ىليياس باسشىعۇل: بۇل اپتادا ۆاليۋتا نارىعى تۇراقتى بولماق

819
0
بولىسۋ:

 تەڭگەنىڭ دوللارعا شاققانداعى باعامى وسى اپتادا 324-328 ارالىعىندا تۇراقتايدى.

Wall Street Invest Partners-تىڭ جەتەكشى ساراپشىسى ىليياس باسشىعۇلدىڭ پىكىرىنشە, بۇل اپتادا  نارىققا يمپۋلس بەرەتىن ماڭىزدى ەكونوميكالىق مالىمەت جوق.  ال اپتا ورتاسىندا ەۋروپالىق كەڭەستىڭ ينفلياتسييا جونىندەگى جانە اقش-تا اۋىل شارۋاشىلىعى  ەمەس سالادا جۇمىس ىستەپ جۇرگەندەردىڭ سانى تۋرالى ەسەپتەرى شىعۋى كەرەك. سارسەنبى – اقش ەنەرگەتيكا مينيسترلىگىنىڭ شيكى مۇناي قورىنا قاتىستى ەسەبى جارييالاناتىن كۇن. ال جۇما كۇنى نارىق قۇبىلمالى بولۋى مۇمكىن, ويتكەنى ويىنشىلار اقش-تىڭ مامىر ايىنداعى ەڭبەك نارىعى تۋرالى (NonFarm Payroll) مالىمەتتەرىن كۇتۋدە.

جالپى العاندا, بۇل اپتا تۇراقتى بولماق,  باعام بويىنشا كەنەتتەن تۋىندار وزگەرىس جوق, تەڭگەنىڭ دوللارعا شاققانداعى باعامى – 324-328 ارالىعىندا, ال رەسەي رۋبلى ۇشىن 5,25-5,4 تەڭگە.

سونداي-اق ساراپشى كريپتوۆاليۋتا نارىعىندا تەرىس ديناميكا بايقالىپ تۇرعانىن ايتادى. Bitcoin سوڭعى 7 اپتاداعى مينيمۋمىنا جەتىپ, قۇلدىراپ كەتتى. ۇندىستان كريپتوۆاليۋتامەن جاسالاتىن وپەراتسييالارعا 18 پايىز سالىق سالۋعا ۋادە بەرىپ وتىر. اقش-تىڭ ادىلەت مينيسترلىگى ترەيدەرلەر بيتكوين مەن باسقا دا كريپتوۆاليۋتالار قۇنىمەن مانيپۋلياتسييا جاسادى دەگەن كۇدىكپەن تەرگەۋدى باستادى. الەم بويىنشا  نارىقتى مەملەكەتتىك رەتتتەۋدى كۇشەيتۋ كريپتوۆاليۋتاعا دەگەن قىزىعۋشىلىقتى تومەندەتۋدە.

ۇ.باكالەكوۆا

بولىسۋ:

پىكىر جازۋ


*