باستاما قىزۋ قولداۋ تاپتى

1348
0
بولىسۋ:

پرەزيدەنت نۇرسۇلتان نازارباەۆتىڭ پارلامەنت پالاتالارىنىڭ بىرلەسكەن وتىرىسىندا حالىققا جولداعان بەس الەۋمەتتىك باستاماسى قازاقستاندىقتار تاراپىنان قىزۋ قولداۋعا ارى ۇلكەن قىزىعۋشىلىققا يە بولدى. قازىرگى كەزدە بارشا وبلىس باسشىلىعى وسى بەس باسىمدىلىقتى نەگىزگە الىپ, ەكونوميكالىق مۇمكىندىكتەردى ەڭسەرۋگە بەلسەنە كىرىسكەن.
ەلباسىنىڭ بەس الەۋمەتتىك باستاماسى – باسپانا الۋعا, سالىق جۇكتەمەسىن ازايتۋعا, ستۋدەنتتەردىڭ جاتاقحاناسىن جاقسارتۋعا, شاعىن نەسيەنى كوبەيتۋگە جانە گازداندىرۋ ماسەلەسىنە باعىتتالعانى بەلگىلى. وسى ورايدا قىزىلوردا وبلىسى قارقىندى جۇمىس اتقارۋدا. مەملەكەت باسشىسىنىڭ ۇندەۋىنەن كەيىن وبلىس اكتيۆى­نىڭ جيىنىن وتكىزگەن وبلىس اكىمى قىرىمبەك كوشەر­باەۆ اتالعان بەس باستاما توڭىرەگىندەگى شارۋالاردىڭ اتقارىلۋ جايىن باياندادى. اكىمنىڭ ايتۋىنشا, جەدەل تۇردە باستاپقى جارنا رەتىندە 20 پايىز قارجىسى بار سالىمشىلارعا تالداۋ جاسالماق. سونىمەن قاتار وڭىر باسشىسى شاعىن نەسيەلەندىرۋدى ارتتىرۋ ماقساتىندا ايماققا قوسىمشا قارجى تارتۋدى كوزدەيتىندەرىن جەتكىزدى. قازىر وسى سالاعا 3 ملرد تەڭگە قاراجات بولۋ جوسپارلانىپ وتىر. وسىنىڭ ارقاسىندا كەمى 500 جوبا قارجىلاندىرىلادى.

– ەندى اربىر قازاقستاندىق جاڭار­تىلعان يپوتەكالىق شارتتار بويىنشا نەسيەلەر الا الادى. وسى ورايدا وبلىستا كوپتەگەن تيىمدى باستامالار كوتەرىلىپ, ولار جىلدام قارقىن­مەن جۇزەگە اسىرىلادى. سونىمەن بىرگە, بىز 2017 جىلى ازىر­لەنگەن «وردا» «جول كارتاسى» ارقىلى الەۋمەتتىك از قامتىلعان وتباسىلاردى باسپانامەن قامتاماسىز ەتكىمىز كەلەدى, – دەدى قىرىمبەك ەلەۋۇلى.
اكىم سوزىنە سۇيەنسەك, ەلباسى ايتقان «جوعارى بىلىم الۋدىڭ قولجەتىمدىلىگى مەن ساپاسىن ارتتىرۋ» ماسەلەسى دە نازاردان تىس قالماي, ىسكە اساتىن بولادى. بۇعان قىزى­لوردالىق مەكتەپ بىتىرۋشىلەردىڭ رەسەي ۇكى­مەتىنىڭ گرانتى ەسەبىنەن بىلىم الىپ جاتقانى دا دالەل بولادى. وبلىس باسشىلىعى باكا­لاۆر جانە ماگيستراتۋرا باعدارلاماسى بويىنشا ك.تيميرييازەۆ اتىنداعى ماسكەۋ اۋىلشارۋاشىلىق اكادەميياسىنا 28 تا­لاپكەردى وقۋعا قابىلداۋ تۋرالى كەلىسىمگە كەلگەن. سونداي-اق جىل سايىن اۋىلدان شىققان 100 شاقتى دارىندى بالا وبلىس اكىمىنىڭ گرانتىمەن ەلىمىزدەگى ىرگەلى جوعارى وقۋ ورىندارىنا جىبەرىلىپ جاتىر.
ەلباسىنىڭ استانانى گازداندىرۋ ماسەلەسى بويىنشا دا قىزىلوردانىڭ شە­شۋشى رولگە يە ەكەندىگىن اتاپ وتكەنى بەل­گىلى. ەندى قاراوزەكتەن شىققان گاز ورتالىق قا­زاقستاندى كوكتەي وتىپ, استاناعا جەتكى­زىلەدى. اكىمنىڭ پىكىرىنشە, 370 ملرد تەڭگە بولاتىن بۇل ىرى جوبا 200 قىزىلور­دالىقتى جۇمىسپەن قامتيدى.
پرەزيدەنتتىڭ ۇندەۋىن ەستىپ, ىسكە بىلەك سىبانا كىرىسكەن وبلىستىڭ بىرى – قوستاناي. كەڭەيتىلگەن جيىن بارىسىندا وبلىس باسشىسى ارحيمەد مۇحامبەتوۆ نۇرسۇلتان نازارباەۆتىڭ بەس الەۋمەتتىك باستاماسىن ايتىپ, ستۋدەنتتىك جاتاقحانالار قۇرىلىسى تۋرالى جاعىمدى حاباردى جەتكىزدى.
– بىزدە احمەت بايتۇرسىنۇلى اتىنداعى قوستاناي مەملەكەتتىك ۋنيۆەرسيتەتى جا­نىنداعى جاتاقحانا قۇرىلىسىنىڭ جوبا­لىق-سمەتالىق قۇجاتى دايىن تۇر. بۇل ۇلكەن پايدا اكەلەدى. بىرىنشىدەن, ستۋدەنتتەردىڭ بىلىم الۋىنا جاعداي جاساسا, ەكىنشىدەن قىلمىستى ازايتادى. قازىر بىز باسقا دا جوعارى وقۋ ورىندارىمەن جۇمىس ىستەپ, مەملەكەتتىك-جەكە سەرىكتەستىك اياسىنداعى شارۋالاردى رەتتەۋ قاجەت. بىراق جاتاقحاناعا ارنالعان جەر ۋنيۆەرسيتەت عيماراتىنىڭ قاسىنان بەرىلۋى تيىس, – دەدى وبلىس اكىمى.
سونىمەن قاتار وبلىس باسشىسى ستۋ­دەنت­تەرگە ارنالعان جاتاقحانا تەك قوستا­نايدا عانا ەمەس, باسقا قالالاردا دا قاراس­تى­رىلىپ وتىرعانىن ايتتى. ول اتاپ وت­كەن­دەي, رۋدنىي مەن ارقالىقتا دا جون­دەپ, جاتاقحاناعا اينالدىرۋعا بولاتىن بىر­قاتار نىساندار بارشىلىق. جيىن سوڭىندا ارحيمەد مۇحامبەتوۆ ەلباسى باستاماسى ەلدىڭ الەۋمەتتىك-ەكونوميكالىق سالاسىنا جاڭاشا تىنىس, سەرپىن بەرەتىنىن, سول ۇشىن وبلىس باسشىلىعى تيىمدى ۇسىنىستار جول­دايتىنىن حابارلادى.

 

اباي ايماعامبەت

 

بولىسۋ:

پىكىر جازۋ


*