«جاسىل ەكونوميكا» جاعدايى قارالدى

890
0
بولىسۋ:

ۇكىمەت ۇيىندە  پرەمەر-مينيستر باقىتجان ساعىنتاەۆتىڭ توراعالىعىمەن ەل پرەزيدەنتى جانىنداعى «جاسىل ەكونوميكاعا» كوشۋ جونىندەگى كەڭەستىڭ كەزەكتى وتىرىسى وتتى.

وتىرىس بارىسىندا ەكولوگييالىق احۋالدى جاقسارتۋ جانە «جاسىل ەكونوميكاعا» ساپالى كوشۋدى قامتاما­سىز ەتۋدىڭ تۇجىرىمدامالىق تاسىلدەرى, قازاقستاننىڭ «جاسىل ەكونوميكاعا» كوشۋى جونىندەگى تۇجىرىمدامانىڭ 2013-2020 جىلدارعا ارنالعان ىس-شارا جوسپارىن جۇزەگە اسىرۋ ماسەلەلەرى تالقىلاندى. سونداي-اق كەڭەستىڭ وسى جىلى اتقاراتىن جۇمىس جوسپارىنىڭ كەستەسى قارالىپ, بەكىتىلدى.
بۇدان بولەك, وتىرىستا كەڭەستىڭ 2017 جىلعى 19 قازانداعى حاتتاماسىنىڭ ورىندالۋ ناتيجەلەرى قارالدى.
كۇن تارتىبى بويىنشا ەكولوگييالىق ۇيىمدارىنىڭ قاۋىمداستىعى تورالقا­سى­نىڭ تورايىمى ا.نازارباەۆا, قىزىل­وردا وبلىسىنىڭ اكىمى ق.كوشەرباەۆ, ەنەرگەتيكا بىرىنشى ۆيتسە-مينيسترى
م.دوسمۇحامبەتوۆ, اۋىل شارۋاشىلىعى ۆيتسە-مينيسترى ە.نىسانباەۆ, «اتامەكەن» ۇكپ باسقارما توراعاسى
ا.مىرزاحمەتوۆ, KazWaste قازاقستاندىق قالدىقتاردى باسقارۋ قاۋىمداستىعىنىڭ اتقارۋشى ديرەكتورى ۆ.مۇستافينا, «جاسىل اكادەمييا» عىلىمي-بىلىم بەرۋ ورتالىعىنىڭ ديرەكتورى ب.ەسەكينا جانە باسقالارى سوز سويلەدى. بۇۇدب-نىڭ «جاسىل ەكونوميكاعا» كوشۋدەگى تاجىريبەسى تۋرالى بۇۇ دامۋ باعدار­لاماسىنىڭ تۇراقتى وكىلى نوريماسە شيمومۋرا مىرزا ايتىپ بەردى.

 

ايحان شارىپ

بولىسۋ:

پىكىر جازۋ


*