ماڭىزدى ماسەلەلەر تالقىلاندى

1046
0
بولىسۋ:

سەنات توراعاسى قاسىم-جومارت توقاەۆ مەملەكەت باسشىسىنىڭ تاپسىرماسى بويىنشا ميۋنحەن قاۋىپسىزدىك كونفەرەنتسيياسىنا قاتىستى. 16-18 اقپان كۇندەرى وتكەن, الەمدىك دەڭگەيدەگى بەدەلدى ساياساتكەرلەر مەن قوعام قايراتكەرلەرى شاقىرىلعان فورۋمدا حالىق­ارالىق قاۋىپسىزدىكتىڭ ماڭىزدى ماسەلەلەرى تالقىلاندى.

جەكەلەگەن سەسسييالار ەۋروپا وداعىنىڭ رەسەي جانە اقش-پەن وزارا ىس-قيمىلىنا, تاياۋ شىعىس پەن كورەي تۇبەگىندەگى شيە­لەنىستەردى رەتتەۋگە ارنالدى. كيبەرقاۋىپ­سىزدىك, ەنەرگەتيكا جانە ازىق-تۇلىك قاۋىپ­سىزدىگىنىڭ وزەكتى ماسەلەلەرى, اركتيكاداعى جاعداي جونىندە تاقىرىپتىق دوڭگەلەك ۇستەلدەر بولدى.
كونفەرەنتسييادا مەملەكەتتەر مەن ۇكىمەتتەردىڭ باسشىلارى, پارلامەنت توراعالارى مەن حالىقارالىق ۇيىمداردىڭ جەتەكشىلەرى, ىقپالدى قوعام قايراتكەرلەرى مەن تالداۋ ورتالىقتارىنىڭ وكىلدەرى سوز سويلەدى. شاراعا بارلىعى 500-دەن استام ادام جيىلدى.
ق.توقاەۆ فورۋم اياسىندا بىرقاتار كەزدەسۋلەر وتكىزدى. سەنات توراعاسىنىڭ بۇۇ قورشاعان ورتا جونىندەگى باعدارلاماسىنىڭ اتقارۋشى ديرەكتورى ەريك سولحەيممەن كەزدەسۋىندە قازاقستاننىڭ بۇۇ قۇرىلىم­دا­رى­مەن وزارا ىس-قيمىل ماسەلەلەرى تال­قىلاندى.
قاسىم-جومارت كەمەلۇلى يادرولىق قارۋدى جويۋ جونىندەگى حالىقارالىق كوم­پانييانىڭ (ICAN) اتقارۋشى ديرەكتورى بەاتريس فيندى ۇيىمعا نوبەل بەيبىتشىلىك سىيلىعىنىڭ تابىس ەتىلۋىمەن قۇتتىقتادى. ب.فين قازاقستاننىڭ جاپپاي قىرىپ-جويۋ قارۋىنان ازات الەم قۇرۋداعى ۇلەسىن جوعارى باعالادى, سونداي-اق قارۋسىزداندىرۋ سالا­سىنداعى حالىقارالىق باعدارلامانى ىسكە اسىرۋعا وزارا ىس-قيمىل قاجەتتىگىن اتاپ وتتى.
Schaeffler AG كونتسەرنى بايقاۋشىلار كەڭەسىنىڭ توراعاسى گەورگ شاففلەرمەن جانە Schaeffler AG-تىڭ ورتالىق جانە شىعىس ەۋروپا, تاياۋ شىعىس جانە افريكا بويىنشا اتقارۋشى باس ديرەكتورى راينەر ليند­نەرمەن تەحنولوگييالىق جانە ينۆەستيتسييالىق ىنتىماقتاستىقتىڭ كەلەشەگى تۋرالى اڭگىمە وربىدى. سەنات توراعاسى ەكونوميكانى تەحنولوگييالىق تۇرعىدا جەدەل جاڭعىرتۋ قازاقستانداعى كەشەندى رەفورمانىڭ ماڭىزدى قۇرامى ەكەنىنە نازار اۋدارا كەلىپ, نەمىس بيزنەسىن بىزدىڭ ەلىمىزدىڭ اۋماعىنداعى بىرقاتار ىرى جوبالاردى ىسكە اسىرۋعا قاتىسۋعا شاقىردى.

 

ايحان شارىپ

بولىسۋ:

پىكىر جازۋ


*