڭ بۇل باستاماسىن قولدايمىن جانە ولاردىڭ جۇزەگە اسۋىنا وز ۇلەسىمدى قوسامىن. كاسىپكەر رەتىندە قازىرگى تاڭدا ماڭ­عىستاۋ وبلىسىندا مەملەكەت باسشىسىنىڭ باستاماسىمەن «نۇر كاپيتال» باعدارلاماسى جۇزەگە اسىپ جاتىر. سول باعدارلاما بويىنشا 1 پايىزبەن نەسيە الىپ, كاسىبىمىزدى دوڭگەلەتىپ وتىرمىز. بۇگىندە بارلىق وڭىردە الەۋمەتتىك باستامالار بويىنشا قوعامدىق كەڭەستەر قۇرىلدى. ولاردىڭ ماقساتى – باستامالاردىڭ ناقتى جۇزەگە اسۋىن باقىلاۋ. وسى رەتتە بۇل باعىتتان قالىس قالماي, الەۋمەتتىك ماڭىزى اسا جوعارى ەلباسى باستامالارىنىڭ جۇزەگە اسىرىلۋىنا اتسالىسامىز.


ەلامان قوڭىر

بولىسۋ:

پىكىر جازۋ


*