اقپاراتتىق قاۋىپسىزدىك شارتى قارالدى

897
0
بولىسۋ:

سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ اقپاراتتىق قاۋىپسىزدىكتى قامتاماسىز ەتۋ سالاسىنداعى ىنتىماقتاستىعى تۋرالى كەلىسىمدى راتيفيكاتسييالاۋ تۋرالى» زاڭ جوباسى پىسىقتالدى.

كەلىسىمنىڭ نەگىزگى ماقساتى – دوستاس­تىق­­قا قاتىسۋشى مەملەكەتتەردە اقپا­رات­ت­ىق قاۋىپسىزدىكتى قامتاماسىز ەتۋگە باعىتتالعان جانە ۇيلەستىرىلگەن بىرلەسكەن ىس-شارالاردى وتكىزۋ.
2013 جىلعى 20 قاراشادا سانكت-پەتەربوردا جاسالعان كەلىسىم تمد-عا قاتىسۋشى ەلدەر اراسىنداعى اقپاراتتى ترانسشەكارالىق بەرۋ, اقپاراتتىق جۇيەلەردىڭ اقپاراتتىق قاۋىپسىزدىگىنىڭ قاتەرلەرىن تالداۋ جانە باعالاۋ, قاتىسۋ­شى مەملەكەتتەردىڭ اقپاراتتىق قاۋىپسىز­دىك­تى قامتاماسىز ەتۋ سالاسىنداعى نورما­تيۆتىك-قۇقىقتىق اكتىلەرىن جانە نورما­تيۆ­تىك-ادىستەمەلىك قۇجاتتارىن جاقىن­داس­تىرۋ, حالىقارالىق ستاندارت­تار­مەن ۇيلەسىمدى اقپاراتتىق قاۋىپسىزدىك سالا­سىن­داعى مەملەكەتارالىق ستان­دارت­تار ازىرلەۋ, اقپاراتتىق جۇيەلەردە ورنا­لاستىرىلعان اقپاراتقا رۇقساتسىز قول جەتكى­زۋ­گە جانە ونىڭ تەحنيكالىق ارنا­لار ارقى­لى سىرتقا شىعۋىنا جول بەر­مەۋگە باعىتتالعان جانە كەلىسىلگەن ىس-شارا­لاردى ىسكە اسىرۋ, قورعالۋ دارە­جە­لەرى ار­تۇرلى اقپا­رات­­تىق جۇيەلەردىڭ وزارا ىس-ارەكەتى كەزىن­دە قول جەتكىزۋ دەڭ­گەيى شەك­تەۋلى اقپا­رات­تىڭ جانە اقپا­راتتىق تەحنولوگييا­لار­دىڭ قورعالۋىن قامتاما­سىز ەتۋ, اقپا­رات­­تىق قاۋىپسىزدىكتى قامتا­ما­سىز ەتۋ سالا­سىندا كادرلاردى بىلىكتى قايتا دايار­لاۋ جانە ولاردىڭ بىلىك­تىلىگىن ارتتىرۋ جانە باسقا بولىكتە­رىن­دەگى ىس-قيمىلدى رەتتەيدى.
كەلىسىمدە كوزدەلگەن بارلىق ەرەجەلەر اق­پاراتتىق قاۋىپسىزدىكتى قامتاماسىز ەتۋ جو­نىندەگى مىندەتتەردى اتقارۋعا باعىتتال­عان.
كوميتەت زاڭ جوباسىن پالاتانىڭ جالپى وتىرىسىندا قاراۋعا جىبەردى.
وتىرىستا دەپۋتاتتار ت.مۇقاشەۆتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ حاتشىسى ەتىپ سايلادى. ول بۇل لاۋازىمدا وسىنىڭ الدىندا دىن ىستەرى جانە قوعامدىق كەلىسىم مينيسترى بولىپ تاعايىندالعان د.كالەتاەۆ­تى الماستىردى.

ايحان شارىپ

بولىسۋ:

پىكىر جازۋ


*