نۇرسۇلتان نازارباەۆ: پارلامەنت پەن ۇكىمەتتىڭ قىزمەتى مەملەكەتتىك تىلدە جۇرگىزىلۋى تيىس

1157
0
بولىسۋ:

قازاقستان پرەزيدەنتى نۇرسۇلتان نازارباەۆ اقپارات جانە كوممۋنيكاتسييالار مينيسترى داۋرەن اباەۆتى قابىلدادى.

كەزدەسۋ بارىسىندا ەلباسى قازاق تىلىن لا­تىن قارپىنە كوشىرۋ ماسەلەسىنە توق­تا­لىپ, مەملەكەتتىك تىلدىڭ مارتەبەسىن ارت­تىرۋعا باعىتتالعان شارالار قابىلداۋدىڭ ماڭىزدىلىعىن ايتتى.
– حالقىمىز ۇشىن لاتىن قارپىنە كوشۋ ۇدەرىسىنىڭ تاريحي مانى زور. سونىمەن بىر­گە, قازاق تىلىنىڭ مارتەبەسىن ارتتىرۋ جو­نىن­دەگى جۇمىستاردى جالعاستىرۋ قاجەت. پار­لامەنت پەن ۇكىمەتتىڭ قىزمەتى مەم­لە­كەت­تىك تىلدە جۇرگىزىلۋى تيىس. سونداي-اق بۇل ماسەلە بويىنشا ازاماتتاردىڭ قۇقى­عىن شەكتەۋگە بولمايدى. بۇل رەتتە ىلەسپە اۋدارما جاساۋ مۇمكىندىگى بار, – دەدى قا­زاقستان پرەزيدەنتى.
مەملەكەت باسشىسى لاتىن قارپىنە كە­­زەڭ-كەزەڭمەن كوشۋدىڭ ماڭىزدىلىعىن اي­تىپ, قازاق تىلىن ۇيرەتۋ ادىستەمەلەرىن جە­تىلدىرۋ ماسەلەلەرىن جان-جاقتى زەرت­تەۋ­دى تاپسىردى. يننوۆاتسييالار مەن جاڭا تەحنولوگييالاردى ەنگىزۋ جو­نىن­دەگى جۇ­مىس­تاردى جالعاستىرۋ, سونداي-اق بۇل ۇر­دىس­كە «قازاقستانداعى 100 جاڭا ەسىم» جو­باسىنا قاتىسۋشىلاردىڭ كرەا­تيۆ­تى الەۋەتىن پايدالانۋ قاجەت ەكەنىن اتاپ وتتى.
بۇدان بولەك, ەلباسى كيبەر­قاۋىپ­سىز­دىك­تى قامتاماسىز ەتۋ جانە وتاندىق بۇ­قارا­لىق اقپارات قۇرالدارىنىڭ باسەكەگە قا­بىلەتتىگىن ارتتىرۋ ماسەلەلەرىنە نازار اۋداردى.
نۇرسۇلتان نازارباەۆ ەلىمىزدىڭ تەلەار­نا­لارىنداعى سەرييالىق ونىمدەردىڭ سا­پا­سىن ارتتىرۋ قاجەتتىگىنە توقتالىپ, ماسس-مەديا جاستارعا پاتريوتتىق تاربيە بەرۋ ىسىندە ماڭىزدى رول اتقاراتىنىن اتاپ وت­تى.
كەزدەسۋ بارىسىندا داۋرەن اباەۆ مەم­­لەكەت باسشىسىنا «تورتىنشى ونەركا­سىپ­تىك رەۆوليۋتسييا جاعدايىنداعى دامۋدىڭ جاڭا مۇمكىندىكتەرى» اتتى جولداۋ اياسىندا قويىلعان مىندەتتەردىڭ ىسكە اسىرىلۋ با­رىسى جونىندە مالىمدەدى. قازاقستان پرە­زيدەنتىنە «تسيفرلى قازاقستان» باع­دار­لا­ماسىن ىسكە اسىرۋ جوسپارى تۋرالى بايان­­داپ, ونىڭ باسىم باعىتتارىن تۇسىن­دىرۋ­گە بايلانىستى شارالار جونىندە ما­لىمەت بەردى.
– بىز «تسيفرلى قازاقستان» مەملە­كەت­تىك باعدارلاماسىن جۇزەگە اسىرۋ جۇ­مىس­تارىن جالعاستىرۋدامىز. جالپى, باع­دارلاما اياسىندا 120 بىرلەسكەن ىس-شا­را كوزدەلگەن, ونىڭ جيىرماسى بيىل ورىن­دالاتىن بولادى, – دەدى اقپارات جا­نە كوم­مۋنيكاتسييالار مينيسترى.
سونداي-اق د.اباەۆ نۇرسۇلتان نازارباەۆقا «استانا EXPO–2017» كور­مە كەشەنى ينفراقۇرىلىمىنىڭ بازاسىن­دا قۇرىلعان Astana Hub حالىقارالىق تەح­نوپاركى جۇمىسىنىڭ باستالعانىن ما­لىمدەدى.
كەزدەسۋ سوڭىندا مەملەكەت باسشىسى بىرقاتار ناقتى تاپسىرما بەردى.

 

بولىسۋ:

پىكىر جازۋ


*