الماتىلىق ورتا ەسەپپەن 136 943 تەڭگە تابادى

900
0
بولىسۋ:

بۇگىننەن باستاپ قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتىنىڭ, سونداي-اق ەلەكتروندى ۇكىمەتتىڭ اشىق دەرەكتەر قورىن پايدالانا وتىرىپ, قازاقستاننىڭ ىرى قالالارى مەن وبلىستارىنداعى جۇمىسسىزدىق دەڭگەيىن سالىستىرمالى تۇردە ۇسىناتىن بولامىز. بۇل ارقىلى بىز:

 

  • وڭىرلەردەگى حالىقتىڭ جۇمىسپەن قامتىلۋ دەڭگەيىن;
  • ورتا ەسەپپەن جان باسىنا شاققانداعى ايلىق تابىس مولشەرىن;
  • ەڭ تومەنگى كۇنكورىس دەڭگەيىن;
  • وتكەن جىلدارمەن سالىستىرعانداعى جۇمىسسىزدىق ديناميكاسىنىڭ وزگەرۋىن كورسەتەمىز.

 

ستاتيستيكالىق مالىمەتتەر, دەرەكتەر قورىنداعى اقپاراتتاردى وقىرمانعا تۇسىنىكتى تىلمەن جەتكىزەمىز.

 

الدارىڭىزعا 2017 جىلعى ستاتيستيكاعا ساي الماتى قالاسىنىڭ  جۇمىسسىزدىق دەڭگەيى تۋرالى دەرەكتەر.

الماتىداعى جالپى حالىق سانى – 1 801 713 جان.  ونىڭ 889 606 ادامى جۇمىسپەن قامتىلعان بولسا, 67 900 ادام وز بەتىنشە جۇمىسپەن قامتىلعاندار قاتارىنا جاتادى. بۇل جەردە «وز بەتىمەن جۇمىسپەن قامتىلعاندار» دەگەنىمىز – جالدانۋ بويىنشا نەمەسە وندىرىلگەن تاۋاردان ارتۇرلى كورسەتىلگەن قىزمەتتەن تابىس تابۋ ۇشىن وز-وزىنە جۇمىس ىستەيتىن تۇلعالار. ال 49 584 ادام جۇمىسسىز رەتىندە تىركەلگەن. دەمەك, كورسەتكىشتەرگە سۇيەنسەك, الماتى قالاسىنداعى جۇمىس كۇشىن 1 007 090 ادام قۇرايدى.  ەڭبەك ەتەتىن 957 506 ادامنىڭ 94,3 پايىزى ناقتى اقشالاي تابىس تابادى. 2017 جىلى الماتى قالاسى بويىنشا حالىقتىڭ ورتا ەسەپپەن جان باسىنا شاققانداعى اقشالاي تابىسى 136 943 تەڭگەنى قۇراعان.

ەڭ تومەنگى كۇنكورىس دەڭگەيى – 28 996 تەڭگە.  الماتى قالاسىنىڭ  1 پايىز حالقى, ياعني 18 017 ادامنىڭ تابىسى كۇنكورىستىڭ ەڭ تومەنگى شاماسىنان تومەن حالىق سانىن قۇراپ وتىر. ال كەدەيشىلىك شەگى 0,1 پايىز. وسى تۇستا الماتىداعى حالىق سانىنىڭ باسىمدىعىن ەسكەرگەنىمىز جون. وتكەن جىلدارمەن سالىستىرعاندا, جان باسىنا شاققانداعى جالاقى مولشەرى ارتقانىن كورۋگە بولادى.

بالجان حالىق

بولىسۋ:

پىكىر جازۋ


*