تامىرى تەرەڭ بايلانىس

1309
0
بولىسۋ:

مەملەكەت باسشىسى قازاقستانداعى وزبەكستان جىلىنىڭ اشىلۋ راسىمىنە قاتىستى.

نۇرسۇلتان نازارباەۆ قۇتتىقتاۋ سوزىندە قازاقستانداعى وزبەكستان جىلى­نىڭ اشىلۋ راسىمى ۇلى ناۋرىز مەيرامى قارساڭىندا وتۋىنىڭ سيمۆولدىق مانى بار ەكەنىنە توقتالىپ, بۇل ىس-شارا ورتالىق ازييا ەلدەرى باسشىلارىنىڭ العاشقى كونسۋلتاتيۆتىك جۇمىس كەزدەسۋىنە تۇسپا-تۇس كەلگەنىن اتاپ وتتى.
قازاقستان پرەزيدەنتى استانا مەن تاشكەنت ساۋدا-ەكونوميكالىق جانە ينۆەستيتسييالىق ىنتىماقتاستىقتى تا­بىستى دامىتىپ كەلە جاتقانىن, سونداي-اق ولاردىڭ حالىقارالىق جانە وڭىرلىك ماڭىزدى ماسەلەلەردى شەشۋگە قاتىستى ۇستانىمدارىنىڭ ورتاق ەكەنىن ايتتى.
– قازاقستانداعى وزبەكستان جىلى ەكى حالىقتىڭ شىنايى باۋىرلاستىعىن تانىتادى. بۇل بايلانىس تامىرىنىڭ تەرەڭدىگىمەن, ورتاق تاريحىمەن جانە بابالارىمىزدىڭ باي رۋحاني مۇرالا­رىمەن نىعايىپ وتىر, – دەدى مەملەكەت باسشىسى.
نۇرسۇلتان نازارباەۆ بۇل ىس-شارا قازاقستان – وزبەكستان اراسىنداعى دوستىق پەن تاتۋ كورشىلىكتىڭ سيمۆولى رەتىندە عانا ەمەس, سونىمەن قاتار بۇكىل وڭىردىڭ سەرىكتەستىگىن نىعايتۋعا جانە مادەني-وركەنيەتتىك تۇرعىدان جاقىن­داسۋىنا زور ۇلەس قوساتىنىن ايتتى.
– ورتالىق ازييا – تاريحى باي, وزىندىك مادەني مۇراسى بار ادامزات وركەنيەتىنىڭ كونە بەسىگىنىڭ بىرى. بىز ورتاق قۇندىلىق­تارىمىز بەن بىرەگەي دۇنيەتانىمىمىزدى ساقتاپ قالدىق. بۇل مەرەكە بىزدىڭ بىرلى­گىمىزدى, رۋحاني تۇتاستىعىمىز بەن كوپ عاسىرلىق دوستىعىمىزدى ودان ارى نىعايتۋعا قىزمەت ەتە بەرسىن, – دەدى قازاقستان پرەزيدەنتى.
سوڭىندا نۇرسۇلتان نازارباەۆ ەكى ەل اراسىنداعى ساياسي, ەكونوميكالىق جانە مادەني قارىم-قاتىناستاردى نىعايتۋعا جانە دامىتۋعا قوسقان زور ۇلەسى ۇشىن شاۆكات ميرزيەەۆكە ى دارەجەلى «دوستىق» وردەنىن تابىس ەتتى.
شاۆكات ميرزيەەۆ وز ەڭبەگىنىڭ جو­عارى باعالانىپ, وزبەكستان رەسپۋبلي­كاسىنىڭ قازاقستان رەسپۋبليكاسىنداعى جىلىن وتكىزۋ تۋرالى باستاما كوتەرىپ, شەشىم قابىلداعانى ۇشىن نۇرسۇلتان نازارباەۆقا زور ريزاشىلىق بىلدىردى.
وزبەكستان پرەزيدەنتى قازاقستاننىڭ بۇكىل الەم مويىنداپ وتىرعان جۇيەلى ساياسي وزگەرىستەرى مەن ەكونوميكالىق رەفورمالارىن, كورەگەن جانە تەرەڭ ويلاستىرىلعان جاھاندىق جانە وڭىرلىك باستامالارىن ەرەكشە اتاپ وتتى.
– بىرىككەن ۇلتتار ۇيىمى قاۋىپسىزدىك كەڭەسىنە تابىستى توراعالىق ەتۋى, شانحاي ىنتىماقتاستىق ۇيىمىنا مۇشە-مەملەكەتتەر باسشىلارى كەڭەسىنىڭ تاريحي وتىرىسىن, حالىقارالىق EXPO – 2017 كورمەسىن, يسلام ىنتى­ماق­تاستىعى ۇيىمىنىڭ عىلىم جانە تەحنو­لو­گييالار جونىندەگى بىرىنشى سامميتىن جانە باسقا دا ىرى حالىقارالىق ىس-شارا­لاردى جوعارى دەڭگەيدە وتكىزۋى – قا­زاقستاننىڭ حالىقارالىق بەدەلىنىڭ جوعارى ەكەنىنىڭ جارقىن كورىنىسى. بۇگىن بىز استانادا كوپ جىلدان بەرى العاش رەت ورتالىق ازييا ەلدەرى باسشىلارىنىڭ كونسۋلتاتيۆتىك كەزدەسۋىن وتكىزدىك, – دەدى وزبەكستان رەسپۋبليكاسىنىڭ پرەزيدەنتى.
شاۆكات ميرزيёەۆ بۇكىل وڭىردە بەيبىتشىلىك پەن تۇراقتىلىقتى ساقتاپ, وسىپ-وركەندەتۋ ۇشىن ورتالىق ازييا ەلدەرىنىڭ ينتەگراتسييالىق ىنتى­ماقتاس­تىعىندا نۇرسۇلتان نازارباەۆتىڭ زور رول اتقارىپ وتىرعانىن ەرەكشە اتاپ وتتى.
– وڭىرلەرىمىز اراسىنداعى تىعىز بايلانىستار, ادامدار اراسىنداعى اشىق قارىم-قاتىناس پەن دوستىق, مادەني بايلانىستاردىڭ جاندانۋى حالىقتارى­مىزدى جاقىنداتا تۇسۋگە مۇمكىندىك بەردى. بۇل الەمدىك دەڭگەيدەگى كورنەكتى مەملەكەت جانە ساياسات قايراتكەرى – قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ زور ەرىك-جىگەرىنىڭ ارقاسىندا جۇزەگە اسقانىن ەرەكشە اتاپ وتكىم كەلەدى, – دەدى وزبەكستان پرەزيدەنتى.
وزبەكستان باسشىسى ەكى ەل اراسىنداعى مادەني-گۋمانيتارلىق سالاداعى قاتى­ناستاردى دامىتۋدىڭ ماڭىزى زور ەكەنىن ايتتى.
– وسىعان بايلانىستى بىزدىڭ ەلىمىزدە قازاق حالقىنىڭ ۇلى پەرزەنتى, ويشىل جانە گۋمانيست اقىن اباي قۇنانباەۆتىڭ مۇراسىن ناسيحاتتاپ, تەرەڭ زەرتتەۋ جونىندە وزبەكستان پرەزيدەنتىنىڭ قاۋ­لىسى قابىلدانعانىن حابارلايمىن, – دەدى شاۆكات ميرزيەەۆ.
ىس-شارا بارىسىندا وزبەكستان رەسپۋبليكاسىنىڭ بەلگىلى شىعارما­شىلىق وكىلدەرى ونەر كورسەتىپ, كورشى ەلدىڭ زەرگەرلىك جانە قولونەر بۇيىم­دارىنىڭ كورمەسىن تانىستىرۋ راسىمى وتكىزىلدى.
قازاقستانداعى وزبەكستان جىلىنىڭ سالتاناتتى اشىلۋ راسىمىنە كىرعىز رەسپۋبليكاسىنىڭ پرەزيدەنتى سوورونباي جەەنبەكوۆ پەن تاجىكستان رەسپۋبليكاسىنىڭ پرەزيدەنتى ەمومالي راحمون قاتىستى.

بولىسۋ:

پىكىر جازۋ


*