جاستارعا ارنالعان العاشقى تەلەارنا

1077
0
بولىسۋ:

ورتالىق كوممۋنيكاتسييالار قىزمەتىندە «J1–Jastar1»  جاستارعا ارنالعان جاڭا تەلەۆيزييالىق ارنانىڭ تۇساۋكەسەرى وتتى.

شاراعا ارنانىڭ باس ديرەكتورى يلياس ىسقاقوۆ, قازاقستان رەسپۋبليكاسىنىڭ دىن ىستەرى جانە ازاماتتىق قوعام مينيسترلىگىنىڭ جاستار ساياساتى دەپارتامەنتىنىڭ ديرەكتورى اسحات ورالوۆ,«J1» (Jastar1) تەلەارناسى ديرەكتورىنىڭ شىعارماشىلىق جونىندەگى ورىنباسارى گالييا چوۆدۋرباەۆا جانە«J1» (Jastar1) تەلەارناسىنىڭ كرەاتيۆتى پروديۋسەرى الپامىس شاريموۆ قاتىستى.

«J1–Jastar1» تەلەارناسى قازاقستان جاستارىنىڭ تالاپتارىن قاناعاتتاندىراتىن زاماناۋي تەلەۆيزييالىق ترەندتەردى تاراتاتىن, جاستاردىڭ جوبالارىن, وي-پىكىرلەرىن قولداۋعا, سونىمەن قاتار ولاردىڭ اراسىنداعى وزەكتى ماسەلەلەردى شەشۋگە باعىتتالعان جاڭا فورماتتاعى ارنا. تەلەارنا 2018 جىلدىڭ 28 ناۋرىزىندا ID TV پلاتفورماسىندا, YouTube جانە Instagram الەۋمەتتىك جەلىلەرىندە ىسكە قوسىلدى. بولاشاقتا وتاۋ تۆ كابەل جۇيەسى ارقىلى تاراتىلۋى جوسپارلانۋدا.

«J1–Jastar1» تەلەارناسى, ەڭ الدىمەن, 14-29 جاس ارالىعىنداعى جاستارعا باعىتتالعانىمەن, وقۋشىلار, ستۋدەنتتەر, جاس ماماندار مەن تۇرلى قىزمەت اياسىندا جۇمىس اتقاراتىن جۇمىسكەرلەر سىندى جاس ۇرپاقتىڭ ويىنا نەمقۇرايلى قارامايتىن بارلىق جاندار ۇشىن دە قىزىقتى بولماق.

ارنانىڭ فورماتى – بۇل جاستار ومىرىندەگى ماڭىزدى جانە قىزىقتى وقيعالار. تەلەارنانىڭ كونتەنتى وزىندىك وندىرىستەگى اس ۇيى, سان جانە سۇلۋلىقتان باستاپ شىتىرمان, تىلسىم وقيعالارعا, سپورتقا, تەلەحيكايالار مەن الەمدىك كينەماتوگرافييانىڭ حيتتەرىنە, الەۋمەتتىك رەاليتي مەن وتباسىلىق قارىم-قاتىناس, باقىت, بالا تاربيەلەۋ جانە دەنساۋلىق تۋرالى توك-شاۋلارعا تولى تانىمدىق, بىلىمدىك, پۋبليتسيستيكالىق جانە ويىن-ساۋىقتىق باعدارلامالاردان تۇرادى. باعدارلامالاردا تەك جاستاردىڭ ماسەلەلەرى, مۇمكىندىكتەرى مەن وزىن-وزى تانىتۋى قاراستىرىلادى.

«J1–Jastar1» تەلەارناسى – بۇل بۇگىنگى تاڭدا جاستاردىڭ وزىنە ارنانىڭ مازمۇنىن تولتىرۋعا مۇمكىندىك بەرىپ وتىرعان, ەش ارنالارعا ۇقسامايتىن  اشىق الاڭ ۇسىنعان بىرەگەي ەرەكشە تەلەارنا.

ەركىن قالدان

 (سوۆەتبەك ماعزۇموۆ, فوتو)

بولىسۋ:

پىكىر جازۋ


*