ارىپتەستىك ودان ارى نىعايادى

918
0
بولىسۋ:

ماجىلىس توراعاسى نۇرلان نىعماتۋلين وزبەكستاننىڭ قازاقستانداعى توتەنشە جانە وكىلەتتى ەلشىسى سايديكرام نييازحودجاەۆتى قابىلدادى. ماجىلىس سپيكەرى وزبەك ديپلوماتىن ەلشىلىك قىزمەتىنىڭ باستالۋىمەن قۇتتىقتاپ, ونىڭ مەملەكەتتىك قىزمەتتەگى مول تاجىريبەسى ەلدەرىمىز اراسىنداعى قارىم-قاتىناستى, سونىڭ ىشىندە پارلامەنتارالىق دەڭگەيدەگى ارىپتەستىكتى ودان ارى نىعايتۋعا ىقپال ەتەرىنە سەنىم بىلدىردى. 

نۇرلان زايروللاۇلى اتاپ وتكەندەي, بۇگىندە قوس مەملەكەت كوشباسشىلارىنىڭ وزارا تۇسىنىستىگىنە جانە تاتۋ دوستىعىنا نەگىزدەلگەن بىرلەسكەن جۇمىس ارقاسىندا قارقىندى ساياسي ديالوگ جولعا قويىلدى, كوپقىرلى ارەكەتتەستىكتى تيىمدى دامىتۋعا قول جەتكىزىلدى.
ماجىلىس باسشىسىنىڭ بايلامىنشا, قازاقستان پرەزيدەنتى نۇرسۇلتان نازارباەۆ پەن وزبەكستان پرەزيدەنتى شاۆكات ميرزيەەۆتىڭ وتكەن جىلعى وزارا ساپارلارى ارى قارايعى جان-جاقتى ىنتىماقتاستىقتىڭ بەرىك ىرگەتاسىن قالادى. ولاردىڭ ناتي­جەسىندە ستراتەگييالىق سەرىكتەستىكتى ودان ارى تەرەڭدەتۋ جانە تاتۋ كورشىلىكتى نىعايتۋ تۋرالى بىرلەسكەن دەكلاراتسيياعا قول قويىلدى.
ن.نىعماتۋلين ايماقتىق جانە شەكارا­لىق ارىپتەستىكتىڭ دامۋ دەڭگەيىنە نازار اۋدارىپ, وسى جىلى تۇڭعىش «قازاقستان – وزبەكستان ايماقارالىق فورۋمى» وتەتىنىن, ول ەكى مەملەكەت اراسىنداعى ساۋدا-ەكونو­مي­كا­لىق ىقپالداستىققا جاڭا سەرپىن بەرەتىنىن اتاپ وتتى.
وز كەزەگىندە س.نييازحودجاەۆ قازاقستان­دىق-وزبەك قاتىناستارىنىڭ وربۋ قارقىنىنا توقتالىپ, سوڭعى ۋاقىتتا ونىڭ ستراتەگييالىق سەرىكتەستىكتىڭ جاڭا دەڭگەيىنە كوتەرىلگەنىن ايتتى. وزبەكستان ەلشىسى قوس مەملەكەت باسشىلارىنىڭ جىلى قارىم-قاتىناستارى قازاقستان مەن وزبەكستان حالىقتارىنا بۇرىنعىدان دا جاقىنداسا تۇسۋگە مۇمكىندىك بەرگەنىن جەتكىزدى.
كەزدەسۋ بارىسىندا وڭىرلىك جانە شەكارا­ما­ڭىنداعى وزارا ىس-قيمىل, مادەني-گۋماني­تار­لىق ىنتىماقتاستىق ماسەلەلەرى دە تالقى­عا سالىندى. جۇزدەسۋشىلەر سونداي-اق ورتالىق ازييانىڭ ەكونوميكالىق الەۋەتىن نىعايتۋ قاجەتتىلىگى تۋرالى ورتاق ويعا توقايلاستى.

 

ايحان شارىپ

بولىسۋ:

پىكىر جازۋ


*