قاۋىپسىزدىك كەڭەسىنىڭ وتىرىسى وتتى

1029
0
بولىسۋ:

مەملەكەت باسشىسى نۇرسۇلتان نازارباەۆتىڭ توراعالىعىمەن قاۋىپسىزدىك كەڭەسىنىڭ وتىرىسى وتتى. كۇن تارتىبىنە سايكەس جيىندا ەلىمىزدەگى قۇرىلىمدىق جانە ينستيتۋتتىق رەفورمالاردىڭ جۇزەگە اسىرىلۋ بارىسى جانە سولتۇستىك قازاقستان وبلىسىنىڭ الەۋمەتتىك-ەكونوميكالىق احۋالى تالقىلاندى.

وتىرىستى اشقان مەملەكەت باسشىسى 2008 جىلعى الەمدىك قارجى داعدارىسىنىڭ سالدارىنا قاراماستان, ەكونوميكالىق تۇراقتىلىقتى ساقتاۋ ۇشىن ىسكە اسىرىلعان شارالارعا نازار اۋداردى.
– الەمدىك قارجى داعدارىسى باستالعان ساتتەن بەرى 10 جىل وتتى. جاعداي وزگەردى. داعدارىستان شىعۋ ۇشىن بىز ارنايى باعدارلامالار ازىرلەدىك, جول كارتاسىن قابىلدادىق, جۇمىستان بوساپ قالعان ادامدارعا قول ۇشىن سوزدىق. كوپتەگەن شا­رالار جۇزەگە اسىرىلدى. بىز شەتەلدەن ينۆەس­تي­تسييا تارتتىق جانە وز قارجىمىزدى دا پايدالان­دىق. سول ارقىلى ۇلتتىق ەكونوميكامىزدى قۇلدى­رات­پاي داعدارىستان شىعۋعا مۇمكىندىك الدىق, – دەدى قازاقستان پرەزيدەنتى.
نۇرسۇلتان نازارباەۆ جاھاندىق ۇردىستەر مەن قا­لىپتاسقان گەوساياسي احۋالدى ەسكەرە وتىرىپ, دا­مۋ­­­­دىڭ جاڭا باعدارلامالارىن ازىرلەۋ قاجەتتىگىن ايتتى.
– پرەزيدەنت اكىمشىلىگى مەن ۇكىمەت ودان ارى دامۋىمىزدىڭ جولدارىن ىزدەستىرۋى كەرەك. بىز بولاشاقتا تيىستى شارالار قابىلداۋ ۇشىن بولجام جاساۋىمىز قاجەت. بىزدىڭ الداعى ىس-ارەكەتتەرىمىز جونىندە ايقىن ۇستانىمىمىز بولۋعا تيىس, – دەدى مەملەكەت باسشىسى.
قازاقستان پرەزيدەنتى قازىرگى مەملەكەتتىك جانە سالالىق باعدارلامالاردى جۇزەگە اسىرۋدىڭ تيىمدىلىگىنە توقتالىپ, ولاردىڭ ۋاقتىلى جانە ساپالى ورىندالۋىنىڭ ماڭىزدىلىعىن اتاپ وتتى.
نۇرسۇلتان نازارباەۆ اگروونەركاسىپ سەكتورىن ودان ارى دامىتۋ جانە قايتا وڭدەۋ سالاسىنا ينۆەستيتسييا تارتۋ ۇشىن تيىستى شارالار قابىلداۋ قاجەتتىگىنە نازار اۋداردى.
ەلباسى مەملەكەتتىك ورگانداردىڭ قىزمەتى ەل تۇرعىندارىنىڭ ال-اۋقاتىن ارتتىرۋعا باعىتتالۋى تيىس ەكەنىن ايتتى.
– بىزدىڭ بۇكىل جۇمىسىمىز حالىقتىڭ تابىسىن ارتتىرۋدى كوزدەيدى. ەگەر ولاي بولماسا, وندا ۇكىمەتتىڭ شاماسى كەلمەي وتىر دەگەن سوز, – دەدى قازاقستان پرەزيدەنتى.
سونىمەن قاتار حالىقتى جۇمىسپەن قامتۋ, مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋ, شاعىن جانە ورتا بيز­نەستى قولداۋ, جاستارعا كاسىبي بىلىم بەرىپ, جۇمىسقا ورنالاستىرۋ ماسەلەلەرىنە توقتالدى. جيىن بارىسىندا پرەمەر-مينيستر ب.ساعىنتاەۆ, ۇلتتىق بانك توراعاسى د.اقىشەۆ, باس پروكۋرور ق.قوجامجاروۆ جانە سولتۇستىك قازاقستان وبلىسىنىڭ اكىمى ق.اقساقالوۆ بايان­داما جاسادى.
باسقوسۋ قورىتىندىسى بويىنشا پرەزيدەنت ۇكىمەتكە جانە باسقا دا مۇددەلى مەملەكەتتىك ورگاندارعا بىرقاتار ناقتى تاپسىرما بەردى جانە ولاردىڭ ورىندالۋىن قاداعالاۋدى پرەزيدەنت اكىمشىلىگى مەن قاۋىپسىزدىك كەڭەسىنىڭ اپپاراتىنا تاپسىردى.

بولىسۋ:

پىكىر جازۋ


*