ەۋرازييالىق ينتەگراتسييانى نىعايتۋ ماسەلەلەرى قارالدى

815
0
بولىسۋ:

قازاقستان پرەزيدەنتى نۇرسۇلتان نازارباەۆ ەۋرازييالىق ەكونوميكالىق كوميسسييا القاسىنىڭ توراعاسى تيگران ساركيسياندى قابىلدادى.

كەزدەسۋ بارىسىندا جوعارى ەۋرازييالىق ەكونوميكالىق كەڭەستىڭ الداعى وتىرىسىنىڭ كۇن تارتىبى, سونداي-اق ەۋرازييالىق ينتەگراتسييانى ودان ارى نىعايتۋ ماسەلەلەرى تالقىلاندى.
مەملەكەت باسشىسى ەۋرازييالىق ەكونو­ميكالىق وداق قىزمەتىنىڭ جوعارى ناتي­جەلەرىنە توقتالىپ, وزگە ەلدەر تاراپىنان بۇل بىرلەستىككە قىزىعۋشىلىقتىڭ ارتىپ وتىر­عانىن اتاپ وتتى.
– وتكەن 2017 جىل تابىستى بولدى. ەلدەرىمىز اراسىنداعى تاۋار اينالىمى 27 پايىزعا ارتتى. بىرلەستىگىمىزگە دەگەن زور قىزىعۋشىلىقتىڭ بار ەكەنىن كورىپ وتىرمىز. بۇگىندە بىزبەن 40-تان استام ەل ىنتىماقتاستىق ورناتتى. بىز سىزدەرمەن جوعارى ەۋرازييالىق ەكونوميكالىق كەڭەستىڭ سامميتى قارساڭىندا كەزدەسەتىن بولامىز, ونىڭ كۇن تارتىبىندەگى بارلىق ماسەلە كەلىسىلگەن.
بىز كۇردەلى ماسەلەلەردى, سونىڭ ىشىندە سانكتسيياعا قاتىستى ماسەلەلەردى دە تالقىلايتىن بولا­مىز, – دەدى نۇرسۇلتان نازارباەۆ.
تيگران ساركيسيان مەملەكەت باسشىسىن قازاقستان حالقىنىڭ بىرلىگى كۇنىمەن قۇتتىقتاپ, ەلىمىزدىڭ وركەندەي بەرۋىنە نيەتتەستىگىن بىلدىردى.
– كەڭەستىڭ تاپسىرماسى بويىنشا سىزبەن بىرقاتار ماسەلەلەردى تالقىلاسام دەپ ەدىم. اتاپ ايتقاندا, جوعارى كەڭەس وتىرىسىن قالاي تيىمدىرەك وتكىزىپ, قانداي پروبلەمالارعا ەرەكشە مان بەرۋ قاجەت ەكەنىن انىقتاۋعا, سونداي-اق ينتەگراتسييانى نىعايتا تۇسۋگە قاتىستى ماسەلە­لەر بار, – دەدى ەۋرازييالىق ەكونوميكالىق كوميسسييا القاسىنىڭ توراعاسى.
كەزدەسۋ سوڭىندا ت.ساركيسيان قازاقستان پرەزيدەنتىنە ەۋرازييالىق ەكونوميكالىق كوميس­سي­يا­نىڭ قازىرگى جۇمىستارى جونىندە مالىمدەدى.

بولىسۋ:

پىكىر جازۋ


*