دۇنيەجۇزىلىك بانك قازاقستاندى ماقتان تۇتادى

1319
0
بولىسۋ:

ماجىلىس توراعاسى نۇرلان نىعماتۋلين دۇنيەجۇزىلىك بانكتىڭ قازاقستانداعى تۇراقتى وكىلى اتو براۋنمەن جانە ورتالىق ازييا بويىنشا وڭىرلىك ديرەكتورى ليلييا بۋرۋنچۋكپەن كەزدەستى. كەزدەسۋ بارىسىندا نۇرلان نىعماتۋلين ەلىمىزدىڭ اتالعان جاھاندىق قارجىلىق ينستيتۋتپەن ىنتىماقتاستىعىنىڭ 25 جىلى ىشىندە ۇلكەن جۇمىس اتقارىلعانىن اتاپ وتتى. 

ماجىلىس سپيكەرى وسى ۋاقىت ىشىندە قازاقستاندا 46 جوبا قارجىلاندىرىل­عا­نىن, جوسپاردا تاعى دا 48 ماڭىزدى جوبا بارلىعىن حابارلادى. 2002 جىلدان بەرى بىرلەسكەن ەكونوميكالىق زەرتتەۋلەر باع­دار­لاماسى جۇزەگە اسىرىلۋدا. وتكەن جىلى قازاقستان مەن دۇنيەجۇزىلىك بانك اراسىندا 2012-2017 جىلدارعا ارنالعان ارىپتەستىك ستراتەگيياسى تابىستى ورىندال­دى.
مەملەكەتىمىزدىڭ دامۋ باعىتى جايلى سوز ەتە كەلە, نۇرلان نىعماتۋلين قازىرگى ۋاقىتتا قازاقستان پرەزيدەنتىنىڭ باستاما­سىمەن جۇزەگە اسىرىلىپ جاتقان «نۇرلى جول» باعدارلاماسىنىڭ ماڭىزدىلىعىنا توقتالدى. ول باعدارلاما كولىكتىك, الەۋ­مەتتىك جانە ەنەرگەتيكالىق ينفرا­قۇرى­لىم­داردى تۇرعىزۋعا, شاعىن جانە ورتا بيز­نەستى دامىتۋعا ارنالعان ىرى جوبالاردان تۇرادى.
دۇنيەجۇزىلىك بانكتىڭ تۇراقتى وكىلى بولسا, بىزدىڭ ەلىمىزدىڭ تاۋەلسىزدىك جىل­دارىن­دا جەتكەن جەتىستىكتەرىنە جوعارى باعا بەردى. اتو براۋننىڭ ايتۋىنشا, دۇنيەجۇزىلىك بانك قازاقستانمەن بىرلەسكەن جۇمىسىن ماقتان تۇتادى.
وز كەزەگىندە ليلييا بۋرۋنچۋك قازاق­ستان – دۇنيەجۇزىلىك بانكتىڭ ورتا­لىق ازيياداعى ەڭ ماڭىزدى ارىپ­تەسى ەكەنىن جانە بىزدىڭ ەلمەن بىرگە جۇمىس جاساۋ قارجىلىق ۇيىم­نىڭ ەڭ ما­ڭىزدى باعىتتارىنىڭ بىرى بولىپ تابى­لاتىنىن اتاپ وتتى. سەبەبى, بىزدىڭ رەس­­پۋب­ليكادا ىرى اۋقىمدى جوبالار ىسكە اسىرىلۋدا.
كەزدەسۋ بارىسىندا پارلامەنت­شىلەرمەن ىقپال­داستىق ماسەلەلەرى دە نازاردىن تىس قالعان جوق. ماجىلىس توراعاسىنىڭ باي­لا­مىن­شا, دەپۋتاتتىق كورپۋستىڭ زاڭنامالىق جۇمىسىندا اتالعان جاھاندىق بانك ساراپشىلارىنىڭ تاجىريبەسى مەن بىلىمى قۇندى, ارى پايدالى بولادى. اتاپ ايتقاندا, اۋىل شارۋا­شىلىعىن مەملەكەتتىك قولداۋ شارالارىن جەتىلدىرۋ, سالانى تسيفرلان­دىرۋ, سونداي-اق يننوۆاتسييالىق قار­جى­لىق تەتىكتەردى ەنگىزۋ مۇم­كىن­دىكتەرىن زەرتتەۋ سەكىلدى ماسەلە­لەردى تالقىلاۋدىڭ ماڭىزدى­لى­عى ايتىلدى.

ايحان شارىپ

بولىسۋ:

پىكىر جازۋ


*