قۋىرشاق دۋمان

847
0
بولىسۋ:

1 ماۋسىم – بالالاردى قورعاۋ كۇنىنە وراي, الماتىداعى مەملەكەتتىك قۋىرشاق تەاترى بۇلدىرشىندەرگە بازارلىق ۇسىندى.  تەاتر ۇجىمى  شاھار بالدىرعاندارى مەن قالا قوناقتارىن عاجايىپقا تولى قۋىرشاقتار الەمىنە بىرگە ساياحات جاساپ, ونەر سۇيەر جانداردىڭ جانىنا رۋحاني ازىق سىيلادى. 

ونەر ورداسى مەرەكە كۇنىنە «مەن با­قىتتى بالامىن» اتتى مەرەكەلىك باعدارلاما مەن الەۋمەتتىك جاعدايى تومەن, مۇمكىندىگى شەكتەۋلى بالالارعا قايىرىمدىلىق اك­تسيياسىن ۇيىمداستىردى. ىس-شارانىڭ ماق­ساتى – جاس ۇرپاقتىڭ ساناسىنا مەيىرىمدىلىك, سۇيىسپەنشىلىك ۇعىمدارىن قالىپتاستىرۋ. سونداي-اق الەۋمەتتىك جاعدايى تومەن بالالارعا كومەك كورسەتۋ, جاسوسپىرىمدەردى كىشىپەيىلدىلىككە, باۋىرمالدىققا باۋلۋ. شارادا بالالار نازارىنا تەاتردىڭ ۇلكەن جانە كىشى زالدارىندا اۆتورى جانە قويۋشى رەجيسسەرى س.شۇكىروۆ پەن ق.ەشمۇراتوۆا ۇسىنعان «قۋىرشاق دۋمان» كونتسەرتتىك قويىلىمىن, م.دولگاچەۆا مەن رەجيسسەر ك.اندرەەۆا اۋەزدى ان, اسەرلى بيدىڭ اياسىندا كورەرمەنىن قويىلىمنىڭ كەيىپكەرىنە اينالدىرعان «ارىستاننىڭ ۇرەيىن قالاي ەمدەيمىز?» سپەكتاكلى مەن نۇرجىگىت كوشەر­باەۆ­تىڭ «باۋىرساق ەرتەگىسىن» تاماشالادى.
– باۋىرساق ەرتەگىسى قارىنداسىم ەكەۋ­مىزگە ۇنادى. اسىرەسە, قويان مەن قاسقىردىڭ رولىن قىزىعا تاماشالادىق. ايۋ مەن تۇلكىنىڭ كەلبەتى دە اسەرلى ەكەن. ەڭ باستىسى, ورمان جانۋارلارى مەيىرىمدىلىك تانىتىپ باۋىر­ساقتى جەمەدى. بۇل ەرتەگىدە دوستىق جەڭدى جانە سوڭى باقىتتى اياقتالدى,– دەيدى كىش­كەنتاي كورەرمەن حانزادا سەرىكۇلى.
«ارىستاننىڭ ۇرەيىن قالاي ەمدەيمىز?» ەرتەگىسىنىڭ جەلىسى بويىنشا اڭ پاتشاسى ارىستاندى كۇلكىلى جاعدايدا بويىن ۇرەي بيلەپ, پاتشالىقتان مان كەتەدى. ساحنادا افريكا ايماعى بەينەلەنىپ, ورمان تىنىش­تىعىن اۋمەسەر توتىقۇس بۇزادى. اڭنىڭ بارىنە ارىستاننىڭ اۋىرىپ قالعانىن حابار­لايدى, ونىڭ سەبەبى – قورقىنىش. بۇكىل اڭ – پاتشا ارىستاننىڭ ورنىنا تالاسىپ, ابىگەرگە تۇسەدى. قورىتىندىسىندا دجۋنگليدا تارتىپسىزدىك ورناپ, ارىستانسىز بەرەكەنىڭ جوقتىعىن بارى مويىندايدى.
– بىز سىنىبىمىزبەن بۇگىن وسىندا كەلدىك. ارىستاننىڭ ۇرەيى تۋرالى قويىلىمدا بارىمىز اڭ پاتشاسىنا جاقتاسىپ, بىرگە ان ايتتىق. ويىن ويناپ, تۇرلى قۋىرشاقتار مەن مۇسىندەردى تاماشالادىق. اسىرەسە, مەيىرىمدى سايقىمازاقتارعا ريزا بولدىق, – دەدى اليما قاناتقىزى.
سپەكتاكلدەردىڭ كورسەتىلىمىنەن تىس تەاتر فويەسىندە بىرنەشە جىلدىق تاريحى بار قۋىرشاقتاردان كورمە ۇيىمداستىرىلىپ, كەش سوڭى تەاتر ارتيستەرىنىڭ قاتىسۋىمەن مەرەكەلىك باعدارلاماعا ۇلاستى. سونىمەن قاتار قازاقتىڭ ۇلتتىق ويىندارى التىباقان, ارقان تارتىس, اسىق, بىلەكتەسۋ تاعى باسقا ويىندار ويناتىلىپ, دەمەۋشىلەردىڭ قول­داۋىمەن بالالارعا سىيلىقتار تاراتىلدى.
– ادام ومىرىندەگى ەڭ ۇلكەن باقىت – ۇر­پاق وسىرۋ, بالا تاربيەلەۋ. بۇگىنگى بالا – ەلدىڭ ەرتەڭى, بولاشاعى, ۇلتتىڭ جالعاسى. يا, قاي مەملەكەت بولسىن, بالا تاربيەسىنە ەرەكشە كوڭىل بولەتىنى سوزسىز. ويتكەنى وسكەلەڭ
ۇرپاق – ەلدىڭ ەرتەڭگى تىزگىنىن ۇستار ازا­ماتتارى. بار جاقسىلىعىن بالارىنا كور­سەتىپ, ولاردىڭ جان-جاقتى تاربيەلى سانالى بولىپ ەرجەتۋىنە قامقورلىعىن ايامايتىن مەملەكەتتىڭ بولاشاعى دا جارقىن. بىزدىڭ دە ۇستانىم, ماقساتىمىز – بالالاردى ايالاپ, ولاردى باقىتتى ەتۋ, مەرەكەلەرىندە ەرەكشە كوڭىل-كۇي سىيلاۋ, – دەيدى تەاتر مۇشەسى گۇلىم كوپبايقىزى.

 

جانەركە احمەت

بولىسۋ:

پىكىر جازۋ


*