Ақпараттық қауіпсіздік шарты қаралды

Сенаттың Халықаралық қатынастар, қорғаныс және қауіпсіздік комитетінің кеңейтілген отырысында «Тәуелсіз мемлекеттер достастығына қатысушы мемлекеттердің ақпараттық қауіпсіздікті қамтамасыз ету саласындағы ынтымақтастығы туралы келісімді ратификациялау туралы» заң жобасы пысықталды.

Келісімнің негізгі мақсаты – Достас­тық­­қа қатысушы мемлекеттерде ақпа­рат­т­ық қауіпсіздікті қамтамасыз етуге бағытталған және үйлестірілген бірлескен іс-шараларды өткізу.
2013 жылғы 20 қарашада Санкт-Петерборда жасалған келісім ТМД-ға қатысушы елдер арасындағы ақпаратты трансшекаралық беру, ақпараттық жүйелердің ақпараттық қауіпсіздігінің қатерлерін талдау және бағалау, қатысу­шы мемлекеттердің ақпараттық қауіпсіз­дік­ті қамтамасыз ету саласындағы норма­тивтік-құқықтық актілерін және норма­тив­тік-әдістемелік құжаттарын жақын­дас­тыру, халықаралық стандарт­тар­мен үйлесімді ақпараттық қауіпсіздік сала­сын­дағы мемлекетаралық стан­дарт­тар әзірлеу, ақпараттық жүйелерде орна­ластырылған ақпаратқа рұқсатсыз қол жеткі­зу­ге және оның техникалық арна­лар арқы­лы сыртқа шығуына жол бер­меуге бағытталған және келісілген іс-шара­ларды іске асыру, қорғалу дәре­же­лері әр­түрлі ақпа­рат­­тық жүйелердің өзара іс-әрекеті кезін­де қол жеткізу дең­гейі шек­теулі ақпа­рат­тың және ақпа­раттық технология­лар­дың қорғалуын қамтама­сыз ету, ақпа­рат­­тық қауіпсіздікті қамта­ма­сыз ету сала­сында кадрларды білікті қайта даяр­лау және олардың білік­тілігін арттыру және басқа бөлікте­рін­дегі іс-қимылды реттейді.
Келісімде көзделген барлық ережелер ақ­параттық қауіпсіздікті қамтамасыз ету жө­ніндегі міндеттерді атқаруға бағыттал­ған.
Комитет заң жобасын палатаның жалпы отырысында қарауға жіберді.
Отырыста депутаттар Т.Мұқашевты Халықаралық қатынастар, қорғаныс және қауіпсіздік комитетінің хатшысы етіп сайлады. Ол бұл лауазымда осының алдында Дін істері және қоғамдық келісім министрі болып тағайындалған Д.Кәлетаев­ты алмастырды.

Айхан ШӘРІП