«ۇشىنشى جاڭعىرۋ» زور مىندەت قويدى

1738
0
بولىسۋ:

ەلباسى بىلتىرعى «قازاقستاننىڭ ۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا قازاقستاننىڭ 2050 جىلى دامىعان 30 ەلدىڭ قاتارىنا قوسىلۋى تيىستىگىن العا تارتىپ, سول ماقساتقا تاباندىلىقپەن ىلگەرىلەۋ قاجەتتىگىن ايتقان بولاتىن. ۇشىنشى جاڭعىرۋ جونىندە جاڭا مىندەتتەر قويىپ, ۇكىمەتكە جانە دە بىرنەشە مەملەكەتتىك قۇرىلىمدارعا ناقتى تاپسىرمالار جۇكتەدى. بۇل تۋرالى مەملەكەت باسشىسى نۇرسۇلتان نازارباەۆ «تاۋەلسىزدىك داۋىرى» كىتابىنداعى تاۋەلسىز ەلىمىزدىڭ 33 ناتيجەسىنىڭ 29-تارماقشاسىندا كورسەتىلگەن.

ماسەلەن, وعان دەيىنگى جولداۋلارىندا ەلباسى نەگىزىنەن الەۋمەتتىك سالالارعا (بىلىم بەرۋ, مەديتسينا, زەينەتاقى مەن جاردەماقى, شاكىرتاقىنى وسىرۋ جانە ت.ب.) جانە يندۋسترييالاندىرۋعا باسىمدىق بەرسە, بۇل جولى ۇكىمەتتىڭ الدىنا جاڭا تەحنولوگييالاردى دامىتۋ, ەكونوميكانى جاپپاي تسيفرلاندىرۋ سەكىلدى تاپسىر­مالاردى قويدى.

2017 جىلى پرەزيدەنت ن.نازارباەۆ قازاقستاننىڭ ۇشىنشى جاڭعىرۋىن جارييالادى. سونىمەن مەملەكەت پەن قوعام جاڭارۋىنىڭ ۇش بىردەي: ساياسي (كونستيتۋتسييالىق رەفورما), ەكونوميكالىق (2017 جىلعى جولداۋ) جانە رۋحاني جاڭعىرۋ (ەلباسىنىڭ «بولاشاققا باعدار: رۋحاني جاڭعىرۋ» ەڭبەگى) ۇدەرىسىنە جول اشىلدى.

بۇل تۇرعىدا ەلباسى «تاۋەلسىزدىك داۋىرى» ەڭبەگىندە كەڭ اۋقىمدا تۇسىندىرىپ وتكەن: «ۇشىنشى جاڭعىرۋ ەلىمىزدىڭ الدىنا تاعى بىر ۇلكەن ماقسات قويادى – قازاقستان­نىڭ جاڭا جاھاندىق احۋالدا باسەكەگە قابىلەتتىلىگىن قامتاماسىز ەتەتىن, XXI عاسىردىڭ ورتاسىندا الەمدەگى ەڭ دامىعان وتىز مەملەكەتتىڭ قاتارىنا قوسىلۋعا جاعداي تۋعىزاتىن ەكونوميكالىق وسۋدىڭ جاڭا مودەلىن قۇرۋ. بەلگىلەنگەن ساياسي رەفورمانىڭ ماقساتى – مەملەكەتتىك باسقا­رۋدىڭ تيىمدىلىگىن ارتتىرۋ جانە مەملەكەتتىڭ حالىق الدىندا ەسەپ بەرۋىن قامتاماسىز ەتۋ, پرەزيدەنت پەن بيلىكتىڭ زاڭ شىعارۋشى تارماعىنىڭ اراسىندا وكىلەتتىكتەردى قايتا بولۋ, مەملەكەتتىك شەشىمدەردى دايىنداۋ مەن قابىلداۋ ۇدەرىسىندەگى ازاماتتىق قوعامنىڭ رولىن كۇشەيتۋ. قابىلدانعان قاجەتتى زاڭدار مەن زاڭنامالىق وزگەرتۋلەر قوعامدى ودان ارى دەموكراتييالاندىرۋعا قىزمەت ەتەدى» دەلىنگەن.
«قازاقستاننىڭ ۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا پرەزيدەنت ن.نازارباەۆ الەمدە بولىپ جاتقان كۇردەلى قۇرى­لىمدىق جانە تەحنولوگييالىق وزگەرىستەر ەلىمىز ۇشىن ونىمدىلىكتى ارتتىرۋ جولىندا كەدەرگى كەلتىرۋ مۇمكىن ەكەنىن, ناتيجەسىندە قازاقستان ەكونومي­كاسىنىڭ باسەكە­لەس­تىك قابىلەتىن السىرەتۋ قاۋپى بارىن ەسكەرىپ, ەكونوميكانى جەدەلدى تۇردە تەحنولوگييالىق جاڭعىرتۋعا باسىمدىق بەرگەن بولاتىن: «بىز تسيفرلى تەحنولوگييانى قولدانۋ ارقىلى قۇرىلاتىن جاڭا يندۋسترييالاردى وركەندەتۋگە تيىسپىز. ەلدە 3D-پرينتينگ, ونلاين-ساۋدا, موبيلدى بانكينگ, تسيفرلى قىزمەت كورسەتۋ سەكىلدى دەنساۋلىق ساقتاۋ, بىلىم بەرۋ ىسىندە قولدانىلاتىن جانە باسقا دا پەرسپەكتي­ۆالى سالالاردى دامىتۋ كەرەك. بۇل يندۋسترييالار قازىردىڭ وزىندە دامىعان ەلدەر­دىڭ ەكونو­ميكالارىنىڭ قۇرىلىمىن وزگەرتىپ, داستۇرلى سالالارعا جاڭا ساپا دارىتتى» دەپ اتاپ كورسەتكەن.
جولداۋدا ەلىمىزدىڭ الەۋمەتتىك, ەكونو­ميكالىق كورسەتكىشتەرىن الداعى جىلداردا جاقسارتۋ قاجەتتىگى, ەڭبەك نارىعىن جاقسارتۋ, بيزنەس-ورتانى تۇبە­گەيلى جاقسار­تۋ جانە كەڭەيتۋ كەرەكتىگىنەن بولەك, ۇكى­مەتكە «تسيفرلى قازاقستان» جەكە باعدار­لاماسىن ازىرلەۋدى جانە قابىلداۋدى, EXPO – 2017 نىساندارىنىڭ بىرىنىڭ بازاسىندا IT-ستارتاپتار حالىقارالىق تەحنوپاركىن قۇرۋدى, جوعارى وقۋ ورىن­دارى, نازارباەۆ ۋنيۆەرسيتەتى جانە «الاتاۋ» يننو­ۆاتسييالىق تەحنولوگييالار پاركى بازاسىندا وزىمىزدىڭ عىلىمي جانە يننو­ۆاتسييالىق الەۋەتىمىزدى دامىتۋدى, بيزنەس وكىل­دەرىمەن بىرگە 2025 جىلعا دەيىن بازالىق سالالاردى تەحنولوگييالىق تۇرعىدان قايتا جاراقتاندىرۋدىڭ كەشەندى شارالارى مەن بىرىڭعاي ەكسپورت ستراتەگيياسىن ازىرلەۋدى, 1 قىركۇيەككە دەيىن قازاقستاننىڭ ينۆەستيتسييالىق ستراتەگيياسىن دايىنداۋدى, «قازاقستان كيبەرقالقانى» جۇيەسىن قالىپ­تاستىرۋدى, «قازاقستاننىڭ ۇلتتىق تەحنولوگييالىق باستاماسى» دەپ اتالاتىن ەلدى ۇشىنشى جاڭعىرتۋ جونىندەگى 2025 جىلعا دەيىنگى دامۋدىڭ ستراتەگييالىق جوسپارىن ازىرلەۋدى تاپسىرعانى ەسىمىزدە. ماقسات – ايقىن, مىندەت – زور, مەجە – بەلگىلى. بۇگىندە بۇل تاپسىرمالار جوسپارلى تۇردە كەزەڭ-كەزەڭىمەن جۇزەگە اسىپ, تۇراقتى جۇمىستار جۇرگىزىلىپ كەلەدى.
ماسەلەن, بۇگىندە بيزنەس ورتانى كەڭەيتۋ, كاسىپكەرلىككە جول اشۋ ماقسا­تىن­دا «قازاقستان رەسپۋبليكاسىنىڭ كەيبىر زاڭ­­نامالىق اكتىلەرىنە كاسىپكەرلىك قىز­مەت­­تى رەتتەۋدى جەتىلدىرۋ ماسەلەلەرى بويىن­شا وزگەرىستەر مەن تولىقتىرۋلار ەنگىزۋ تۋرلى» زاڭ جوباسى تالقىلانۋدا. مامىر ايىندا «قازاقستاننىڭ كيبەرقال­قانى» كيبەرقاۋىپسىزدىك تۇجىرىمداماسى­نىڭ جوباسى ازىرلەنگەنى حابارلانعان. الداعى 15 جىلدا 1,5 ميلليون وتباسىن تۇرعىن ۇيمەن قامتا­ماسىز ەتۋگە باعىتتال­عان «نۇرلى جەر» تۇرعىن ۇي باعدارلاماسى ىسكە اسىرىلا باستادى. جاقىندا عانا EXPO – 2017 نىساندارىنىڭ بىر بازا­سى­نان Astana Hub حالىقارالىق IT-ستار­تاپ­تار تەحنو­پاركى وز الاڭىن ۇسىندى, ەندى 2018 جىلدىڭ قىركۇيەگىندە رەسمي اشىلۋى بولماق.
جولداۋدا ەلباسى قازاقستاننىڭ ۇشىنشى جاڭعىرۋى باستالعانىن جارييالاپ, ساياسي رەفورما مەن ەكونوميكالىق جاڭعىرۋ قولعا الىنسا, سوعان ىلەسپە رەتىندە, بىلتىرعى 2017 جىلدىڭ ساۋىر ايىندا «بولاشاققا باعدار: رۋحاني جاڭعىرۋ» اتتى ماقالاسىن جارييالاعان ەدى. سەبەبى, وسى كوزدەگەن جۇمىس­تىڭ بارى دەر ۋاقىتىندا ارى تيىمدى ورىندالۋى ۇشىن سانامىزدى دا جاڭعىرتۋ, ار نارسەدە ىلگەرى جۇرۋ قاجەتتىگى سەزىلدى. «ماقساتقا جەتۋ ۇشىن سانامىز ىسىمىزدەن وزىپ جۇرۋى, ياعني ودان بۇرىن جاڭعىرىپ وتىرۋى تيىس. بۇل ساياسي جانە ەكونوميكالىق جاڭعىرۋلاردى تولىقتى­رىپ قانا قويماي, ولاردىڭ وزەگىنە اينالادى» دەپ كورسەتىلگەن ماقالادا. بۇل ماقالا اياسىندا دا ەلباسى تاپسىر­مالارىنا سايكەس, تۇرلى باعىتتا بىرتالاي جوبالار قولعا الىندى. باستىسى, شارانىڭ بارلىعى قازاق ەلىن جاڭا دەڭگەيگە شىعارۋعا جەتەلەمەك.

نۇرسۇلۋ مىرزاحمەت

بولىسۋ:

پىكىر جازۋ


*