ىنتىماقتاستىق ارتادى

968
0
بولىسۋ:

سەنات توراعاسى قاسىم-جومارت توقاەۆ حالىقارالىق كوشى-قون ۇيىمىنىڭ (حكۇ) باس ديرەكتورى ۋيليام لەيسي سۆينگتى قابىلدادى. سەنات سپيكەرى 2016 جىلدىڭ قىركۇيەگىندە حكۇ-نىڭ بۇۇ قۇرامىنا ەنۋى جونىندەگى كەلىسسوز ۇدەرىستەرىندەگى ونىڭ جەكە رولىن جوعارى باعالادى.

بۇل قادام كوشىپ-قونۋشىلارعا كور­سە­تىلەتىن كومەكتىڭ دەر كەزىندە جاسالۋى مەن تيىم­دىلىگىن ارتتىرۋعا جانە ولاردىڭ وزەكتى ما­سەلەلەرىن شەشۋگە ارنالعان ۇزاقمەرزىمدى ست­راتەگييالىق جوسپارلاۋ شارالارىن قا­بىل­داۋعا مۇمكىندىك بەرەدى.
ق.توقاەۆ ايماقتاعى جانە دۇنيە­جۇزىن­دەگى كوشى-قون ۇدەرىستەرىن رەتتەۋ جونىندەگى مىن­دەتتەردى شەشۋدە حكۇ-نىڭ ماڭىزى زور ەكە­نىن اتاپ وتتى.
«قازاقستان حالىقارالىق كوشى-قون ۇيى­مىنىڭ بەلسەندى ارىپتەسى بولۋ جانە ۇيىم­مەن وزارا ىس-قيمىلىن كەڭەيتۋ نيە­تىن­دە قالا بەرەدى. كوشى-قون ماسەلەلەرىن رەت­تەۋ تاياۋ ۋاقىتتا قازاق­ستاننىڭ كۇن تار­تىبىندەگى باستى سالالاردىڭ قاتارىندا بو­لادى» دەدى قاسىم-جومارت كەمەلۇلى.
پارلامەنت جوعارعى پالاتاسىنىڭ تو­را­عاسى كوشى-قون, بوسقىنداردى قابىلداۋ مەن بەيىمدەۋ سالاسىنداعى حالىقارالىق ەرە­جەلەردى جەتىلدىرۋ جايىندا ايتتى. ول قا­زاقستان «قاۋىپسىز, بىرىڭعايلانعان جا­نە رەتتەلەتىن كوشى-قون تۋرالى» جاھاندىق شارت­تى ازىرلەۋدى قولدايتىنىن جانە كە­لىس­سوز ۇدەرىستەرىنە بەلسەندى قاتىساتىنىن اتاپ وتتى.
وز كەزەگىندە ۋ.سۆينگ قازاقستاندى حا­لىق­ارالىق كوشى-قون ۇيىمىنىڭ نەگىزگى ارىپتەسى رەتىندە اتادى جانە ورتالىق ازييا­داعى كوشى-قون ۇدەرىستەرىن باسقارۋ ما­سەلەلەرى بويىنشا بەلسەندى ىنتى­ماق­تاستىقتى جالعاستىرۋعا شاقىردى.

 

ايحان شارىپ

بولىسۋ:

پىكىر جازۋ


*