كورپوراتسييا كوكجيەگى

828
0
بولىسۋ:

سەناتتا «الەۋمەتتىك-كاسىپكەرلىك كورپوراتسييالار – وڭىرلىك دامۋ ينستيتۋتى» تاقىرىبى بويىنشا دوڭگەلەك ۇستەل وتتى. جيىندى اشقان پالاتانىڭ ەكونوميكالىق ساياسات, يننوۆاتسييالىق دامۋ جانە كاسىپكەرلىك كوميتەتىنىڭ توراعاسى ا.بەيسەنباەۆ «اكك-تەر بيزنەستى قولداۋ جانە ايماقتىق دامۋدىڭ وسۋ ورتالىقتارى رەتىندە ەكونوميكالىق قارقىندى ىنتالاندىرۋدا قاجەتتى ينستيتۋتتار رەتىندە قاجەت بولىپ وتىرعانىن» ايتتى.

بۇل ۇيىمدار ايماقتاعى كاسىپكەرلەردىڭ باستامالارىنا قولداۋ بىلدىرىپ, وڭىرلەردەگى بيزنەستىڭ ىسكەرلىك بەلسەندىلىگىن ارت­تىرۋعا تيىس. اكك جۇمى­سى­نىڭ تيىمدىلىگىن ارتتىرۋ – وڭى­ر­لەردى دامىتۋداعى نەگىزگى باسىم­دىقتاردىڭ بىرى.
سەناتور ا.قۇرتاەۆ قارجىنىڭ جەتىسپەۋشىلىگىن, كوممەرتسييالىق جانە كوممەرتسييالىق ەمەس مىن­دەتتەردىڭ ارالاسىپ كەتۋىن, كوپتە­گەن اكك-نىڭ شىعىنعا ۇشى­راپ جاتقانىن, جوبالار اۋقى­مى ايا­سى­نىڭ كەڭدىگى مەن وڭ­تاي­لى ەمەستىگى جانە وسى كورپوراتسييالار قىزمەتىندەگى وزگە دە وزەكتى ماسە­لە­لەردى اتادى.
ۇلتتىق ەكونوميكا مينيسترىنىڭ ورىنباسارى س.جۇمانعارين اكك قىزمەتىندەگى نەگىزگى كورسەتكىشتەردى جارييا ەتتى. ونىڭ ايتۋىنشا, بۇگىن­دە وبلىستاردا, استانا مەن الماتى قالا­لارىندا 16 اكك جۇمىس ىستەۋ­دە. ولاردىڭ 85 ەنشىلەس ارى تاۋەل­دى كاسىپورنى بار, ولاردا 102 ينۆەستيتسييالىق جوبالار جۇزەگە اسۋدا. 2016 جىلدىڭ قورى­تىن­دىسى بويىنشا بارلىق اكك-تەردىڭ جالپى كىرىسى 31,5 ميل­ليارد تەڭگەنى, شىعىستارى 31,8 ميلليارد تەڭگەنى قۇرادى.
ينۆەستيتسييالار جانە دامۋ مينيسترىنىڭ ورىنباسارى ا.قابى­كەنوۆ قازاقستاننىڭ 8 اۋماعىندا (وڭتۇستىك قازاقستان, قىزىلوردا, الماتى, ماڭعىستاۋ, اتىراۋ, اقتوبە, سولتۇستىك قازاقستان, شىعىس قازاقستان وبلىستارىندا) 23 يندۋسترييالدى ايماقتار جۇمىس ىستەيتىنىن ايتتى. 136 ميلليارد تەڭگە (25,6 پايىزى شەتەلدىكتەردىڭ قاتىسۋىمەن) سالىنعان 127 جوبا ىسكە قوسىلدى. 186 جوبا جۇزەگە اسۋ كەزەڭىندە. 8 مىڭ جۇمىس ورنى اشىلدى. وندىرىس كولەمى 160 ميللياردتان استام تەڭگەنى قۇرادى, 14 ميللياردتان استام تەڭگە سالىق تۇرىندە قايتارىلدى. بۇل رەتتە بارلىق يندۋسترييالدى ايماقتاردان ينفراقۇرىلىمنىڭ قۇرىلىسىنا ارنالعان بيۋدجەت شى­عىندارى 61 ميللياردتان استام تەڭگەنى قۇرادى. سويتىپ, ينفرا­قۇرىلىمعا سالىنعان بيۋدجەتتىڭ ار 1 تەڭگەسىنە جەكە ينۆەستيتسييانىڭ 2,2 تەڭگەسى تارتىلدى.
سەنات دەپۋتاتتارى اكك-تەردىڭ تيىمدى دامۋىنا بوگەت بولىپ وتىرعان وزەكتى ماسەلەلەردى شەشۋ جولدارىن تالقىلادى. زاڭنامالىق جانە نورماتيۆتىك-قۇقىقتىق بازانى جەتىلدىرۋ, قارجىلاندىرۋدىڭ قوسىم­شا كوزدەرىن تابۋ, جەر بولۋ مەرزىمدەرىن قىسقارتۋ جانە باسقا دا ماسەلەلەر ايتىلدى.

بولىسۋ:

پىكىر جازۋ


*