قازاقستان حالقى اسسامبلەياسىنىڭ XXVI سەسسيياسىنا قاتىسۋشىلاردىڭ ۇندەۋى

903
0
بولىسۋ:

قۇرمەتتى وتانداستار!
قازاقستاندا قوعامدى ساياسي, ەكونوميكالىق, رۋحاني جاڭعىر­تۋدىڭ تۇتاستاي ستراتەگيياسى ىسكە اسىرىلىپ جاتىر.
جىل باسىندا ۇسىنىلعان «پرەزيدەنتتىڭ بەس الەۋمەتتىك باستا­ماسى» –شىن مانىندە, الەۋمەتتىك جاڭعىرتۋدىڭ اۋقىمدى باع­دارلاماسى. تاۋەلسىز قازاقستان اۋ باستان-اق الەۋمەتتىك باعدار­لانعان مەملەكەت رەتىندە قۇرىلدى. بەس الەۋمەتتىك باستاما وسى باعىتتىڭ قيسىندى جالعاسى بولىپ, الەۋمەتتىك مەملەكەت تۋرالى كونستيتۋتسييالىق نورمانى جاڭا ناقتى مازمۇنمەن تولتىردى.
قولجەتىمدى تۇرعىن ۇيمەن قامتاماسىز ەتۋ, سالىقتاردى ازايتۋ, قوسىمشا بىلىم گرانتتارىن بولۋ, ستۋدەنتتەرگە ارنالعان جاتاقحانالاردى جاپپاي سالۋ, ميكروكرەديتتەۋدى كەڭەيتۋ جانە گازداندىرۋدى ودان ارى جالعاستىرۋ – ازامات­تاردىڭ ومىر ساپاسىنىڭ جوعارى ستاندارتتا­رىنا قول جەتكىزۋدى ماقسات ەتەتىن ناقتى جانە ەسەپتەلگەن شارالار.
وسى شارالار توپتاماسىنىڭ ارقاسىندا ەكونوميكالىق جانە قوعامدىق پروگرەسكە ىقپال ەتەتىن جاعدايلار جاسالادى جانە ەڭ باستىسى, اركىمنىڭ ىس جۇزىندە الەۋمەتتىك قور­عالۋى مەن تۇلعانىڭ وزىن-وزى تانىتاتىنداي ەڭبەك ەتىپ, ومىر سۇرۋىنە كەپىلدىك بەرىلەدى.
وسى ارقىلى, مەملەكەتتىڭ ازاماتتار الدىن­داعى الەۋمەتتىك جاۋاپكەرشىلىگى ناقتى مانمەن تولىعا تۇسەدى.
مۇنىڭ بارى دە – الەۋمەتتىك بىرلىك پەن قازاقستاندىق قوعامنىڭ كىرىگۋىنىڭ ناقتى ارى پارمەندى تۇعىرى.
قازاقستان حالقى اسسامبلەياسى مەملەكەت باسشىسىنىڭ الەۋمەتتىك باستامالارىن تۇتاستاي قولدايدى جانە ولاردى تيىمدى ىسكە اسىرۋ جونىندەگى امالداردى تالقىلاۋعا بەلسەنە اتسالىسادى.
بىز بارشا قازاقستاندىقتاردى وسىعان شاقىرامىز.
بىز بىرلەسىپ, جاڭا ومىر مۇمكىندىكتەرىن, الەۋمەتتىك مەملەكەت پەن ۇلتتىق يگىلىكتىڭ جاڭا ۇلگىسىن جاسايمىز.
بىز بەس الەۋمەتتىك باستامانى ىسكە اسىرۋ, بەيبىتشىلىك پەن كەلىسىمدى ودان ارى نىعايتۋعا, ازاماتتاردىڭ ال-اۋقاتىنىڭ ارتۋىنا, وتا­نىمىز – قازاقستان رەسپۋبليكاسىنىڭ وركەندەۋىنە جاردەمدەسەتىنىنە سەنىمدىمىز.
قازاقستان حالقى
اسسامبلەياسىنىڭ سەسسيياسى,
استانا قالاسى 2018 جىلعى 28 ساۋىر

بولىسۋ:

پىكىر جازۋ


*